ពលរដ្ឋរាប់ម៉ឺននាក់ សម្រុកទៅចូលរួមពិធីចាប់ត្រីដ៏ល្បីប្រចាំឆ្នាំ

បន្ទាប់ពី​ប្រជាកសិករ​បាន​ប្រមូល​ផល​កសិកម្ម​រួច​រាល់​អស់​ហើយ​នោះ ប្រជាពលរដ្ឋ​តែងតែ​ធ្វើ​ប្រារព្ធ​ពិធី​ចាប់​ត្រី​នៅ​រមណីយដ្ឋាន​បឹង​ត្រពាំងក្រម ស្ថិត​ក្នុង​ភូមិសាទុំ ឃុំ​ជាំ​ក្រវៀន ស្រុក​មេមត់ ខេត្ត​ត្បូងឃ្មុំ។ ដើម្បី​រំលឹក​ រក្សា អភិរក្ស​កេរ្តិ៍​ដំណែល​ពី​បុរាណ​ត​រៀងមក ក្នុង​តំបន់​នេះ។ បើ​តាម​ការ​ចុះផ្សាយ​ពី​ក្រសួង​ទេសចរណ៍​មាន​អ្នក​ចូលរួម​ជាង ៦ ម៉ឺន​នាក់។

ប្រជាពលរដ្ឋ​ប្រមាណ​ជាង ៦ ម៉ឺន​នាក់ មកពី​ឃុំ​ជាំ​ក្រវៀន ឃុំ​ជាំ ស្រុក​មេមត់ ខេត្ត​ត្បូងឃ្មុំ ហើយ​ ក៏​មាន​ប្រជាពលរដ្ឋ​​មក​ពី​ខេត្ត​ក្រចេះ កំពង់ចាម ខេត្ត​ព្រៃវែង និង​ខេត្ត​ស្វាយរៀង​ផង​ដែរ។ លោក រិន សំអឿន អាយុ ៣៧ឆ្នាំ រស់​នៅ​ភូមិសាទុំ ឃុំ​ជាំក្រវៀន ស្រុក​មេមត់ បាន​បញ្ជាក់​​ឲ្យ​​ដឹង​​ថា គាត់​មាន​ឧបករណ៍​អង្រុត​​យក​មក​ចុះ​​ចាប់​ត្រី​រាល់​ឆ្នាំ ហើយ​​ឆ្នាំ​នេះ​​ត្រី​​សម្បូរ​ជាង​​ឆ្នាំ ២០២០ ដោយ​ទឹក​បឹង​ត្រពាំង​នៅ​ច្រើន​ឆ្នាំ​នេះ​មាន​ភ្លៀង​ច្រើន ហើយ​ចាប់​បាន​ត្រី​ច្រើន យក​ទៅ​ធ្វើ​ម្ហូប​ជា​លក្ខណៈ​គ្រួសារ​យ៉ាង​សប្បាយ។

ក្នុង​បទសម្ភាសន៍​​លោកយាយ ស្បោង អ៊ូច ក្នុងវ័យជាង៧៣ឆ្នាំ បាន​បញ្ជាក់​ឲ្យ​ដឹង​ដែរ​ថា ពី​ដើម មុន​នឹង​ចុះ​ចាប់​គេ​ធ្វើ​ពិធី​សែន​សុំ​ម្ចាស់ទឹកម្ចាស់ដី សុំ​ឲ្យ​ត្រី​ដែល​មាន​ធ្មុង​ទាំ​ឡាយ ​ដូចជា​ត្រី​ឆ្លាំង ត្រី​អណ្ដែង ត្រី​កញ្ចុះ ជាដើម សូម​ឲ្យ​ស្លូត​ដូច​ត្រី​កំភ្លាញ ធ្វើ​ដូចនេះ ពេល​បងប្អូន​ប្រជាពលរដ្ឋ​ចុះ​ចាប់​ត្រី​មិន​មាន​បញ្ហា​មុត​ត្រី​អ្វី​នោះ​ទេ នេះ​ជា​ទំនៀម​បុរាណ​យើង ។

