គួរចៀស! ទម្លាប់​សាក​ថ្ម​ទូរស័ព្ទ​ ៦យ៉ាងនេះ​ ​ធ្វើ​ឲ្យ​ថ្ម​ទូរស័ព្ទ​របស់​អ្នក​ឆាប់​ខូច និង​អាច​មាន​គ្រោះថ្នាក់​ទៀត

ជា​ធម្មតា​ទូរស័ព្ទ​ដៃ​គ្រប់​ប្រភេទ​ចាប់​ផ្ដើម​មាន​ការ​ធ្លាក់​ចុះ​គុណ​ភាព​បន្ទាប់​ពី​ការ​ប្រើ​ប្រាស់​បាន​ ១​ឆ្នាំ​ជាង​ ឬ​២​ឆ្នាំ។ ហើយ​ជា​ទូទៅ​អ្នក​ប្រើ​ប្រាស់​តែង​តែ​រិះ​គន់​ ​បន្ទោស​យីហោ​ទូរស័ព្ទ ឬ​គ្រឿង​បំផ្លាស់​របស់​វា​ជាដើម។ ក៏​ប៉ុន្តែ​អ្វី​ដែល​អ្នក​គួរ​បន្ទោស​មុន​គេ​នោះ​គឺ​ខ្លួន​ឯង (របៀប​ប្រើប្រាស់​) ។ តើ​អ្នក​ធ្លាប់​ឆ្ងល់​ទេ​ថា​ហេតុ​អ្វី​បាន​ជា​ថ្ម​ទូរស័ព្ទ​របស់​អ្នក​ឆាប់​ខូច​ម្ល៉េះ ជា​ពិសេស​អ្នក​ប្រើ​ iPhone។ ដើម្បី​ចង់​ដឹង​ពី​ហេតុផល​កាន់​តែ​ច្បាស់​ តោះ​មក​មើល​ពី​របៀប​សាក​ថ្ម​ខុស​ទំនង​ដែល​ងាយ​ធ្វើ​ឲ្យ​ថ្ម​ទូរស័ព្ទ​របស់​អ្នក​ឆាប់​ខូច​នៅ​ខាង​ក្រោម។

១ ​តែង​តែ​សាក​រហូត​ដល់​ថ្ម​ពេញ​ ១០០ភាគរយ

ប្រសិន​បើ​អ្នក​តែង​តែ​សាក​ថ្ម​ឲ្យ​ពេញ​រហូត​ដល់​១០០ភាគរយ​ វា​នឹង​ធ្វើឲ្យ​ថ្ម​ឆាប់​ខូច​ជាង​មុន​ដោយ​សារ​តែ​រាល់​ទូរស័ព្ទ​ដៃ​ទាំង​អស់​ប្រើ​ថ្ម​ប្រភេទLi-ion ដែល​វា​មិន​ទាម​ទារ​ឲ្យ​អ្នក​ប្រើប្រាស់​សាក​រហូត​ដល់​ពេញ​នោះ​ទេ​។ ម្យ៉ាង​ទៀត​អ្នក​ក៏​មិន​គួរ​សាក​ថ្ម​ប្រភេទ​ឲ្យ​ពេញ​នោះ​ទេ​ដោយ​សារ​តែ​វ៉ុល​របស់​វា​ខ្ពស់​អាច​ធ្វើ​ឲ្យ​ស្ទះ​ថ្ម​បាន។ ដើម្បី​ឲ្យ​ថ្ម​មាន​សុវត្ថិភាព​នោះ អ្នក​គួរ​ព្យាយាម​ធ្វើ​យ៉ាង​ណា​ឲ្យ​ថ្ម​ទូរស័ព្ទ​របស់​អ្នក​មាន​ភាគរយ​ចាប់​ពី​ ២០ ដល់ ៨០ ភាគរយ​បាន​ហើយ។

២ ប្រើ​ទាល់​តែ​អស់​រលីង​ទើប​សាក

យើង​គ្រប់​គ្នា​ប្រាកដ​ជា​បាន​ដឹង​អំពី​រឿង​នេះ​ ការ​ប្រើ​រហូត​ដល់​អស់​មាន​ផល​ប៉ះពាល់​ដល់​ថ្ម​ខ្លាំង​ណាស់​ ដូច​ការ​លើក​ឡើង​ខាង​លើ​អញ្ចឹង​ ថ្ម​មាន​វន្ត​ដ៏​ជាក់​លាក់​របស់​វា​។ ​ថ្ម​ប្រភេទLi-ion ងាយ​នឹង​ខូច​នៅ​កម្រិត​សូន្យ​ភាគរយ និង​១០០ភាគ​រយ​ ដូច្នេះ​ហើយ​ការ​ប្រើ​ឲ្យ​អស់​ ហើយ​ទើប​ចាប់​ផ្ដើម​សាក​ជា​ថ្មី​ម្ដង​ជា​ពីរ​ដង​ នឹង​ធ្វើ​ឲ្យ​ថ្ម​របស់​អ្នក​ឆាប់​ខូច​មិនខាន។

