ផលិតកររឿង Jailbreak បង្ហើបពីដំណើរការស្មុគស្មាញទម្រាំបានដាក់បញ្ចាំងលើវេទិកាភាពយន្តល្បី Netflix

រឿង Jailbreak គឺជាខ្សែភាពយន្តខ្មែរដំបូងបង្អស់ដែលទទួលបានអាជ្ញាបណ្ណក្នុងការបញ្ចូលរឿងទៅក្នុងវេទិកាភាព យន្តល្បីលើពិភពលោក Netflix។ នេះជាជំហានដ៏ធំមួយសម្រាប់ផលិតកម្មកម្ពុជា ដែលអាចបំបែកឧបសគ្គក្នុងការនាំយក ខ្សែភាពយន្តកម្ពុជាទៅឱ្យពិភពលោកបានឃើញ។ មិនមែនជារឿងងាយស្រួលនោះឡើយ ដែលធ្វើឱ្យក្រុមហ៊ុន Netflix ទទួលយករឿងនិមួយៗបញ្ចាំងលើវេទិកាខ្លួន ព្រោះតម្រូវលក្ខខណ្ឌនិងការពិនិត្យពិច្ច័យជាច្រើនដំណាក់កាល។ ផលិតកររឿង Jailbreak បានដាច់ចិត្តបង្ហើបពីដំណើរការដ៏ស្មុគស្មាញ ការខិតខំប្រឹងប្រែងរបស់ក្រុមការងារទម្រាំ ទទួលបានការយល់ព្រមពីក្រុមហ៊ុន Netflix។

ការផ្តួចផ្តើមនៃការដាក់ស្នើភាពយន្តទៅកាន់ Netflix

លោក តែ ឡូយ ផលិតករប្រចាំផលិតកម្ម Kongchak Picture និងជាផលិតកររឿង Jailbreak បានបង្ហើបតាមរយៈ បទសម្ភាសន៍ពិសេសមួយថា ខ្សែភាពយន្តមួយនេះត្រូវបានតំណាងដោយភ្នាក់ងារលក់ XYZ Films ហើយយើង បានចូលរួមនៅក្នុងទីផ្សារភាពយន្តនៅទីក្រុង Cannes ប្រទេសបារាំងកាលពីឆ្នាំ ២០១៧ ជាមួយគ្នា ដូច្នេះទើបពួកគេ សំរេចចិត្តស្នើគម្រោងទៅអោយក្រុមហ៊ុន Netflix ផ្ទាល់។ ដើមចមនៃការស្គាល់ភ្នាក់ងារមួយនេះដោយសារការចូលរួម ក្នុងទីផ្សារភាពយន្តដើម្បីបង្ហាញនិងព្យាយាមលក់ទៅកាន់អ្នកដែលមានសក្តានុពលក្នុងការទិញ។ មិនត្រឹមតែលក់មួយមុខ គត់ឡើយ តែផលិតកម្ម Kongchak មានសង្ឃឺមដ៏ធំក្នុងការបញ្ចុះបញ្ចូលឱ្យផលិតកម្មក្រៅស្រុកមកថតភាពយន្តនៅ កម្ពុជាផងដែរ។

XYZ Films មានកេរ្តិ៍ឈ្មោះល្បីល្បាញរន្ទឺក្នុងការចែកចាយខ្សែភាពយន្តបែបវាយតប់ពីអាស៊ីរួមមានទាំងរឿង RAID ផងដែរ ហេតុនេះក្រុមការងារគិតថា ពួកគេអាចកំណត់កិច្ចព្រមព្រៀងលើវេទិកាអន្តរជាតិ Netflix បាន។

