ឪពុកម្ដាយនៅប្រទេសចិនបញ្ជូនកូនៗទៅជំរំធ្វើការងារស្រែចម្ការ ដើម្បីបានភ្លក់រសជាតិជីវិតពិត និងស្គាល់តម្លៃគ្រួសារ

ឪពុកម្តាយចិនជាច្រើនកំពុងបញ្ជូនកូនៗរបស់ពួកគេទៅកាន់ «ជំរំលត់ដំខ្លួនរដូវក្តៅ» ដើម្បីធ្វើការងារកសិកម្ម ដើម្បីបង្រៀនពួកគេឱ្យស្គាល់ពីការពិតនៃជីវិត និងបណ្ដុះស្មារតីឱ្យចេះដឹងគុណគ្រួសារ។

នៅរដូវក្តៅនេះ កម្មវិធីមួយដែលគេស្គាល់ថាជា «ជំរំលំបាក» (Hardship camp) កំពុងទទួលបានការពេញនិយមយ៉ាងខ្លាំងនៅទូទាំងប្រទេសចិន។ ឪពុកម្តាយជាច្រើនបានចំណាយប្រាក់រាប់ពាន់យ័ន (រាប់រយដុល្លារអាមេរិក) ដើម្បីបញ្ជូនកូនៗរបស់ពួកគេទៅកាន់ជនបទ ដើម្បីផ្ដល់បទពិសោធន៍ផ្ទាល់ដៃពីជីវិតនៅតាមតំបន់ស្រែចម្ការ។

កម្មវិធីទាំងនេះភាគច្រើនមានទីតាំងនៅក្នុងខេត្តភាគនិរតីនៃប្រទេសចិន ដូចជា ស៊ីឈួន គួយចូវ និងយូណាន ដែលជាកន្លែងមានធាតុអាកាសត្រជាក់ស្រួលគួរឱ្យគាប់ចិត្តក្នុងអំឡុងខែរដូវក្តៅ។

សកម្មភាពដែលបានប្រគល់ឱ្យកុមារនៅក្នុងជំរំ គឺដូចគ្នាបេះបិទទៅនឹងការងារប្រចាំថ្ងៃរបស់កសិករ រួមមាន ការជីក និងលក់ដំឡូងបារាំង ការបកសំបកឈើ និងការឱ្យចំណីជ្រូកជាដើម។

ទោះជាយ៉ាងណាក៏ដោយ ខុសពីអ្នកជួយការងារធម្មតាដែលទទួលបានប្រាក់ខែសម្រាប់ការងាររបស់ពួកគេ កុមារទាំងនេះ — រួមទាំងឪពុកម្តាយរបស់ពួកគេ — ត្រូវតែបង់ប្រាក់សម្រាប់បទពិសោធន៍មួយនេះ។

ជំរំមួយបានគិតថ្លៃជាង ៤០០០ យ័ន (ប្រហែល ៦០០ ដុល្លារអាមេរិក) សម្រាប់បទពិសោធន៍រយៈពេល ១០ ថ្ងៃ ខណៈពេលដែលការស្នាក់នៅយូរជាងនេះរហូតដល់មួយខែ អាចមានតម្លៃលើសពី ១ ម៉ឺនយ័ន។

ជំរំទាំងនេះត្រូវបានគ្រប់គ្រងដោយវិធានការយ៉ាងម៉ឺងម៉ាត់។ ឧទាហរណ៍ ប្រសិនបើកុមារមិនបានបំពេញការងារដែលបានប្រគល់ឱ្យបានជោគជ័យទេ ពួកគេអាចនឹងប្រឈមមុខនឹងការពិន័យដោយហូបតែដំឡូងបារាំងប៉ុណ្ណោះសម្រាប់អាហារ។

បន្ថែមពីនេះ ទូរស័ព្ទរបស់ពួកគេត្រូវបានរឹបអូស ហើយស្បៀងអាហារត្រូវបានចែករំលែកដោយផ្អែកលើបរិមាណការងារដែលបានបំពេញរួច។

អ្នករៀបចំជំរំបានអះអាងថា គោលបំណងចម្បងរបស់ពួកគេគឺដើម្បីបង្កើនការយល់ដឹងអំពីការលំបាកដែលពាក់ព័ន្ធនឹងពលកម្ម និងការរកប្រាក់។ ក្នុងពេលជាមួយគ្នានេះ ពួកគេធានាថាការងារទាំងនោះមិនត្រូវ «លំបាកពេក» នោះទេ ដើម្បីឱ្យឪពុកម្តាយមានទំនុកចិត្ត។

