ទេសចរណ៍ គឺជាវិស័យដ៏សំខាន់មួយ ក្នុងចំណោមវិស័យធំៗផ្សេងទៀត នៅប្រទេសកម្ពុជា ដែលអាចរកប្រាក់ចំណូលចូលចរន្តសេដ្ឋកិច្ចជាតិ និងជួយលើកស្ទួយជីវភាពប្រជាជនឱ្យល្អប្រសើរ តាមរយៈការទទួលបានភ្ញៀវទេសចរជាតិ អន្តរជាតិ មកទស្សនាកម្សាន្តនៅតាមតំបន់ទេសចរណ៍ដ៏សម្បូរបែបរបស់កម្ពុជា។

កត្តាស្ថេរភាពនយោបាយ សុខសុវត្ថិភាព និងការអភិវឌ្ឍប្រព័ន្ធហេដ្ឋារចនាសម្ព័ន្ធ សុទ្ធតែជាកត្តាជួយជំរុញឱ្យទេសចរចង់មកទស្សនាកម្សាន្ត នៅថ្ងៃវិស្សមកាល ទន្ទឹមនឹងអំណោយផលពីធម្មជាតិ មានតំបន់ទេសចរណ៍ស្អាតៗ និងកេរមរតកដែលបន្សល់ទុកពីបុព្វបុរសខ្មែរ មានជាអាទិ៍ដូចជា ប្រាង្គប្រាសាទដែលមានស្ទើរពាសពេញផ្ទៃប្រទេសកម្ពុជា។

\អ្វីដែលគួរឱ្យរំភើប ក្រោយចប់វិបត្តិកូវីដ ១៩ សន្ទុះ នៃអ្នកធ្វើដំណើរកម្សាន្ត មកកាន់ប្រទេសកម្ពុជា ហាក់មានកំណើនឡើងវិញបន្តិចម្ដងៗ ជាក់ស្ដែងកាលពីថ្ងៃទី ១៧ ខែតុលា ឆ្នាំ ២០២៣ នេះ ទិដ្ឋភាពនៅឯប្រលានយន្តហោះអន្តរជាតិភ្នំពេញ មានភ្ញៀវទេសចរយ៉ាងច្រើនកុះករ ដែលសុទ្ធតែជាទេសចរបរទេស បានចុះចត មកប្រទេសកម្ពុជា ដើម្បីថ្ងៃឈប់សម្រាក់របស់ពួកគេ។

ការរួបរួមគ្នាមិនថា ប្រមុខថ្នាក់ដឹកនាំ ក៏ដូចជាប្រជាជន ជួយផ្សព្វផ្សាយឱ្យបានទូលំទូលាយ ពីវប្បធម៌ អរិយធម៌ តំបន់ណទេសចរណ៍ ស្ថានភាពនយោបាយ ស្ថេរភាព សុវត្ថិភាព និងរឿងរ៉ាវល្អៗ ពីប្រទេសកម្ពុជា ពិតជាមានសារៈសំខាន់ណាស់ដើម្បីទាក់ទាញភ្ញៀវទេសចរ។ ក្រៅពីនេះការទទួលបដិណ្ឋារកិច្ច តម្លៃលើសេវាកម្មផ្សេងៗ ដូចជាថ្លៃធ្វើដំណើរ កន្លែងស្នាក់នៅ ម្ហូបអាហារ សុទ្ធតែជាចំណុចមិនគួរមើលរំលងដើម្បីឱ្យទេសចរចូលមកទស្សនាប្រទេសកម្ពុជាកាន់តែច្រើនឡើងៗ៕

រូបភាព៖ រា ហ៊ូ


























Account
Security
Favourite Content