យ៉ារ៉ូ៖ ឈប់ប្រើពាក្យថាទៅរកពេទ្យផ្លូវចិត្ត ជាពេទ្យឆ្កួត តែជាការបង្ហាញពីភាពក្លាហាន

ពិធី​ករ​វ័យ​ក្មេង​កំពុង​ល្បី​ឈ្មោះ​បោះ​សំឡេង​ក្នុង​រង្វង់​សិល្បៈ​ខ្មែរ វី យ៉ារ៉ូ កាល​ពី​ចុង​ឆ្នាំ ២០២១ បាន​ប្រកាស​ឱ្យ​ដឹង​លើ​បណ្ដាញ​សង្គម​ថា លោក​កើត​មាន​ជំងឺ​ខ្លាច​បរិយាកាស​ខាង​ក្រៅ (Anxiety) និង​បាន​សម្រាក​ពី​ការងារ​សិល្បៈ​មួយ​រយៈ ដើម្បី​ចំណាយ​ពេល​ធ្វើ​ដំណើរ​កម្សាន្ត​ទៅ​សហរដ្ឋអាមេរិក​ថែម​ទៀត​ផង។ ក្រោយ​ត្រឡប់​ពី​ដំណើរ​​កម្សាន្ត​វិញ ស្ថានភាព​ផ្លូវចិត្ត យ៉ារ៉ូ ក៏​បាន​ប្រសើរ​ឡើង​ច្រើន​ហើយ ដោយ​លោក​ទទួល​ការងារ​សិល្បៈ​វិញ​ជា​ធម្មតា ប៉ុន្តែ​​យ៉ាងណា​លោក​នៅតែ​ស្ថិត​ក្នុង​ដំណាក់​ព្យាបាល​ខ្លួនឯង និង​ធ្វើអ្វី​ឱ្យ​ខ្លួន​ឯង​បាន​ប្រសើរ​ឡើង​ពី​ជំងឺ​នេះ។

ប្រាប់​ដោយ​ក្លាហាន យ៉ារ៉ូ ថា អំឡុង​ពេល​លោក​កើត​មាន​ជំងឺ Anxiety លោក​បាន​រក​ពេទ្យ​ផ្លូវចិត្ត ដើម្បី​ប្រឹក្សា ហើយ​ការ​ជ្រើស​រក​ពេទ្យ​ផ្លូវចិត្ត​ដ៏​ត្រឹមត្រូវ​ពិតជា ទទួល​បាន​ផល​ល្អ​ពិត​មែន។ ដូច្នេះ​ហើយ បន្ទាប់ពី​បាន​ធូរស្បើយ​ពី​ជំងឺ ពិធី​ករ​វ័យ​ក្មេង​រូប​នេះ ចង់​ឱ្យ​គ្រប់គ្នា​ឈប់​ប្រើ​ពាក្យ និង​គិត​ថា ការ​ទៅ​រក​ពេទ្យ​ផ្លូវចិត្ត ជា​ពេទ្យ​ឆ្កួត​ទៀត​ទៅ តែ​ការ​ហ៊ាន​ទៅ​រក​ពេទ្យ​ផ្លូវ​ចិត្ត គឺ​ផ្នែក​មួយ​ដែល​យើង​មាន​ភាព​ក្លាហាន​គ្រប់គ្រាន់ ដើម្បី​រក​គេ​ឱ្យ​ជួយ​សង្គ្រោះ​យើង។

វី យ៉ារ៉ូ រៀបរាប់​ថា៖ «ប្រជាជន​ខ្មែរ​យើង​តែងតែ​គិត​ថាការ​ទៅ​រក​ពេទ្យ​ផ្លូវចិត្ត គឺ​ពេទ្យ​ឆ្កួត។ឈប់​ប្រើ​ពាក្យ​ហ្នឹង​ទៀត​ទៅយើង​គួរតែ​គិត​ថា​ការ​ទៅ​រក​ពេទ្យ​ផ្លូវចិត្ត​ជា​ផ្នែក​មួយ​ដែល​យើង​មាន​ភាព​ក្លាហាន​​គ្រប់គ្រាន់ដើម្បី​ឱ្យ​គេ​ជួយ​សង្គ្រោះ​យើងវា​ដូច​យើង​ទៅ​ហ្វាម៉ាស៊ី​ទិញ​ថ្នាំ​លេប​ពេល​ឈឺ​អី​បែប​ហ្នឹងគ្រាន់តែ​វា​ម៉្យាង គឺ​យើង​ទៅ​ជួប​និយាយ​ជាមួយ​គេ។ មួយទៀត មាន​មិត្តភ័ក្ដិនិង​ហ្វេន​ខ្ញុំ​ជាច្រើន​ដែល​គាត់​ឆាត​មក​សួរ​ថា បង! តើ​ពេទ្យ​បង​ឯង​ទៅ​នៅ​ណា?សុំ​ប្រាប់​លេខ​ទូរសព្ទ?ឆ្លៀត​ឱកាស​នេះ​ខ្ញុំ​ចង់​​បញ្ជាក់​ថាការ​ពិត​ទៅ​ពេទ្យ​ផ្លូវ​ចិត្ត​មួយ​ណា​ក៏​បានឬ​នរណា​ម្នាក់​ក៏​បាន​ដែលឱ្យ​តែ​ជា​មនុស្ស​ម្នាក់​ដែល​យើង​បើក​ចិត្ត ១០០%ទទួល​ស្គាល់​ថា​យើង​ពិត​ជា​ទុកចិត្ត​គេហើយ​និយាយ​ប្រាប់​រឿងរ៉ាវ​ទាំងអស់​ទៅ​កាន់​គេ។នៅ​ពេល​យើង​ហ៊ាន​និយាយ​រឿងរ៉ាវ​ប្រាប់​គេមាន​ន័យ​ថា​យើង​ទុក​ចិត្ត​គេហើយ​គេ​នឹង​ជួយ​បកស្រាយនិង​ជួយ​ផ្ដល់​យោបល់​ឱ្យ​យើង​វិញ​ហើយ»។ 

