Felix, Liu Yifei និងតារាល្បីៗជាច្រើនទៀតចូលរួមកម្មវិធីបង្ហាញម៉ូដពិសេសរបស់ Louis Vuitton នៅញូវយ៉ក

បណ្ដាទូតសុច្ឆន្ទៈរួមទាំងភ្ញៀវកិត្តិយសលំដាប់ VIP របស់ Louis Vuitton ជាច្រើនបានចូលរួមទស្សនាការបង្ហាញម៉ូដសម្លៀកបំពាក់ Collection Cruise 2027 នៅឯ The Frick Collection ដែលជាសារមន្ទីរសិល្បៈដ៏ល្បីល្បាញនាចំកណ្ដាលទីក្រុងញូវយ៉ក កាលពីថ្ងៃទី២០ ខែឧសភា។

ទីតាំងនេះត្រូវបានច្នៃប្រឌិតឱ្យក្លាយជាផ្ទាំងទស្សនីយភាពខាងក្រោយនៃរាត្រីម៉ូដសម្លៀកបំពាក់ ដែលបានរំលេចបញ្ចូលគ្នាយ៉ាងស្រស់ស្អាតរវាងសិល្បៈ ស្ថាបត្យកម្ម និងពិភពនៃការធ្វើដំណើរ ដឹកនាំដោយ Felix ក្រុម Stray Kids, Zendaya, Emma Stone, Liu Yifei, Hoyeon, Anne Hathaway, Emily Blunt រួមទាំងភ្ញៀវកិត្តិយសមកពីចម្រុះវិស័យ។ តារាម្នាក់ៗបានបង្ហាញខ្លួនយ៉ាងលេចធ្លោក្នុងឈុតសម្លៀកបំពាក់របស់ Louis Vuitton ដោយបានឆ្លុះបញ្ចាំងពីមន្តស្នេហ៍របស់ប្រ៊េនតាមរយៈស្ទីលប្លែកៗពីគ្នា ចាប់តាំងពីភាពស៊ីវិល័យបែបសម័យទំនើប ភាពប្រណីតគ្មានថ្ងៃហួសសម័យ រហូតដល់ម៉ូដសម្លៀកបំពាក់បែបអនាគត ដែលជាអត្តសញ្ញាណដ៏វិសេសវិសាលរបស់អ្នកច្នៃម៉ូដ Nicolas Ghesquière។

យោងតាមទស្សនាវដ្តី Vogue បានឱ្យដឹងថា ការបង្ហាញម៉ូដសម្លៀកបំពាក់ Cruise 2027 របស់ Louis Vuitton លើកនេះ មិនត្រឹមតែជាព្រឹត្តិការណ៍ម៉ូដសម្លៀកបំពាក់ប៉ុណ្ណោះទេ ប៉ុន្តែវាគឺជាការអបអរសាទរចំពោះវប្បធម៌ និងប្រវត្តិសាស្ត្រផងដែរ ដោយលោក Nicolas Ghesquière បានប្រើប្រាស់លំហរចនាបថ Beaux-Arts នៃសារមន្ទីរ The Frick Collection ដើម្បីបង្កើតជាទំនាក់ទំនងគ្នារវាងហ្វេសិនក្នុងអតីតកាល និងអនាគតកាល។

ជាមួយគ្នានេះដែរ សារព័ត៌មាន WWD បានកត់សម្គាល់ថា វត្តមានរបស់តារាចម្រៀង Felix មកពីក្រុម Stray Kids និងតារាសម្ដែងស្រី Zendaya បានធ្វើឱ្យព្រឹត្តិការណ៍នេះទទួលបានការចាប់អារម្មណ៍យ៉ាងខ្លាំងលើប្រព័ន្ធឌីជីថល។ រូបភាពរបស់ពួកគេនៅក្នុងឈុតសម្លៀកបំពាក់ដែលរចនាឡើងជាពិសេសពី Louis Vuitton បានបង្ហាញពីការរួមបញ្ចូលគ្នានៃឥទ្ធិពលតន្ត្រី K-pop និងវិស័យភាពយន្តហូលីវូដ នៅក្នុងពិភពម៉ូដលំដាប់ខ្ពស់ ៕

Felix

Zendaya

Emma Stone

Liu Yifei

Hoyeon

Anne Hathaway

Emily Blunt

Chase Infiniti

Cate Blanchett

Jennifer Connelly

Hannah Einbinder

Iris Law

Chloë Sevigny



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។



Leave a Reply

Your email address will not be published.Required fields are marked *