រូបភាពប៉ុន្មានសន្លឹកក្នុងតំបន់ប្រាសាទព្រះខ័នអមដោយវាលស្មៅបៃតងខៀវខ្ចីកំពុងទាក់ចិត្តបណ្ដាភ្ញៀវទេសចរទាំងជាតិ-អន្តរជាតិឱ្យចង់មកគយគន់និងផ្ដិតយកទិដ្ឋភាពដ៏ស្រស់ត្រកាលជាពិសេសឱ្យទាន់រដូវកាលបៃតងនេះតែម្ដង។

ប្លង់រូបថតស្អាតៗនៃច្រកចូលខាងក្រោយប្រាសាទព្រះខ័នកំពុងទទួលបានការចាប់អារម្មណ៍ពីសំណាក់អ្នកប្រើប្រាស់បណ្ដាញសង្គមឱ្យចុច Like និង Share ព្រោងព្រាត។ ជាមួយទិដ្ឋភាពដ៏ស្រស់ត្រកាលនៃប្រាង្គប្រាសាទបុរាណខ្មែរអមដោយវាលស្មៅបៃតងស្រងាត់ដាសពេញនៅលើដីនារដូវកាលបៃតងនេះបានទាក់ចិត្តទេសចរជាច្រើនឱ្យចង់ទៅលេងកម្សាន្តនិងបានគយគន់នូវសម្រស់ប្រាសាទបុរាណដ៏ល្អឯកនារដូវវស្សាដ៏សែនត្រជាក់ចិត្តមួយនេះ។ ក្រៅពីទេសភាពដ៏ស្រស់ត្រកាលទីនេះក៏មានប្លង់ថតស្អាតៗជាច្រើនដែលអាចឱ្យភ្ញៀវទេសចរអាចផ្ដិតយករូបភាពទៅតាមចិត្តស្រលាញ់បានផងដែរ។
ប្រាសាទព្រះខ័នកសាងឡើងដោយព្រះបាទជ័យវរ្ម័នទី ៧ នៅចុងសតវត្សរ៍ទី១២ ក្នុង គ.ស ១១៩១ ដើម្បីឧទ្ទិសចំពោះលទ្ធិព្រះពុទ្ធសាសនាមហាយាន ។ ប្រាសាទនេះមានទីតាំងស្ថិតនៅតាមផ្លូវវង់ធំ ដោយចេញតាមផ្លូវទ្វារដីឆ្នាំងនៃរាជធានីអង្គរធំ ខេត្តសៀមរាប៕






រូបភាព ៖ SUOY LOEUM


























Account
Security
Favourite Content