ឆ្នាំនេះ រាជធានីភ្នំពេញ ឈរនៅលំដាប់លេខរៀងទី១ ក្នុងចំណោមខេត្តក្រុងទាំង ៥ ដែលទទួលបានចំនួនភ្ញៀវទេសចរទាំងជាតិ និងអន្តរជាតិមកលេងកម្សាន្តយ៉ាងច្រើនកុះករ ក្នុងឱកាសពិធីបុណ្យចូលឆ្នាំខ្មែរ ខណៈលំដាប់លេខ២ គឺកំពង់ចាម។

ក្នុងរយៈពេល ៣ ថ្ងៃនៃពិធីបុណ្យចូលឆ្នាំថ្មីប្រពៃណីជាតិខ្មែរ គិតចាប់ពីថ្ងៃទី ១៤ ដល់ ១៦ ខែ មេសា ឆ្នាំ ២០២៦ កម្ពុជាទទួលបានទេសចរជាតិ-អន្តរជាតិ មកលេងកម្សាន្តសរុប គិតជាតួលេខ ២១ ០៩២ ៤៤៦ នាក់។ នេះបើតាមការប្រកាសជូនដំណឹងនៅលើផេកផ្លូវការក្រសួងទេសចរណ៍កាលពីថ្ងៃទី ១៧ ខែ មេសា ឆ្នាំ ២០២៦។ ក្នុងនោះ ១ ១៦៥ ៤៥០ នាក់ជាទេសចរស្នាក់ , ១៩ ៨៧៥ ៨០៥ នាក់ជាពលរដ្ឋដើរលេងកម្សាន្ត និង ៧១ ១៩១ នាក់ជាទេសចរបរទេស។
បន្ថែម ក្រសួងក៏បានជម្រាបជូននូវរាជធានីខេត្តទាំង ៥ ដែលទទួលបានទេសចរច្រើនជាងគេ ក្នុងឱកាសពិធីបុណ្យចូលឆ្នាំខ្មែរ រួមមាន៖
១. រាជធានីភ្នំពេញ ៖ ៤ ៤០២ ០៩២ នាក់
២. ខេត្តកំពង់ចាម ៖ ៤ ១៧៨ ៦២៣ នាក់
៣. ខេត្តព្រៃវែង ៖ ២ ៣២៣ ០៩៦ នាក់
៤. ខេត្តសៀមរាប ៖ ១ ៧៩២ ៤៣៨ នាក់
៥. ខេត្តកំពង់ស្ពឺ ៖ ១ ៧១២ ០០០ នាក់


រូបភាព ៖ ក្រសួងទេសចរណ៍

























Account
Security
Favourite Content