ចង់ដឹងថា«ក្រុមភាពយន្តឈូករ័ត្ន» ជំនាន់ទី៨ សម្រេចបានសមិទ្ធផលអ្វីខ្លះចូលរួម «ទិវាឈូករ័ត្ន ២០២៥» ទាំងអស់គ្នា!

បន្ទាប់ពីចាក់បញ្ចាំងឡើងវិញនូវស្នាដៃរបស់ខ្លួនតាមខេត្តដូចជាបាត់ដំបង និង សៀមរាប ក្នុងខែវិច្ឆិកា និងធ្នូ ក្នុងក្របខណ្ឌ«មហោស្រពភាពយន្តខ្លីចតុមុខ» ភាពយន្តខ្លីចំនួន២រឿង ដោយផលិតដោយក្រុមភាព​យន្តឈូករ័ត្ន ឬហៅកាត់ថា «ឈូករ័ត្ន»  សម្រាប់ឆ្នាំថ្មីនេះ នឹងបង្ហាញខ្លួនលើផ្ទាំងសំពត់សម្តងទៀត នៅរាជធានីភ្នំពេញ ក្នុង «ទិវាឈូករ័ត្ន» នៅថ្ងៃទី២៤ ខែធ្នូខាងមុខនេះ។ ទិវានេះ ប្រារព្វឡើងក្នុងន័យ់ផ្តល់ ឱកាសឱ្យអ្នកចូលរួមបាន ស្វែងយល់បន្ថែមពីក្រុមភាពយន្តឈូករ័ត្នឆ្នាំ២០២៥ ថាតើបានរៀនអ្វីខ្លះ ក្នុងរយៈពេលមួយឆ្នាំ និងឱកាស ក្លាយជាសមាជិកថ្មីនៃក្រុមភាពយន្តឈូករ័ត្នក្នុងឆ្នាំថ្មី២០២៦ខាងមុខនេះ ជាមួយបទបង្ហាញពីសកម្មភាពថ្មីៗ។ 

លោក ស៊ុំ ស៊ីថែន ជាស្ថាបនិករបស់«ក្រុមភាពយន្តឈូករ័ត្ន» បានលើកឡើងថា៖ «ដោយសារពេញ១ឆ្នាំ ឈូករ័ត្នគ្រប់ជំនាន់ តែងមមាញឹកក្នុងការបណ្តុះបណ្តាល ផលិត និងរៀបចំមហោស្រព ដូច្នេះហើយ ទើបយើងតែងប្រារព្ធ «ទិវាឈូករ័ត្ន» ជារៀងរាល់ចុងឆ្នាំ ដើម្បីអបអរយុវសមិទ្ធិករយើងផង និង រីករាយនឹងស្នាដៃថ្មីរបស់ពួកគាត់ ជាពិសេសចំពោះទស្សនិកជន ដែលខកខានមិនបានទស្សនា កំឡុងពេល «មហោស្រពភាពយន្តខ្លីចតុមុខ» ដែលកន្លងផុតទៅ នៅខែតុលានោះ។ ណាមួយទៀត ទិវានេះ នឹងផ្សារភ្ជាប់ ទំនាក់ទំនងរវាងសមាជិក បច្ចុប្បន្ន ជាមួយសិស្សច្បង និងបេក្ខជនសម្រាប់ឆ្នាំ ២០២៦ ដែរ។ 

លោក ស៊ីថែន ក៏បន្ថែមថា៖«ក្រៅពីការចែកលិខិតបញ្ចប់ជំនាន់ ដល់សមាជិកឆ្នាំ២០២៥ យើងខ្ញុំក៏នឹងយក ឱកាសនោះថ្លែងអំណរគុណ ដល់គ្រប់ដៃគូ និងភាគីពាក់ព័ន្ធ ដែលខ្វាយខ្វល់ពីវិស័យភាពយន្ត តាមរយៈការជួយ ជ្រោមជ្រែងគ្រប់ផ្នែកនៃកម្មវិធីពេញ១ឆ្នាំ២០២៥ រាប់តាំងពីទីតាំង បច្ចេកទេស ឧបករណ៍ និងអាហារសម្រន់ ផ្សេងៗ»។ 

សម្រាប់ កញ្ញា ខិ សិរី ជាសមាជិកឈូករ័ត្ន ជំនាន់ទី៨ (២០២៥) ៖​«នាងខ្ញុំបានមកឈូករ័ត្ន ដើម្បីរៀន ផលិតភាពយន្តទេ។ ប៉ុន្តែ ឈូករ័ត្ន បានបង្រៀនខ្ញុំអ្វីម្យ៉ាងដែលស៊ីជម្រៅជាងនេះទៅទៀត — គឺការដឹកនាំ ខ្លួនឯង ជឿជាក់លើខ្លួនឯង និងរីកលូតលាស់ ឆ្លងកាត់បញ្ហាប្រឈម។ ពោលគឺ លើសពីកម្មវិធីបង្រៀន ភាពយន្តទៅទៀត និយាយឱ្យចំជាកន្លែងដែលយុវជនយើងអាចប្រែក្លាយ ជោគវាសនាខ្លួនបាន។» 