XYZ Films គឺជាភាគីដែលដាក់គម្រោងស្នើទៅកាន់ក្រុមហ៊ុន Netflix ផ្ទាល់ ដូច្នេះនៅពេលដែលភាគី Netflix បង្ហាញសញ្ញាចាប់អារម្មណ៍លើគម្រោង ទើប XYZ Films ជួយសម្រួលការចរចារវាងផលិតកម្ម Kongchak និង Netflix។ លោក ឡូយ បញ្ជាក់ថា ទោះបីជាមានជំនួយពីភាគីដទៃក៏ពិតមែន ប៉ុន្តែមិនមែនជារឿងងាយៗនោះទេ នេះក៏ព្រោះតែផលិតកម្ម KongChak Picture មានទំនាក់ទំនងល្អជាមួយផលិតកម្មបរទេស ទើបអាចសម្រេច ការងារធំនេះបាន។

កត្តាសមហេតុផលមួយទៀត ព្រោះតែផលិតកម្មមកពីកម្ពុជាមិនទាន់មានការទទួលស្គាល់ទូលំទូលាយក្នុងការដាក់ស្នើរទៅ កាន់ក្រុមហ៊ុនយក្សអន្តរជាតិ Netflix ដោយផ្ទាល់បាននៅឡើយទេ។ ជម្រើសល្អបំផុតគឺត្រូវសហការជាមួយភ្នាក់ងារ អាចទុកចិត្តបាន ដែលមានសម្ព័ន្ធភាពល្អនិងការសហការយ៉ាងជិតស្និទជាមួយ Netflix ស្រាប់។ នេះគឺជាអ្វីដែលផលិតកម្ម នៅក្នុងស្រុកមិនទាន់យល់ច្បាស់អំពីកិច្ចខិតខំប្រឹងប្រែងនិងដំណើរការច្បាស់លាស់នៅឡើយទេ។

ដំណើរការនៃការរៀបចំដាក់ស្នើភាពយន្ត

ផលិតកររឿង Jailbreak រូបនេះ បានរៀបរាប់យ៉ាងជាក់លាក់ថា មុននឹងចុះហត្ថលេខាលើអ្វីមួយជាផ្លូវការ យើងត្រូវរៀបចំឯកសារស្របច្បាប់ជាច្រើន ដើម្បីបញ្ជាក់ថាផលិតកម្មមានសិទ្ធិពេញលេញលក់ខ្សែភាពយន្តនេះ។

ច្បាស់ណាស់ត្រូវតែប្រាកដថានៅក្នុងកិច្ចសន្យារបស់តួសម្តែងទាំងអស់បានព្រមព្រៀងឱ្យផលិតកម្មប្រើប្រាស់រូបភាពនិងឈ្មោះរបស់ពួកគេ។ ចំណែកតន្ត្រីដែលប្រើក្នុងភាពយន្ត ក៏តម្រូវឱ្យមានអាជ្ញាប័ណ្ណត្រឹមត្រូវនិងការចុះបញ្ជីស្គ្រីប និងពាណិជ្ជសញ្ញារក្សាសិទ្ធិ។ លោកចង់សង្កត់ធ្ងន់បន្ថែមទៀតសម្រាប់ផលិតកម្មក្នុងស្រុកដទៃទៀតឱ្យយល់ពីសារៈសំខាន់នៃការមានកិច្ចសន្យាត្រឹមត្រូវសម្រាប់បុគ្គលពាក់ព័ន្ធគ្រប់គ្នាដែលធ្វើការលើខ្សែភាពយន្ត ហើយសំខាន់បំផុតគឺត្រូវមានអាជ្ញាប័ណ្ណពេញលេញ សម្រាប់គំនិតតន្ត្រីនិងកម្មសិទ្ធិបញ្ញា។ វាជាកត្តាមួយដែលអាចបញ្ឈប់ខ្សែភាពយន្តមិនឱ្យឈានដល់ទីផ្សារអន្តរជាតិ។ ប្រសិនបើផ្ញើខ្សែភាពយន្តទៅអ្នកទិញដែលមានសក្តានុពល ហើយផលិតកម្មនោះមិនអាចបញ្ចុះបញ្ចូលថា ខ្សែភាពយន្តមានអាជ្ញាប័ណ្ណពេញលេញនោះ វាអាចជាហានិភ័យធំសម្រាប់ភ្នាក់ងារក្នុងការទិញភាពយន្តនោះ។

