គ្រាន់តែ Lisa ចូលសម្ដែងរឿងភាគអាមេរិក The White Lotus អាចឱ្យប្រទេសថៃទទួលបានផលចំណេញដល់ម្ល៉ឹង!

ដ្បិតរឿងភាគ The White Lotus រដូវកាលទី៣ ទើបតែបានចាក់បញ្ចាំងដល់ភាគទី ៥ក្ដី ក៏ប៉ុន្តែប្រទេសថៃចាប់ផ្ដើមទទួលបានផលប្រយោជន៍ខ្លាំងពីភាពយន្តមួយនេះបាត់ទៅហើយ ខណៈការចាប់អារម្មណ៍របស់ភ្ញៀវទេសចរមានសន្ទុះហក់ឡើងខ្លាំង។  

រឿងភាគនិយាយពីជីវិតអ្នកមានអំឡុងពេលវិស្សមកាលរបស់ HBO កំពុងតែចាក់បញ្ចាំងនូវរដូវកាលថ្មីរបស់ខ្លួន ដោយសាច់រឿងក្នុងរដូវកាលទី ៣នេះ កើតឡើងនៅលើទឹកដីកោះ Samui ប្រទេសថៃ។ ភាពយន្តមួយចំណងជើងនេះមិនត្រឹមតែទទួលបានភាពជោគជ័យក្នុងនាមជាភាពយន្តភាគប៉ុណ្ណោះទេ តែបន្ទាប់ពីការចាក់ផ្សាយរដូវកាលចាស់ទាំង ២រួច រឿងភាគមួយចំណងជើងនេះក៏បាននាំយកប្រជាប្រិយភាពទៅកាន់ទីតាំងថតរឿងផងដែរ។

ជាក់ស្ដែង ក្រោមងារថា “ឥទ្ធិពល White Lotus” ភាពយន្តមួយនេះបានធ្វើឱ្យកំណើននៃភ្ញៀវទេសចរនៅកោះ Hawaii ដែលជាទីតាំងថតក្នុងរដូវកាលទី ១ និងកោះ Sicily នៃប្រទេសអ៊ីតាលី ដែលជាទីតាំងថតក្នុងរដូវកាលទី ២ មានការកើនឡើងរហូតដល់ទៅ ៣០០ភាគរយ។ នេះបើយោងតាមសារព័ត៌មាន Independent។

លោក Thapanee Kiatphaibool អភិបាលនៃអាជ្ញាធរទេសចរណ៍ថៃ បានប្រាប់កាសែត The Wrap ថា៖ “យើងមានទំនុកចិត្តលើចក្ខុវិស័យច្នៃប្រឌិតរបស់ក្រុមការងារ The White Lotus ដើម្បីបង្ហាញនូវអ្វីដែលប្រទេសយើងអាចផ្ដល់ជូនភ្ញៀវទេសចរ។ យើងជឿជាក់ថា ភាពយន្តភាគនេះនឹងបង្ហាញប្រទេសថៃនៅក្នុងរូបភាពវិជ្ជមាន ដោយទាក់ទាញអ្នកទស្សនាទូទាំងពិភពលោកឱ្យមកទទួលយកបទពិសោធន៍ដ៏ទាក់ទាញ និងបដិសណ្ឋារកិច្ចដ៏ពិសេសរបស់យើង”។

ទន្ទឹមគ្នានេះ លោក Siripakorn Cheawsamoot អភិបាលនៃអាជ្ញាធរទេសចរណ៍ថៃប្រចាំទ្វីបអ៊ឺរុប អាហ្រ្វិក ប្រទេសមជ្ឈិមបូព៌ា និងសហរដ្ឋអាមេរិក បានយល់ឃើញថា៖ “ការថតរឿង The White Lotus នៅក្នុងប្រទេសថៃ មិនត្រឹមតែបង្ហាញពីសម្រស់ធម្មជាតិ និងគោលដៅទេសចរណ៍ល្បីៗលំដាប់ពិភពលោកប៉ុណ្ណោះទេ តែក៏បានបង្ហាញពីស្ដង់ដារសេវាកម្មលំដាប់ First-class របស់ប្រទេសថៃផងដែរ”។

លោកបានបន្តថា៖ “ខណៈពេលដែលភាពយន្តនេះផ្ទាល់អាចទាក់ទាញភ្ញៀវទេសរណ៍និយាយភាសាអង់គ្លេសពីអឺរ៉ុប និងអាមេរិក ការចូលរួមសម្ដែងរបស់ Lisa កំពុងតែទាក់ទាញភ្ញៀវទេសចរពីបណ្ដាប្រទេសអាស៊ាន”។

ជាការពិត ប្រទេសថៃចាប់ផ្ដើមទទួលបានផលប្រយោជន៍ ចាប់តាំងពីភាពយន្តមួយនេះបញ្ចេញនូវរដូវខ្លី Teaser របស់ខ្លួនមកម្ល៉េះ ដោយគេហទំព័រ Hotels.com បានរាយការណ៍ថា ចំនួននៃការស្វែងរកកោះ Samui នៅលើគេហទំព័រមានកំណើនរហូតដល់ទៅ ៤០ភាគរយ។

បន្ទាប់ពីនេះ ក្រោយការចាក់ផ្សាយភាគទី១ នៅថ្ងៃទី១៦ ខែកុម្ភៈ ចំនួននៃការស្វែងរកកន្លែងស្នាក់នៅតាមកម្មវិធី និងគេហទំព័រនានាមានការហាក់ឡើងជាបន្តបន្ទាប់។ តួយ៉ាង កោះ Samui ទទួលបានការចាប់អារម្មណ៍ជារួម ៦៥ភាគរយពីភ្ញៀវទេសចរដែលមានមូលដ្ឋាននៅឯសហរដ្ឋអាមេរិក ជាមួយនឹងចំនួននៃការស្វែងរកកន្លែងស្នាក់លើកម្មវិធី Agoda កើនឡើង ១២ភាគរយ ខណៈចំនួននៃការកក់សណ្ឋាគារលំដាប់ប្រណិតមានចំនួនខ្ពស់ជាងមុន ៤០ភាគរយ។