វីដេអូដែលល្បីសុសសាយចេញពីជំរំទាំងនោះ បានបង្ហាញពីកុមារខ្លះកំពុងយំ និងអង្វរសុំត្រឡប់ទៅផ្ទះវិញ ដោយអ្នកខ្លះថែមទាំងសម្តែងការស្ម័គ្រចិត្តធ្វើកិច្ចការផ្ទះជំនួសវិញ ដោយនិយាយថា៖ «ខ្ញុំអាចធ្វើអ្វីក៏បាន ឱ្យតែមិនមែនជាការងារកសិកម្ម»។

ជំរំមួយចំនួនក៏តម្រូវឱ្យកុមារសរសេរសំបុត្រផ្ញើទៅកាន់ឪពុកម្តាយរបស់ពួកគេផងដែរ។

បុគ្គលិកម្នាក់មកពីជំរំមួយបានកត់សម្គាល់ថា ឪពុកម្តាយជាច្រើនជារឿយៗរំជួលចិត្តដោយសារវីដេអូ និងសំបុត្រពីកូនៗរបស់ពួកគេ ហើយបន្ទាប់មកបានណែនាំជំរំនេះទៅកាន់អ្នកដទៃទៀត។

បុរសម្នាក់ដែលមានត្រកូល Gao មកពីខេត្តស៊ីឈួន បានបញ្ជូនកូនស្រីថ្នាក់អនុវិទ្យាល័យឆ្នាំទី ១ របស់គាត់ទៅកាន់ «ជំរំលត់ដំរដូវក្តៅ» មួយក្នុងចំណោមជំរំទាំងនេះ។ គាត់មានការភ្ញាក់ផ្អើលយ៉ាងខ្លាំងនៅពេលរកឃើញថា ទោះបីជាមានការរអ៊ូរទាំជាប្រចាំក៏ដោយ ក៏កូនស្រីរបស់គាត់រីករាយនឹងការងារកសិកម្មនោះ។

អាណាព្យាបាលម្នាក់ទៀតមកពីក្រុងសៀងហៃ ដែលបានបញ្ជូនកូនស្រីអាយុ ៧ ឆ្នាំរបស់នាងទៅកាន់ជំរំរយៈពេល ១០ ថ្ងៃ បានកត់សម្គាល់ថា កូនស្រីរបស់នាងនៅតែរក្សាទម្លាប់ខ្ជិល និងរើសអើងដដែល។ ទោះជាយ៉ាងណាក៏ដោយ នាងបានសម្តែងការពេញចិត្ត ព្រោះកូនស្រីរបស់នាង «បានឈានជើងចេញពីទម្លាប់សុខស្រួលរបស់នាង ហើយបានជួបប្រទះនូវរបៀបរស់នៅផ្សេង»។

នៅក្នុងផ្នែកបញ្ចេញមតិនៅខាងក្រោមវីដេអូរបស់ជំរំ មនុស្សជាច្រើនបានសាកសួរអំពីរបៀបចុះឈ្មោះកូនៗរបស់ពួកគេចូលរួមក្នុងកម្មវិធីទាំងនេះ។

«អ្វីដែលកូនៗរបស់យើងបានជួបប្រទះនៅក្នុងជំរំរដូវក្តៅទាំងនេះ រំលេចឱ្យឃើញពីការលំបាកពិតប្រាកដដែលជំនាន់របស់យើងបានប្រឈមមុខ។ យើងមានគោលបំណងផ្តល់ឱ្យពួកគេនូវជីវិតកាន់តែល្អប្រសើរ ប៉ុន្តែអាចនឹងធ្វើឱ្យពួកគេខូចដោយមិនដឹងខ្លួន។ ប្រហែលជាការប្រឈមមុខនឹងការលំបាក គឺជារឿងចាំបាច់សម្រាប់កុមារ ដើម្បីឱ្យចេះដឹងគុណចំពោះជីវិតដ៏សុខស្រួលរបស់ពួកគេ» នេះជាការបញ្ចេញមតិរបស់អ្នកប្រើប្រាស់បណ្តាញសង្គមម្នាក់។

ទោះជាយ៉ាងណាក៏ដោយ ក៏មានអ្នកខំមិនផ្សេងទៀតបានព្រមានប្រឆាំងនឹងការដាក់បន្ទុកហួសហេតុទៅលើកុមារផងដែរ។

«កុមារជាច្រើនទទួលបានតែការអប់រំនៅក្នុងថ្នាក់រៀននៅទីក្រុងប៉ុណ្ណោះ។ ពលកម្មហួសប្រមាណអាចជះឥទ្ធិពលអវិជ្ជមានដល់ការអភិវឌ្ឍរាងកាយ និងផ្លូវចិត្តរបស់ពួកគេ»។ នេះជាការកត់សម្គាល់របស់អ្នកលេងបណ្ដាញសង្គមម្នាក់ទៀត ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។



Leave a Reply

Your email address will not be published.Required fields are marked *