៣ សាក​ចោល​ពេញ​មួយ​យប់

ជាទូទៅ​យើង​តែង​តែ​គេង​រយៈ​ពេល​ ៨ម៉ោង​ដែល​ជា​ចន្លោះ​រយៈ​ពេល​ដ៏​វែង​មួយ​ដែល​អាច​ឲ្យ​ទូរស័ព្ទ​សាក​ថ្ម​ពេញ​ ២ទៅ៣ដង​ឯណោះ​ ដែល​វា​ជា​ការ​សាក​លើស​កម្រិត​ដ៏​ខ្លាំង​មួយ។ ម្យ៉ាង​ទៀត​ការ​សាក​ថ្ម​ពេញ​មួយ​យប់​ធ្វើ​ឲ្យ​កម្ដៅ​កើន​ឡើង​ដែល​ងាយ​នឹង​ធ្វើ​ឲ្យ​ថ្ម​បោង​ ​ឆាប់​ខូច​ និង​ប៉ះ​ពាល់​គ្រឿង​ខាង​ក្នុង​នៃ​ទូរស័ព្ទ។

៤ សាក​បណ្ដើរ​លេង​បណ្ដើរ

អ្នក​មិន​គួរ​សាក​ថ្ម​ផង​ហើយ​លេង​ផង​នោះ​ទេ​ដោយ​សារ​តែ​វា​ធ្វើ​ឲ្យ​ទូរស័ព្ទ​ធ្វើ​ការ​២​ ក្នុង​ពេល​តែ​មួយ​ដែល​អាច​ធ្វើ​ឲ្យ​ទូរស័ព្ទ​របស់​អ្នក​ឡើង​កម្ដៅ​ខ្លាំង​បង្ក​ទៅ​ជា​ការ​ផ្ទុះ ឬ​បោង​ថ្ម​ជាដើម។ ហើយ​ម្យ៉ាង​ទៀត​ប្រសិន​បើ​អ្នក​និយាយ​ទូរស័ព្ទ​ផង​និង​សាក​ថ្ម​ផង​រឹត​តែ​ធ្វើ​ឲ្យ​ថ្ម​កាន់​តែ​យ៉ាប់​ទៅ​ទៀត​។

៥ មិន​ប្រើ​ឆ្នាំង​សាក​ដើម​របស់​ទូរស័ព្ទ

នៅ​ពេល​ដែល​អ្នក​ទិញ​ទូរស័ព្ទ​ថ្មី​អ្នក​នឹង​ទទួល​បាន​ឆ្នាំង​សាក​របស់​វា​ដែល​បាន​រចនា​ដើម្បី​កាត់​បន្ថយ​ការ​សាក​ថ្ម​លើស​កម្រិត​។ ហើយ​ឆ្នាំង​សាក​ដើម​ទាំង​នេះ​អាច​មាន​លទ្ធភាព​កាត់​បន្ថយ​ថាមពល​ផង​ដែរ​ពេល​ដែល​ទូរស័ព្ទ​ពេញ។ ​ចំពោះ​ការ​ប្រើ​ឆ្នាំង​សាក​ផ្សេង​វា​អាច​បង្ក​ឲ្យ​ការ​សាក​លើស​កម្រិត​ដែល​ធ្វើ​ឲ្យ​ថ្ម​ងាយ​ខូច។ យ៉ាង​ណា​ប្រសិន​បើ​គ្មាន​ជម្រើស​ដូចជា​ការ​បាត់​ឆ្នាំង​សាក​ដើម ​​អ្នក​អាច​ជ្រើស​រើស​ប្រភេទ​ណា​មួយ​ដែល​មាន​គុណ​ភាព​គួរ​សម​ប្រហាក់​ប្រហែល​នឹង​ឆ្នាំង​សាក​ដើម។

៦ សាក​ថ្ម​ដោយ​មិន​ដោះ​ស្រោម​ទូរស័ព្ទ​ចេញ

វា​មិន​មែន​ជា​រឿង​ខុស​ឆ្គង​អ្វី​នោះ​ទេ​ដែល​ប្រើ​ស្រោម​ទូរស័ព្ទ​ដៃ​ដើម្បី​ការ​កុំ​ឲ្យ​មាន​ការ​ខូចខាត​ពេល​ធ្លាក់។ ក៏​ប៉ុន្តែ​ការ​សាក​ថ្ម​ដោយ​មិន​ដោះ​វា​ចេញ​អាច​ធ្វើ​ឲ្យ​ទូរស័ព្ទ​របស់​អ្នក​កើន​កម្ដៅ​ និង​ធ្វើ​ឲ្យ​គុណភាព​ថ្ម​ធ្លាក់​ចុះ យល់​ល្អ​អ្នក​គួរ​តែ​ធ្វើ​វា​ឲ្យ​ទៅ​ជា​ទម្លាប់​ដោយ​សារ​ការ​ដោះ​ស្រោម​របស់​ទូរស័ព្ទ​ចេញ​ពេល​សាក​ថ្ម​ដែល​វា​អាច​ជួយ​កាត់​បន្ថយ​កម្ដៅ​និង​មិន​ងាយ​ធ្វើ​ឲ្យ​ទូរស័ព្ទ​របស់​អ្នក​ខូច​ថ្ម៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​