ក្រុមហ៊ុនទេសចរណ៍អនឡាញ Expedia ក៏បានរាយការណ៍ពីការកើនឡើងដូចគ្នាដែរ។ តួយ៉ាង កោះ Samui ទទួលបានការចុចស្វែងរកច្រើនជាងមុនប្រមាណ ៣០ភាគរយ ទន្ទឹមគ្នានឹងភូកេតដែលមានចំនួន ៤៥ភាគរយ ឯខេត្តឈៀងម៉ៃវិញ មានការហក់ឡើងខ្លាំងរហូតដល់ទៅ ៦៥ភាគរយ។ ទិន្នន័យពីក្រុមហ៊ុនតែមួយនេះ ក៏បានបង្ហាញពីចំនួនការចាប់អារម្មណ៍ពីបណ្ដាប្រទេស និងទីក្រុងមួយចំនួនទៅលើកោះ Samui ដែរ ដោយការស្វែងរកទីតាំងថតរឿងនេះពីប្រជាជនហុងកុងកើនឡើង ៣៧០ភាគរយកាលពីខែមករា ស្របពេល ២សប្ដាហ៍បន្ទាប់ពីការចាក់ផ្សាយ ការស្វែងរបស់ប្រជាជនសិង្ហបុរីកើនឡើង ១១៥ភាគរយ ស្របពេលដែលប្រជាជនពីសហរដ្ឋអាមេរិកបានស្វែងរកកោះនេះច្រើនជាងមុន ៩៥ភាគរយ និង ៧០ភាគរយពីអូស្រ្តាលី។

ទន្ទឹមគ្នានេះ ចំនូននៃការកក់កន្លែងស្នាក់នៅរយៈពេលខ្លីក្នុងប្រទេសថៃបានកើនឡើងជិត​ ៥០០ភាគរយ បន្ទាប់ពីរឿង The White Lotus ចាក់ផ្សាយបាន ២ភាគ បើប្រៀបធៀបនឹងរយៈពេលតែមួយ កាលពីឆ្នាំ២០២៤។ នេះបើយោងតាម ភ្នាក់ងារគ្រប់គ្រងអចលនទ្រព្យ Guesty។

ឆ្លើយតបនឹងការហក់ឡើងនៃភ្ញៀវទេសចរ ក្រុមហ៊ុនអាកាសចរណ៍ Finnair បានប្រកាសបន្ថែមជើងហោះហើរ ដើម្បីទទួលយកអ្នកដំណើរពីទ្វីបអឺរ៉ុប ទៅកាន់ប្រទេសថៃ។ ដូចគ្នានឹង Bangkok Airways ក៏គ្រោងបង្កើនជើងហោះហើរទៅកាន់ប្រទេសថៃ ពី៥០ ទៅ ៧៣ជើងក្នុងមួយថ្ងៃ។

ក្រៅតែពីផលចំណេញដែលប្រទេសថៃទទួលបានដោយផ្ទាល់ ជំនួញរបស់ប្រជាជនថៃនៅក្រៅប្រទេសក៏ទទួលបានផលប្រយោជន៍ពីរឿង The White Lotus​ ដូចគ្នាដែរ។ ទិន្នន័យពីសេវាកម្មកក់ហាងអាហារ OpenTable បានបង្ហាញថា ចំនួននៃការកក់ភោជនីយដ្ឋានថៃក្នុងសហរដ្ឋអាមេរិក កើនឡើងដល់ ១៦ភាគរយ ក្រោយរឿងនេះចាក់បញ្ចាំងភាគទី១ របស់ខ្លួន។

សន្ទុះនៃការចាប់អារម្មណ៍របស់ភ្ញៀវទេសចរបទេស គឺសមស្របទៅនឹងបំណងរបស់ប្រទេសថៃ។ ស្របពេលដែលនៅក្នុងឆ្នាំ ២០២៤ ប្រទេសថៃទទួលបានចំនួនភ្ញៀវទេសចរប្រមាណ ៣៥លាននាក់ នៅក្នុងឆ្នាំ ២០២៥នេះ រាជរដ្ឋាភិបាលរបស់ប្រទេសអាស៊ានមួយនេះ បានតាំងគោលដៅទទួលយកភ្ញៀវទេសចរចន្លោះ ៣៩ ទៅ ៤០លាននាក់ ស្នើគ្នាទៅនឹងចំនួនមុនការរាតត្បាតជំងឺកូវីដ ១៩៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ចុងភៅលំដាប់ផ្កាយ Michelin ២ គឺលោក Christophe Hay និងមេចុងភៅ លោក លូ ម៉េង សហការគ្នានៅរាជធានី ភ្នំពេញ ដើម្បីជួយដល់កុមារនៅសាលារៀនតាមជនបទក្នុងខេត្តកំពត តាមរយៈអង្គការ Les Écoles de La Plantation

ងភៅដ៏ល្បីល្បាញជនជាតិបារាំង លោក Christophe Hay ដែលមាន រហស្សនាមថា «ចុងភៅកសិករ» (Farmer-Chef) និងមេចុងភៅកម្ពុជា លោក លូ ម៉េង បានរួមគ្នាក្នុងកម្មវិធីរាត្រីអាហារ

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី



Leave a Reply

Your email address will not be published.Required fields are marked *