កម្ពុជានឹងក្លាយជាប្រទេសដំបូងលើលោក ក្នុងកំណត់ត្រាថ្មីរបស់ Guinness ការចតឡានទំនើបៗច្រើនបំផុតនៅតំបន់បេតិកភណ្ឌ

សំឡេងត្រូវបានបង្កើតឡើងតាមរយៈប្រព័ន្ធបញ្ញា​សិប្បនិម្មិត្ត។

កម្ពុជានឹងក្លាយជាប្រទេសដំបូងគេបំផុតក្នុងពិភពលោក ដែលស្ថាប័នកំណត់ត្រាពិភពលោក Guinness World Record បានបង្កើតកំណត់ត្រាថ្មីមិនធ្លាប់មានពីមុន គឺការចតរថយន្តទំនើបៗច្រើនបំផុត នៅតំបន់បេតិកភណ្ឌ ពោលគឺនៅមុខប្រាសាទអង្គរ។ នេះបើតាមប្រសាសន៍របស់ឯកឧត្ដម គុជ បញ្ញាសា រដ្ឋលេខាធិការក្រសួងទេសចរណ៍ ក៏ដូចជាការបញ្ជាក់បន្ថែម ពីសំណាក់លោកឧកញ៉ា លាង ពៅ ជាអគ្គនាយកពហុពាណិជ្ជកម្ម នៃក្រុមហ៊ុនជីបម៉ុងគ្រុប បានថ្លែងក្នុងកិច្ចប្រជុំអន្តរក្រសួងស្ដីពីការរៀបចំព្រឹត្តិការណ៍កម្រិតអន្តរជាតិ GUMBALL 3000 ចាប់ពីថ្ងៃទី ១៥ ដល់ ១៧ កញ្ញា ឆ្នាំ ២០២៤ ខាងមុខនេះ។


តាមប្រសាសន៍របស់លោកឧកញ៉ា លាង ពៅ បានឱ្យដឹងបន្ថែមថា ស្ថាប័នកំណត់ត្រាពិភពលោក បានយល់ព្រមទៅលើសំណើរក្នុងការបង្កើតកំណត់ត្រាថ្មីនេះ និងថែមទាំងបានកំណត់រថយន្ត ដែលចូលរួមចតត្រឹម ១៨០គ្រឿង គឺអាចបំបែកកំណត់ត្រានេះបានហើយ។ លោកឧកញ៉ា លាង ពៅ បានថ្លែងទាំងរីករាយថា ត្រឹម ១៨០ គ្រឿង គឺគ្មានអ្វីពិបាកសម្រាប់ប្រទេសកម្ពុជានោះទេ។ គិតត្រឹមថ្ងៃទី ០៦ ខែកញ្ញា មានរថយន្តក្នុងស្រុកបានចុះឈ្មោះ ចូលរួមព្រឹត្តិការណ៍ GUMBALL 3000 ចំនួន ២៧០គ្រឿងហើយ និងរថយន្តរបស់ប្រតិភូ GUMBALL ប្រមាណជាង ១០០ គ្រឿងទៀត គឺកម្ពុជានឹងក្លាយជាប្រទេសដំបូងបំផុត ដែលបានបំបែកកំណត់ត្រាថ្មីទើបនឹងបង្កើតឡើងមួយនេះ។

នៅថ្ងៃទី១៥ រហូតដល់ថ្ងៃទី ១៧ កញ្ញា ខាងមុខនេះ កម្ពុជានឹងក្លាយជាម្ចាស់ផ្ទះក្នុងការរៀបចំព្រឹត្តិការណ៍ដ៏ធំក្នុងប្រវត្តិសាស្ត្រមួយ ដែលគាំទ្រដោយរាជរដ្ឋាភិបាល ក្នុងការទទួលស្វាគមន៍គណៈប្រតិភូ GUMBALL 3000 ដែលមកពី ៤០ប្រទេសជុំវិញពិភពលោក ប្រជុំដោយបុគ្គលមានឥទ្ធិពល បុគ្គលល្បីៗ មានទាំងអ្នកជំនួញ សិល្បករ អ្នកបង្កើតមាតិកា កីឡាករ​ល្បីៗ ឌីចេ និង YouTuber ជាដើម។ ក្នុងនោះកម្ពុជាបានជ្រើសរើសទីតាំងសំខាន់ៗដើម្បីរៀបចំព្រឹត្តិការណ៍មួយនេះ ដូចជានៅរាជធានីភ្នំពេញ បរិវេណវិមានឯករាជ្យ និងនៅខេត្តសៀមរាប។ ជាពិសេសការចតរថយន្តទំនើបៗច្រើនបំផុតនៅមុខប្រាសាទអង្គរ នៅថ្ងៃទី ១៧ កញ្ញា ខាងមុខនេះ។


សូមបញ្ជាក់ថា កាលពីថ្ងៃទី ០៦ កញ្ញា ឆ្នាំ ២០២៤ កន្លងទៅនេះ ព្រឹត្តិការណ៍ GUMBALL 3000 បានបើកកិច្ចប្រជុំអន្តរក្រសួងជាលើកដំបូង ដើម្បីប្រកាសសមាសភាពគណៈកម្មាធិការរៀបចំព្រឹត្តិការណ៍នេះ ធ្វើយ៉ាងណារៀបចំឱ្យបានរលូន មានសន្តិសុខ សណ្ដាប់ធ្នាប់ល្អ ដើម្បីជាមុខមាត់ និងកិត្តិយសសម្រាប់ប្រទេសកម្ពុជាទាំងមូល។ កិច្ចប្រជុំនេះមានការចូលរួមពីសំណាក់ថ្នាក់ដឹកនាំមកពីបណ្ដា ក្រសួង ស្ថាប័នពាក់ព័ន្ធជាច្រើនរូប ក្រោមអធិបតីភាពរបស់ឯកឧត្ដម សុខ សូកេន រដ្ឋមន្ត្រីក្រសួងទេសចរណ៍នៃព្រះរាជាណាចក្រកម្ពុជា ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​



Leave a Reply

Your email address will not be published.Required fields are marked *