អស់​តែ​ ២០០០​រៀល​បន្ទប់​ទឹក​របស់​អ្នក​នឹង​មាន​ក្លិន​ក្រអូប​បែប​ធម្មជាតិ និង​មិន​ប៉ះពាល់​សុខភាព

ជា​ទូទៅ​ផលិតផល​ធម្មជាតិ​តែង​តែ​ល្អ​ជាង​ផលិត​ផល​កែ​ច្នៃ ជា​ពិសេស​នៅ​ពេល​ដែល​យើង​និយាយ​ទៅ​ដល់​បញ្ហា​សុខភាព។ ជា​ធម្មតា​នៅ​ពេល​ដែល​យើង​ចង់​បំបាត់​ក្លិន​នៅ​ក្នុង​បន្ទប់​ទឹក​ ឬ​បន្ទប់​គេង​យើង​តែង​ប្រើ Spray ទឹក​ថ្នាំ​បំបាត់​ក្លិន និង​ទឹក​ក្រអូប​ជាដើម។ យ៉ាង​ណា​ការ​ប្រើ​ប្រាស់​របស់​ទាំង​នេះ​ក្នុង​រយៈ​ពេល​វែង​អាច​ប៉ះពាល់​ដល់​សុខភាព​យើង​បាន​ដោយ​សារ​តែ​វា​ជា​ផលិត​ផល​កែ​ច្នៃ​ដែល​មាន​សារ​ធាតុ​គីមី។ ដូច្នេះ​ហើយ​អ្នក​អាច​ប្រើ​ប្រាស់​ផ្លែ​ធម្មជាតិ​មួយ​ចំនួន​ជំនួស​វិញ​បាន​ និង​ព្រម​ទាំង​ចំណាយ​ទាប​​ត្រឹម​តែ​ ២០០០​រៀល​ប៉ុណ្ណោះ។

១ ​ផ្លែ​ម្នាស់​

អ្នក​ត្រូវ​ការ​ត្រឹម​តែ​ផ្លែ​ម្នាស់​មួយ​ផ្លែ ទាន​មួយ​ដើម និង​កាំ​បិត​មួយ​ប៉ុណ្ណោះ​ក្នុង​ការ​ធ្វើ​វា។

របៀប​ធ្វើ៖ ជា​ដំបូង​អ្នក​ត្រូវ​កាត់​ក្បាល​ និង​កន្ទុយ​របស់​វា​ចេញ ហើយ​ជិត​យក​សាច់​របស់​វា​ទៅ​ប្រើ​ប្រាស់​ ធ្វើ​ម្ហូប ឬ​ទឹក​ផ្លែ​ឈឺ​បាន។ បន្ទាប់​មក​អ្នក​អាច​វះ​ប្រហោង​ធំ​ល្មម​មួយ​ដើម្បី​ដាក់​ទៀន​ចូល​។

អ្នក​គួរ​កត់​ចំណាំ​ថា​ទាន​ត្រូវ​តែ​ដាក់​ចូល​ទៅ​ក្នុង​ផ្លែ​ម្នាស់​ ហើយ​ប្រភេទ​ទាន​អ្នក​គួរ​ជ្រើស​រើស​គឺ​​​ប្រភេទ​ទៀន​ក្រមួន។ ហើយ​ជៀស​វាស​ការ​ប្រើ​ប្រភេទ​ទៀន​ក្រអូប​ដែល​វា​អាច​ប៉ះ​ពាល់​ដល់​សុខភាព។

តាម​ធម្មជាតិ​កម្ដៅ​ដែល​ចេញ​ពី​ទាន​អាច​ជួយ​ធ្វើ​ឲ្យ​បន្ទប់​របស់​អ្នក​មាន​ក្លិន​ក្រអូប​ដែល​សាយ​ភាយ​ចេញ​ពី​ផ្លែ​ម្នាស់​នោះ។ ក្លិន​ផ្លែ​ម្នាស់​មាន​សុវត្ថិភាព​ចំពោះ​សុខភាព​របស់​អ្នក​ និង​អាច​ប្រើ​ប្រាស់​បាន​ក្នុង​រយៈ​ពេល​វែង​ប្រសិន​បើ​អ្នក​ប្រើ​ម្នាស់​ខ្ចី។ យ៉ាង​ណា​ក្នុង​មួយ​ថ្ងៃ​អ្នក​ដុត​ទៀន​ក្នុង​ផ្លែ​ម្នាស់​ត្រឹម​តែ ១០​នាទី​អាច​ធ្វើ​ឲ្យ​បន្ទប់​របស់​អ្នក​ក្រអូប​ពេញ​មួយ​ថ្ងៃ​បាត់​ទៅ​ហើយ។