ជារួមដំណើរការដាក់ស្នើបានចំណាយពេលប្រមាណ ១ ឆ្នាំ ក្នុងនោះរយៈពេល ៩ខែ ផលិតកម្មត្រូវធ្វើការជាមួយមេធាវី ដើម្បីកែប្រែឯកសារជាច្រើន ហើយធ្វើវាឡើងវិញឱ្យបានត្រឹមត្រូវ។ នេះគឺជាបទពិសោធន៍រៀនសូត្រដែលមិនអាច បំភ្លេចបាន។ នៅពេលឯកសារស្របច្បាប់ទាំងអស់បានចាត់ចែងហើយ ផលិតកម្មអាចចុះហត្ថលេខាបាន ប៉ុន្តែត្រូវឆ្លងកាត់ការធ្វើតេស្ត ត្រួតពិនិត្យគុណភាពជាច្រើនដង និងបញ្ជូនធាតុមួយចំនួនជាក់លាក់សម្រាប់ខ្សែភាពយន្ត ដែលចំណាយពេល២ទៅ៣ខែទៀត។

ក្នុងអំឡុងពេលទាំងមូលនៃការរៀបចំឯកសារសម្រាប់ក្រុមហ៊ុន Netflix ក្រុមការងារ Kongchak Picture បានបន្តធ្វើដំណើរបញ្ចាំងខ្សែភាពយន្តនៅក្នុងកម្មវិធីជាច្រើននៅជុំវិញពិភពលោក និងឈ្នះរង្វាន់ដ៏អស្ចារ្យមួយចំនួន។ ការដាក់ឱ្យដំណើរការនៅលើក្រុមហ៊ុន Netflix គឺដូចជាវគ្គបញ្ចប់នៃខ្សែភាពយន្ត។ ខ្សែភាពយន្តលក្ខណៈវាយតប់ Jailbreak បានដាក់ដំណើរការនៅលើវេទិកាភាពយន្ត Netflix ជាផ្លូវការនៅថ្ងៃទី ០២ ខែឧសភា ឆ្នាំ ២០១៨។

ភាពជោគជ័យបន្ថែមក្រោយពីបញ្ចាំងលើ Netflix

ភាពជោគជ័យនៃខ្សែភាពយន្ត Jailbreak បានជួយឱ្យផលិតកម្មនិងភាពយន្តកម្ពុជា ទទួលបានការទទួលស្គាល់ជា អន្តរជាតិហើយ Kongchak Picture អាចធ្វើការលើខ្សែភាពយន្តជាច្រើនទៀត សម្រាប់ផលិតករអន្តរជាតិ ដែលនឹងមកថតនៅកម្ពុជា។ កាលពីឆ្នាំ ២០១៩ ក្រុមការងារត្រូវបានអញ្ជើញឱ្យចូលរួមក្នុងមហោស្រពភាពយន្ត Jeonju Martial Arts នៅឯប្រទេសកូរ៉េខាងត្បូង ហើយក៏មានឱកាសជួបជាមួយ Cecep និង Yayan ដែលជាតួអង្គសំខាន់ របស់រឿង The Raid។ ជាមួយសន្ទុះនៃការគាំទ្រទាំងជាតិនិងអន្តរជាតិបានជម្រុញឱ្យ ផលិតកម្ម Kongchak Picture សម្រេចនិងបានត្រៀមជាមួយការថតខ្សែភាពយន្ត Jailbreak 2 ប៉ុន្តែដោយសារការផ្ទុះនៃមេរោគរាតត្បាតកូវីដ១៩ ជាហេតុធ្វើឱ្យការថតខ្សែភាពយន្តត្រូវបានពន្យាពេល៕

ដោយ Jacqueli



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។