សម្រាប់ អ្នកស្រី ស៊ន សុខឃៀង ជាអតីតសមាជិកឈូករ័ត្ន ជំនាន់ទី៧ (២០២៤) ៖​«ក្រុមភាពយន្ត ឈូករ័ត្ន ជាកន្លែងនាំខ្ញុំសម្រេចក្តីស្រមែផលិតភាពយន្តខ្លីដោយខ្លួនឯង និងជាស្នាដៃអស្ខារ្យមួយ ដែលខ្ញុំមិនអាច បំភ្លេចបាន។បទពិសោធន៍នេះហើយ ដែលជំរុញខ្ញុំមានទំនុកចិត្តជាផលិតករស្រ្តីមួយរូប នៅកម្ពុជា។»

សូមជម្រាបថា កម្មវិធីនេះ «ឈូករ័ត្ន» នឹងចាក់បញ្ចាំងភាពយន្តខ្លីចំនួន២រឿង ដែលជាស្នាដៃរបស់សមាជិកក្រុម ភាពយន្តឈូករ័ត្នទាំង០៩រូប ឆ្នាំនេះ រួមមាន៖

១.រឿង «តុបាយ» (ជាប្រភេទរឿង ពញ្ញាក់អារម្មណ៍ និងផ្លូវចិត្ត) ដឹកនាំដោយលោក អ៊ុង ស៊ីវថុង និង

២.រឿង «កំណែចុងក្រោយ» (ប្រភេទរឿង វិបត្តិគ្រួសារ) ដឹកនាំដោយ កញ្ញា ឃុំ ធីតា។ 

នៅល្ងាចថ្ងៃទី២៤ខែធ្នូ ឆ្នាំ២០២៥ ចាប់ពី ម៉ោង ៦:០០ល្ងាច ដល់ ៨:០០ យប់ នៅរោងភាពយន្ត លេជនព្រីមាម សាខា Exchange Square ភ្នំពេញ។ ការចូលរួមពុំមានគិតថ្លៃទេ ដោយគ្រាន់តែ ចុះឈ្មោះនៅតំណភ្ជាប់ នេះ៖https://forms.gle/P3RpBdsescP5w6LW6 ជាការស្រេច។  

រីឯបេក្ខជនដែលចាប់អារម្មណ៍ក្លាយជាសមាជិកជំនាន់ទី៩ របស់ឈូករ័ត្ន (ឆ្នាំ២០២៦) អាចគោរពតាម លក្ខខណ្ឌ ដើម្បីចូលជាសមាជិកងាយៗ ឱ្យតែអ្នកស្រឡាញ់ និងចង់ស្វែងយល់ពីការផលិតភាពយន្ដ មានពេលវេលា គ្រប់គ្រាន់អាចចូលរួមសកម្មភាពជាមួយក្រុម ក្នុងការបណ្ដុះបណ្ដាលជំនាញ ការអនុវត្តន៍ដោយ ផ្ទាល់ជាមួយ ភាពយន្តខ្លី និងបន្សល់សមិទ្ធផលជាស្នាដៃវិជ្ជមានក្នុងវិស័យភាពយន្តជាមួយគ្នា។ កុំស្ទាក់ស្ទើរ ចុះឈ្មោះចាប់ពី ឥឡូវនេះ រហូតដល់៖ថ្ងៃទី១០ ខែមករា ឆ្នាំ២០២៦។ ខុសពីឆ្នាំមុនៗ ឆ្នាំនេះ«ឈូករ័ត្ន» មានការគាំទ្រពីដៃគូក្រៅស្រុកសំខាន់មួយគឺមូលនិធិ Sombat Somphone Memorial Fund (SSMF) និង International Network of Engaged Buddhists (INEB)  និងថវិកាក្នុងស្រុកដោយអន្លើ បានពី «អង្គការមូលនិធិកុមារកម្ពុជា» រួមទាំងដៃគូផ្សេងទៀតដូចជា៖ ក្រសួងវប្បធម៌ និង វិចិត្រសិល្បៈ, ក្រសួង ព័ត៌មាន, ផលិតកម្ម Box Media, ហាង Camera Hut, និង រោងភាពយន្ត Legend Cinema និង Legend Premium Cinema, ដៃគូព័ត៌មាន AMS និង TV5 ដៃគូផ្គត់ផ្គង់11:11 Coffee & ChillOut និង នំខ្មែរ«នាឡិ៍», «សាលាសិល្បៈសម្តែង» និងផលិតកម្ម Pinex Pro។ ភាពជាដៃគូទាំងនេះសរបញ្ជាក់ពីបំណង របស់ «ឈូករ័ត្ន» ក្នុង ការភ្ជាប់ សម្ព័ន្ធភាពឱ្យកាន់តែរលូន និង សុខដុម ជាមួយដៃគូនៅក្នុង សហគមន៍ភាពយន្តកម្ពុជាទាំងមូល៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។



Leave a Reply

Your email address will not be published.Required fields are marked *