២ ​ស្លឹក​គ្រៃ

ជា​មួយ​គល់​ស្លឹក​គ្រៃ​អ្នក​អាច​ប្រើ​ប្រាស់​វា​បាន​ ២​វិធី​សាស្ត្រ។

វិធីសាស្ត្រ​ទី១៖ អ្នក​អាច​យក​​ស្លឹក​គ្រៃ​មួយ​ដុំ​មក​លាង​សម្អាត​ហើយ​ដំ​វា​ជា​មួយ​នឹង​កាំ​បិត​។ បន្ទាប់​ពី​នោះ​អ្នក​អាច​យក​ទៅ​វា​ទៅ​ព្យួរ​នៅ​កន្លែង​ណា​ក៏​បាន​ក្នុង​បន្ទប់​ទឹក​របស់​អ្នក។ សារជាតិ Geraniola និង​ Ronelola ដែល​មាន​នៅ​ក្នុង​ស្លឹកគ្រៃ​ជួយ​កម្ចាត់​ក្លិន​ស្អុយ​បាន​ល្អ​បំផុត​។

ចំណាំ៖ ការ​ប្រើ​ប្រាស់​ស្លឹកគ្រៃ​អាច​ជួយ​បំបាត់​ក្លិន​បាន​ត្រឹម​តែ ៥ទៅ៧​ថ្ងៃ​ប៉ុណ្ណោះ។

វិធីសាស្ត្រទី២៖ អ្នក​ត្រូវ​​យក​ស្លឹក​គ្រៃ​មួយ​ដុំ​ដូច​គ្នា​យក​មក​ដំ​វា​ជា​មួយ​នឹង​កាំបិត ហើយ​ដាក់​វា​ចូល​ទៅ​ក្នុង​កូន​ឆ្នាំង​មួយ​ហើយ​រំងាស់​វា​រយៈ​ពេល​ ១៥​ទៅ​២០​នាទី​។ បន្ទាប់​មក​អ្នក​ត្រូវ​ចាក់​ទឹក​ដែល​រំងាស់​ហើយ​នោះ​ចូល​ទៅ​ក្នុង​ដប​ណា​មួយ​ ហើយ​យក​វា​ទៅ​ដាក់​នៅ​ក្នុង​បន្ទប់​ទឹក​ជា​ការ​ស្រេច។

ក្លិន​ប្រហើរ​របស់​ស្លឹក​គ្រៃ​នឹង​សាយ​ភាយ​បំបាត់​ក្លិន​ពេញ​បន្ទប់​ទឹក​។ វិធីសាស្ត្រ​នេះ​អាច​មាន​ប្រសិទ្ធ​ភាព​បាន​រយៈ​ពេល​មួយ​សប្ដាហ៍ បន្ទាប់​ពី​នោះ​អ្នក​អាច​ធ្វើ​វា​ថ្មី​ដើម្បី​ប្រើប្រាស់​បន្ត​ទៀត​។

៣ ​ស្លឹក​តើយ

ការ​ប្រើ​ប្រាស់​ស្លឹក​តើយ​ដើម្បី​បំបាត់​ក្លិន​គឺ​ជា​វិធីសាស្ត្រ​ដែល​ងាយ​ស្រួល​បំផុត​។ អ្នក​គ្រាន់​តែ​រត់​ទៅ​ផ្សារ​ហើយ​ទិញ​ស្លឹក​តយ ៥០០ ឬ១០០០​រៀល​យក​វា​មក​ចង​ព្យួរ​ក្នុង​បន្ទប់​ទឹក​ជា​ការ​ស្រេច។ បើ​ទោះ​បី​ជា​បន្ទប់​ទឹក​របស់​អ្នក​មាន​ក្លិន​បែប​ណា​ក៏​ដោយ​ ស្លឹក​តើយ​នឹង​កម្ចាត់​ក្លិន​គ្រប់​យ៉ាង​ ព្រម​ទាំង​ធ្វើ​ឲ្យ​បន្ទប់​ទឹក​របស់​អ្នក​មាន​ក្លិន​ក្រអូប និង​ធ្វើ​ឲ្យ​អ្នក​មាន​អារម្មណ៍​ស្រស់​ស្រាយ​រាល់​ពេល​ដែល​បាន​ចូល​ទៅ​។

ចំណុច​ដ៏​ពិសេស​នៃ​ស្លឹក​តើយ​នោះ​គឺ​វា​មិន​មាន​ក្លិន​ខ្លាំង​ពេក ឬ​ក៏​ស្រាល​ពេក​ ហើយ​ព្រម​ទាំង​មិន​មាន​ផល​ប៉ះ​ពាល់​ដល់​សុខភាព​របស់​អ្នក៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​