បន្ទាប់ពីទទួលការជោគជ័យក្នុងការរៀបចំចំនួន ២ លើករួចមក ក្រោមការគាំទ្ររបស់អង្គការមិត្តសំឡាញ់ ពិព័រណ៍រុក្ខជាតិ និងសួនច្បារភ្នំពេញ បានវិលត្រឡប់មកវិញហើយ។ កម្មវិធីនេះនឹងប្រព្រឹត្តឡើងនៅថ្ងៃទី៥ ដល់ថ្ងៃទី៧ ខែកក្កដា ឆ្នាំ២០២៤ ចាប់ពីម៉ោង ១០ ព្រឹក រហូតដល់ម៉ោង ៧ ល្ងាច ដែលមានទីតាំងនៅ មជ្ឃមណ្ឌលបៃតង Connexion កោះពេជ្រ។

ពិព័រណ៍រុក្ខជាតិ និងសួនច្បារភ្នំពេញ ឆ្នាំនេះ ធ្វើឡើង ក្រោមប្រធានបទ៖ “ទីក្រុងកាន់តែបៃតង៖ ការថែសួនទីក្រុង និងការរស់នៅប្រកបដោយចីរភាព” ។ ពិព័រណ៍រុក្ខជាតិ និងសួនច្បារភ្នំពេញលើកទី៣ នឹងនាំយកអ្វីដែលថ្មី ជាមួយបទពិសោធន៍ល្អៗ ដើម្បីចែកជូនសល់សាធារណជនពីចំណេះដឹងទាក់ទងនឹងការដាំរុក្ខជាតិ ការថែទាំសួនច្បារ និងលំហរបៃតង។

កាន់តែពិសេសទៀតនោះ កម្មវិធីក៏មានការរៀបចំសិក្ខាសាលាផ្សេងៗទាក់ទងនឹងគន្លឹះនៃការដាំរុក្ខជាតិលម្អ ការដាំកេសកូល ការរៀបចំបាច់ផ្កា ការបោះពុម្ភដោយដៃ និងការធ្វើទៀនក្រអូបជាដើម។ មិនតែប៉ុណ្ណោះ កម្មវិធីនេះក៏មានការជជែកវែកញែកអំពីប្រធានបទចំនួនគឺ ការរស់នៅប្រកបដោយចីរភាព ជាមួយវាគ្មិនកិត្តិយស និងការកំណត់ការរចនាលំហរបៃតងក្នុងទីប្រជុំជន។

ពិព័រណ៍រុក្ខជាតិ និងសួនច្បារភ្នំពេញ លើកទី3 ជាព្រឹត្តិការណ៍សាធារណៈដែលធ្វើឡើងដើម្បីអ្នកស្រលាញ់រុក្ខជាតិ និងចង់ស្វែងយល់អំពីរុក្ខជាតិ បានជួបជុំគ្នា ចែករំលែកចំណេះដឹង ផ្លាស់ប្ដូរបទពិសោធន៍ និងជំរុញលើកទឹកចិត្តសាធារណជនឲ្យយល់ដឹងបន្ថែមអំពីរុក្ខជាតិ សួនច្បារ និងលំហរបៃតងក្នុងទីប្រជុំជន។

កម្មវិធីនេះរៀបចំឡើងដោយ Phnom Penh Houseplant Festival និងសហការរៀបចំដោយ IDEN CREATIVE CO,. LTD។ ព្រឹត្តិការណ៍នេះនឹងរៀបចំឡើងនៅថ្ងៃទី៥ ដល់ថ្ងៃទី៧ ខែកក្កដា ឆ្នាំ២០២៤ នៅទីតាំង មជ្ឈមណ្ឌលបៃតង Connexion កោះពេជ្រ។
កម្មវិធីមានការចូលរួមពីអ្នកលក់រុក្ខជាតិលម្អជាច្រើនប្រភេទដូចជា៖ រុក្ខជាតិដំបងយក្ស ប្រទាល រុក្ខជាតិលម្អស្លឹក កេសកូល អ្នករៀបចំសួនច្បារ និងទេសភាព អ្នកលក់ផលិតផលកសិកម្ម ពិព័រណ៍សិល្បៈអំពីរុក្ខជាតិ សិក្ខាសាលាអំពីរុក្ខជាតិ កិច្ចពិភាក្សា និងការសម្ដែងពីសិល្បករជាច្រើននាក់ដូចជាក្រុមតន្ត្រីសម័យ ហ្គីតា របាំល្ខោនខោល និងក្រុមរថយន្តតន្ត្រីទិព្វខ្មែរ។ ក្រៅពីនេះកម្មពិធីមានតូបលក់ភេសជ្ជៈ ទឹកផ្លែឈើ កាហ្វេ ម្ហូបជាច្រើនមុខ និងផលិតផលជាច្រើនមុខទៀតពីដៃគូរសហការ និងអ្នកឧបត្ថម្ភកម្មវិធី -ល-។
សូមអញ្ជើញចូលរួមព្រឹត្តការណ៍ពិព័រណ៍ខាងមុខនេះឲ្យបានច្រើនកុះករ!!


























Account
Security
Favourite Content