៦​វិធីសាស្ត្រ ​​បង្កើន​ទំនុក​ចិត្ត​ក្នុង​ការ​ធ្វើ​បទ​បង្ហាញ ឬ​និយាយ​សាធារណៈ

ពេល​ដែល​យើង​និយាយ​ដល់​ទំនុក​ចិត្ត វា​ជា​រឿង​មួយ​ដែល​ទាម​ទារ​ពេល​វេលា​ បទ​ពិសោធន៍ និង​ការ​អភិវឌ្ឍ​ពី​មួយ​ជំហាន​ទៅ​មួយ​ជំហាន​។ សម្រាប់​ការ​និយាយ​ជា​សាធារណៈ ឬ​ការ​និយាយ​ក្នុង​ចំណោម​មនុស្ស​ច្រើន​វិញ​ទំនុក​ចិត្ត​គឺ​ជា​រឿង​ដ៏​សំខាន់​បំផុត​មួយ ប៉ុន្តែ​វា​អាច​ជា​រឿង​ដ៏​ពិបាក​មួយ​សម្រាប់​មនុស្ស​មួយ​ចំនួន​ធំ។ ខាង​ក្រោម​នេះ​គឺ​ជា​ ៧​វិធីសាស្ត្រ​ងាយ​សម្រាប់​បង្កើន​ទំនុក​ចិត្ត​ដល់​ខ្លួន​ឯង​ក្នុង​ការ​ធ្វើ​បទ​បង្ហាញ​ ឬ​និយាយ​ជា​សាធារណៈ។

១ សម​និយាយ ឬ​អនុវត្ត

​អ្នក​នឹង​មាន​កាន់​តែ​មាន​ទំនុក​ចិត្ត​ពេល​ដែល​អ្នក​យល់​ច្បាស់​ពី​អ្វី​ដែល​អ្នក​នឹង​ធ្វើ ឬ​និយាយ។ មនុស្ស​ភាគ​ច្រើន​មិន​បាន​ចំណាយ​ពេល​ក្នុង​ការ​សម​ឲ្យ​បាន​គ្រប់​គ្រាន់​ដែល​ជា​ហេតុ​ធ្វើ​ឲ្យ​មាន​កំហុស​ឆ្គង​កើត​ឡើង​ ហើយ​កំហុស​ឆ្គង​នេះ​​នឹង​ក្លាយ​ជា​មេរោគ​បន្ត​ទៅ​បំបាក់​ទំនុក​ចិត្ត​ខ្លួន​ឯង​នា​ពេល​ក្រោយ​ថែម​ទៀត។ អ្នក​ប្រហែល​ជា​គិត​ថា​ឆ្កូត​ទេ​ដឹង​ ខ្ញុំ​ធ្វើ​ការ​រាល់​ថ្ងៃ​មាន​ពេល​ឯណា​ទៅ​សម​នោះ​។ វា​គ្រាន់​តែ​ជា​លេស​ដែល​អារម្មណ៍​ភ័យ​ខ្លាច​អ្នក​បង្កើត​ឡើង​ប៉ុណ្ណោះ អ្នក​អាច​ឆ្លៀត​ពេល​អនុវត្ត​បាន​ពេល​នៅ​ផ្ទះ ពេល​ងូត​ទឹក​ ពេល​កំពុង​បើកឡាន​ឬ​ជិះ​ម៉ូតូ​ទៅ​ធ្វើការ​ជាដើម។

២ កុំ​ប្រៀបធៀប​ខ្លួន​ឯង​ជា​មួយ​នឹង​អ្នក​ដទៃ

ការ​ប្រៀបធៀប​អាច​បំផ្លាញ​ទៅ​ដល់​ដំណើរ​ការ​នៃ​ការ​បង្កើន​ទំនុក​ចិត្ត​របស់​អ្នក។ វា​គ្មាន​ហេតុផល​ណា​មួយ​ដែល​អ្នក​គួរ​ប្រៀប​ធៀប​ខ្លួន​ឯង​ទៅ​នឹង​អ្នក​ដទៃ​ឡើយ​ព្រោះ​ថា​គេ​មាន​របៀប​និយាយ​របស់​គេ​ អ្នក​មាន​របៀប​និយាយ​របស់​ខ្លួន​ឯង ហើយ​គេ​ក៏​មិន​អាច​មក​និយាយ​របៀប​អ្នក​បាន​ឡើយ។ ជំនួយ​ឲ្យ​ការ​ប្រៀបធៀប​អ្នក​អាច​សង្កេត​ និង​រៀន​ពី​ចំណុច​ល្អ​ណា​មួយ​របស់​គេ​ហើយ​យក​មក​អភិវឌ្ឍ​ខ្លួន​បន្ថែម​ទៀត។

