បទ «ពេលណាបងមករកអូន» ដែលច្រៀងរួមគ្នាដោយរាជិនីសំឡេង ម៉េង កែវពេជ្ជតា និងកំលោះសង្ហា ព្រីន ពេលនេះបានចេញជា MV ផ្លូវការហើយ ធ្វើឱ្យបណ្ដាអ្នកគាំទ្រលាន់មាត់ស្រែកវ៉ោវគ្រប់គ្នាតែម្ដង។

សមនឹងពាក្យដែលគេនិយាយថា ខ្ញីកាន់តែចាស់ កាន់តែហឹរមែន ស្ងាត់ៗតារាចម្រៀងស្រីជើងចាស់អ្នកនាង ម៉េង កែវពេជ្ជតា បានចេញ MV cover បទ «ពេលណាបងមករកអូន» ដោយកែច្នៃសាច់ភ្លេងបែប Remix និងមានបញ្ចូលការរ៉េបដោយតារាប្រុស ព្រីន ធ្វើឱ្យបទចម្រៀងមួយនេះទទួលបានការគាំទ្រខ្លាំង ជាពិសេសក្នុងស្រទាប់យុវវ័យតែម្ដង។
បទថ្មីដែលទើបទម្លាក់នៅលើគណនីហ្វេសបុកផ្លូវការបុរសសង្ហា ព្រីន កំពុងផ្ទុះការចែករំលែក និងចូលស្ដាប់យ៉ាងច្រើន ខណៈបទដែលកំពុង Trend ខ្លាំងមួយនេះត្រូវបានមហាជនទន្ទឹងរង់ចាំការចេញជា MV ផ្លូវការ។ សាច់ភ្លេងមានការកែច្នៃសមនឹងសម័យយុវវ័យនាពេលបច្ចុប្បន្ន ហើយបើនិយាយពីការតុបតែង និងរៀបចំខ្លួនសម្រាប់តួទាំងពីរនៅក្នុងបទចម្រៀងក៏សក្តិសម និងមានភាពទាក់ទាញខ្លាំងណាស់ដែរ។

គួរឱ្យដឹងថា នេះជាលើកដំបូងសម្រាប់រាជិនីសំឡេងផ្អែម ម៉េង កែវពេជ្ជតា ក្នុងការចាប់ដៃគូរួមគ្នាជាមួយប្រុសស្អាត ព្រីន ក្នុងបទចម្រៀងបែប Remix ហើយក៏ជាបទដែលទទួលបានការគាំទ្រ និងសរសើរយ៉ាងច្រើនផងដែរ៕
ទស្សនា MV ផ្លូវការ បទ «តើពេលណាបងមករកអូន»























Account
Security
Favourite Content