លោក អ៊ូច យឿន មេឃុំ​ជាំ​ក្រវៀន និង​ជា​ប្រធាន​គណៈកម្មការៀបចំកម្មវិធីចាប់ត្រីបឹងត្រពាំងក្រម បាន​បញ្ជាក់​ឲ្យ​ដឹង​ថា ថ្ងៃ​នក្ខត្តឫក្ស​ដ៏​ល្អត្រចះត្រចង់ ដែល​បងប្អូន​ប្រជាពលរដ្ឋ​បាន​នាំគ្នា​ជា​ឯកច្ឆន្ទ​ប្រារព្ធ​ពិធី​ចាប់​ត្រី​បឹងត្រពាំងក្រម​ជា​រៀងរាល់ឆ្នាំនៅក្នុង ខែ​កុម្ភៈ​នេះ រយៈពេល ៤ ថ្ងៃ និង ៣ យប់ គឺ​ចាប់​ពីថ្ងៃទី ១៥.១៦.១៧ និង​ថ្ងៃទី១៨ ខែ​កុម្ភៈ​​​​តែម្តង។ នៅពីរថ្ងៃដំបូងគឺថ្ងៃទី១៥.១៦ និងថ្ងៃទី១៧ គឺ​អ្នក​ចូលរួម​បាន​មក​ជួបជុំគ្នា ដើរ​លេង​កម្សាន្ត ទស្សនា​ទេសភាព​ស្ថិត​នៅ​ជុំវិញ​តំបន់​បឹងត្រពាំងក្រម ដែល​មាន​កេរ្តិ៍ ដំណែល​ពី​ដូនតា​យើង រួម​មាន៖ ថ្មតាជ្រូក ដីពណ៌ឈាម ក្បាលតាជក តាព្រាម កន្លែង​ឡស្រា និង​ស្រះ​ទឹក​នាង​លើម​ជាដើម។ ក្រៅពីដើរទស្សនាកំសាន្តពីប្រវត្តិ និងកេរ្តិ៍​ដំណែល យ៉ាង​ជក់ចិត្ត សប្បាយ​អឺងកង នា​ពេលថ្ងៃ និង​ពេល​រាត្រី មាន​កម្មវិធី រាំ​ច្រៀង​តាម​លក្ខណៈ​ប្រពៃណី​ខ្មែរ​ផង​ដែរ​។ ថ្ងៃ​បន្ទាប់​គឺ នៅថ្ងៃទី១៨ ខែ​កុម្ភៈ នេះគឺជាថ្ងៃ​បងប្អូន​ប្រជាពលរដ្ឋ ប្រមាណ​ជាង ៦ ម៉ឺននាក់ មកពីឃុំជាំក្រវៀន ឃុំជាំ ស្រុកមេមត់ ខេត្តត្បូងឃ្មុំ ខេត្តកំពង់ចាម ខេត្តក្រចេះ ខេត្តព្រៃវែង និងខេត្តស្វាយរៀង បានមកប្រារព្ធពិធីចាប់ត្រី នេះដែរ ។

បឹងត្រពាំងក្រំមានទំហំ ១០០ បួនជ្រុង ចំពោះបងប្អូនប្រជាពលរដ្ឋមកចាប់ត្រីនេះគឺ មាន​ឧបករណ៍​របៀប​បុរាណ​រួមមាន អង្រុត ឈ្នាង ឆ្នុក ត្រក ទ្រូ លប​។ នៅម៉ោងជាង៩ព្រឹកថ្ងៃទី១៨ នេះ​ដែរ គឺ​បងប្អូន និង​នាំ​គ្នា​ចុះ​ចាប់​ត្រី​រួមគ្នា​តែម្ដង ។ ឆ្នាំនេះ​ត្រី​មាន​ដូចជា ត្រីរស់ ត្រីឌៀប ត្រីក្រាញ់ ត្រីឆ្លូញ ត្រីទួក ត្រីអណ្តែង ត្រីកញ្ចុះ ត្រីកន្ត្រប់ ត្រីតាអោន និង​ត្រីកំភ្លាញ ហើយត្រី​មិន​សម្បូរ​ជាង​ឆ្នាំ ២០២០ ឆ្ងាយណាស់ ។ ក្នុង​១ឆ្នាំ​អនុញ្ញាត​ឲ្យ​បងប្អូន​ចាប់​បាន​តែ​ម្ដង​ទេ។ ផុត​ពី​ថ្ងៃ​ប្រារព្ធ​ពិធី​ចាប់​ត្រី គឺ​មាន​កម្លាំង​ប្រជា​ការពារ​ភូមិ និង​កម្លាំង​ប៉ុស្តិ៍​ការពារ មិន​ឲ្យ​មាន​ការ​នេសាទ​ដោយ​យក​ឧបករណ៍​ហាម​ឃាត់​ល្មើស​ច្បាប់​មក​រក​នោះ​ទេ ធ្វើ​បែបនេះ គឺ​ដើម្បី​ការពារ​ត្រី​បឹង​ធម្មជាតិ​របស់​យើង ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។