៣ ដក​ដង្ហើម​ឲ្យ​បាន​វែងៗ​មុន​ពេល​និយាយ

មុន​ពេល​និយាយ​ នរណា​ក៏​មាន​ភាព​ភ័យ​ខ្លាច​ និង​បេះដូង​លោត​ញាប់​ដូចគ្នា។ តែ​អ្នក​អាច​សាក​ល្បង​ដក​វែងៗ​មុន​ពេល​និយាយ​ដែល​វា​អាច​ជួយ​ឲ្យ​ធ្វើ​ឲ្យ​អ្នក​ស្ងប់​អារម្មណ៍​ និង​កាត់​បន្ថយ​ភាព​ភ័យខ្លាច​បាន​មួយ​ចំនួន​ផង​ដែរ។ ដក​ដង្ហើម​វែងៗ​ចេញ​ចូល​រយៈ​ពេល​ ១០​វិនាទី​ ហើយ​បន្ត​ធ្វើ​វា​រហូត​អ្នក​អាច​ស្ងប់​អារម្មណ៍​ ឬ​រំងាប់​អារម្មណ៍​ខ្លួន​ឯង​បាន។

៤ កុំ​ព្យាយាម​លាក់បាំង​ថា​ខ្លួន​ឯង​មិន​ភ័យ

ប្រសិន​បើ​អ្នក​មាន​ភាព​ភ័យ​ខ្លាច​មុន​ពេល​និយាយ​ ហើយ​អ្នក​ព្យាយាម​ធ្វើ​ខ្លួន​ដូច​ជា​មិន​ភ័យ​វា​អាច​ធ្វើ​ឲ្យ​អ្នក​កាន់​តែ​ភ័យ​លើស​ដើម។ ការ​ស្រាវ​ជ្រាវ​មួយ​របស់​សាកលវិទ្យាល័យ Bolton បាន​រក​ឃើញ​ថា​ការ​ព្យាយាម​លាក់​បាំង​អារម្មណ៍​ផ្លូវ​ចិត្ត​របស់​ខ្លួន​ដែល​គេ​ហៅ​ថា​ Surpression អាច​ធ្វើ​ឲ្យ​ជំងឺ​ផ្លូវ​ចិត្ត​មាន​ការ​កើន​ឡើង​ រួម​ជា​មួយ​នឹង​សម្ពាធ​បេះដូង។ ដូច្នេះ​ហើយ​ប្រសិន​បើ​អារម្មណ៍​ភ័យ​ខ្លាច​កើត​ឡើង​មុន​ពេល​និយាយ​អ្នក​មិន​គួរ​ព្យាយាម​លាក់បាំង​វា​ទេ​ ផ្ទុយ​ទៅ​វិញ​អ្នក​អាច​សារភាព​ថា​ខ្លួន​ឯង​ភ័យ​ដែល​វា​អាច​ជួយ​ឲ្យ​អ្នក​ស្ងប់​អារម្មណ៍​បាន​ថែម​ទៀត​ផង។

៥ ថត​វីដេអូ​ខ្លួនឯង​ហើយ​សម​និយាយ​មុខ​កាមេរ៉ា

ការ​មើល​ខ្លួន​ឯង​ក្នុង​កាមេរ៉ា​គឺ​ជា​វិធីសាស្ត្រ​មួយ​ដ៏​មាន​ប្រសិទ្ធភាព​បំផុត​មួយ។ វា​ផ្ដល់​ឱកាស​ឲ្យ​អ្នក​អាច​ស្វែង​យល់​ពី​ចំណុច​ខ្វះ​ខាត​និង​ភាព​ខ្លាំង​របស់​ខ្លួន​ឯង។ ​វា​ថែម​ទាំង​ជួយ​ឲ្យ​អ្នក​កំណត់​បាន​នូវ​សារ​សំខាន់ៗ​ដែល​អ្នក​ចង់​និយាយ និង​រៀបចំ​អ្វី​ដែល​អ្នក​នឹង​និយាយ​ថា​តើ​គួរ​ចាប់​ផ្ដើម​ពី​ចំណុច​ណា​និង​បញ្ចប់​នៅ​ចំណុច​ណា។ យ៉ាងណាមិញ​ការ​ថត​ខ្លួន​ឯង​ម្ដង​ហើយ​ម្ដង​ទៀត​ វា​ប្រៀប​ដូច​នឹង​ការ​សម​អ៊ីចឹង​ដែរ ដែល​វា​នឹង​ធ្វើ​ឲ្យ​អ្នក​កាន់​តែ​មាន​ទំនុក​ចិត្ត​ក្នុង​ការ​និយាយ។

៦ ឈរ​ប្រាំ​នាទី​មុន​ពេល​បទ​បង្ហាញ​មក​ដល់

នៅ​ក្នុង​កីឡា​ អត្តពលិក​តែង​តែ​កម្ដៅ​សាច់ដុំ​មុន​ពេល​ប្រកួត​ដើម្បី​ឲ្យ​ខ្លួន​ពួក​គេ​មាន​ភាព​ស្វាហាប់ និង​ថាមពល​។ រី​ឯ​ការ​ធ្វើ​បទ​បង្ហាញ​វិញ​ក៏​ដូច​គ្នា​ដែរ​ អ្នក​អាច​ឈរ​ ៥​នាទី​មុន​ការ​ធ្វើ​បទ​បង្ហាញ​មក​ដល់​ដើម្បី​ឲ្យ​ខ្លួន​របស់​អ្នក​មាន​សកម្មភាព​។ ហើយ​ម្យ៉ាង​ទៀត​វា​ប្រហែល​ជា​អាច​ជួយ​ឲ្យ​រាងកាយ​របស់​អ្នក​មាន​ថាមពល​ថែម​ទៀត​ផង ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​