លោក​បន្ត​ថា៖ «ពេល​ខ្លះ​ពេទ្យ​ផ្លូវចិត្ត​ដែល​មាន​តម្លៃ​ថ្លៃ​ក៏​គាត់​អត់​ត្រូវ​ជាមួយ​យើង​ដែរតែ​អាច​ជា​មិត្តភ័ក្ដិ បងប្អូន ឬ​ម៉ាក់ប៉ាឬ​អាច​ជា​មនុស្ស​ជិតស្និទ្ធ​របស់​យើងសង្សារ​របស់​យើង​អ៊ីចឹង​ទៅដូច្នេះ​ហើយ​ខ្ញុំ​លើក​ទឹក​ចិត្ត​ថា​មួយ​ណា​ក៏​បានឱ្យ​តែ​យើង​ទុកចិត្ត​គ្រប់គ្រាន់​ក្នុង​ការ​និយាយហើយ​យើង​រក​អ្នកណា​ដែល​ជួយកុំ​ទុក​វា​តែ​ម្នាក់​ឯង… ពេល​ខ្លះ​យើង​អត់​ត្រូវការ​អ្នក​មក​ផ្ដល់​យោបល់​ឱ្យ​យើង​ធ្វើ​បែប​នេះ​បែប​នោះតែ​គ្រាន់តែ​មក​ស្ដាប់​យើង​និយាយ​ក៏​យើង​ធូរ​ដែរ»។

សម្រាប់​ខ្លួន​លោក​ផ្ទាល់ ដំបូង​ឡើយ​ក៏​ខ្លាច​ចំពោះ​ការ​ជ្រើសរើស​ជួប​ពេទ្យ​ផ្លូវចិត្ត​ជា​លើកដំបូង​ក្នុង​ការ​ប្រឹក្សា​ពី​ស្ថាន​ភាព​ជំងឺ។ លោក​ក៏​ធ្លាប់​ខ្លាច​ថា តើ​ពេទ្យ​ប្រឹក្សា​ផ្លូវ​ចិត្ត​ពិត​ជា​អាច​រក្សា​ការណ៍​សម្ងាត់​មែន​ឬ​យ៉ាង​ណា? បន្ទាប់មក​លោក​ក៏​សិក្សា​តាម Website ជាច្រើន​មុន​ពេល​ជ្រើស​យក​ពេទ្យ​ច្បាស់លាស់​មួយ តែ​អ្វី​ដែល​លោក​ទទួល​បាន​គឺ​ល្អ​នឹកស្មាន​មិន​ដល់ គឺ​មុន​ពេល​ប្រឹក្សា​ពី​ស្ថានភាព​ជំងឺ ភាគី​ពេទ្យ​បាន​ពន្យល់​យ៉ាង​ច្បាស់លាស់​ពី​ក្រមសីលធម៌​ក្នុង​ការ​រក្សា​ការណ៍​សម្ងាត់​អ្នក​ជំងឺ​ធ្វើ​ឱ្យ​លោក​ធូរស្រាល​ចិត្ត​ឡើង។

តារា​ដែល​មាន​ស្រុក​កំណើត​ខេត្ត​កណ្ដាល​រូប​នោះ​បន្ថែម​ទៀត​ថា ជា​ការ​ពិត​គ្រប់គ្នា​គួរ​ណាស់​តែ ឆ្លៀត​ពេល​ដើរ​ធ្វើ​ដំណើរ​កម្សាន្ត​ខ្លះ​មិន​ថា​ក្នុង ឬ​ក្រៅ​ស្រុក ព្រោះ​ការ​ដើរ​លេង​ពិត​ជា​ជួយ​បាន​ច្រើន​មែន វា​ជួយ​ឱ្យ​យើង​បាន​ឃើញ​បរិយាកាស​ខាង​ក្រៅ ឃើញ​ពិភពលោក​ខាង​ក្រៅ ធ្វើ​ឱ្យ​ស្ថាន​ភាព​ផ្លូវចិត្ត​យើង​ធូរស្បើយ។ យ៉ាងណាមិញ ដ្បិតតែ​ពេលនេះ​ស្ថានភាព​ជំងឺ​លោក​បាន​ប្រសើរ​ច្រើន​ហើយ តែ​ពេល​ខ្លះ​អារម្មណ៍​របស់​លោក​នៅ​តែ​ប្រែប្រួល​ចុះ​ឡើង​មិន​ស្មើរគ្នា ពេល​ខ្លះ​ត្រូវ​ខឹង​ក៏​ខឹង សប្បាយ​ក៏​សប្បាយ​ជ្រុល ប៉ុន្តែ​តាម​ពេទ្យ​ប្រឹក្សា​ផ្លូវ​ចិត្ត​ប្រាប់​លោក​ឱ្យ​ដឹង​ថា ព្រោះ​ស្ថានភាព​ជំងឺ​លោក​ដូចនេះ​នឹង​ទទួល​បាន​អារម្មណ៍​ច្រើន​ខុស​ពី​មនុស្ស​ធម្មតា ហើយ​ពេល​នេះ​លោក​អាច​គ្រប់គ្រង​ស្ថានភាព​តាម​អ្វី​ដែល​កើត​ឡើង​បាន៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​