តារារ៉េបខ្មែរ វណ្ណដា បានចេញមកបង្ហោះពីភាពឈឺចាប់ដែលពលរដ្ឋខ្មែរទទួលរងភាពឈឺចាប់ដែលទាហានថៃបានបើកការបាញ់ប្រហារលើជនស្លូតត្រង់គ្មានអាវុធ។ ក្នុងនាមជាជនជាតិខ្មែរ និងបុគ្គលសាធារណៈតារាចម្រៀង វណ្ណដា បានចេញមករកយុត្តិធម៌ ដោយបង្ហោះនៅលើបណ្ដាញសង្គម ដើម្បីឲ្យពិភពលោកបានដឹងឮ។


វណ្ណដា បានប្រើឥទ្ធិពលខ្លួន បានចេញមកបង្ហោះ និងសរសេររៀបរាប់ពីហេតុការណ៍ថៃបានបំពានដែនអធិបតេយ្យភាពលើប្រទេសកម្ពុជា ដោយប្រើប្រាស់កាំភ្លើងបាញ់មកលើប្រជាជនស្លូតត្រង់នៅ ភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យនៃប្រទេសកម្ពុជា យ៉ាងសាហាវឃោរឃៅបំផុត។
ក្នុងនាមជាអ្នកឥទ្ធិពលមួយរូបតារារ៉េបវ័យ ២៧ ឆ្នាំមិនដែលនៅស្ងៀមឡើយ តែងតែបង្ហោះពីការរំលោភបំពានរបស់ថៃ ធ្វើដាក់ប្រជាជនខ្មែរ។ ម្ចាស់បទ «១សីហា» បានប្រើ Facebook Page ដែលមានអ្នក Follow រាប់លាននាក់ មិនថាជា និងអ្នកគាំទ្រជាជនជាតិបរទេស បានឃើញ និងដឹងឮពីភាពអយុត្តិធម៌មួយនេះ។
ការបង្ហោះរបស់ ម៉ាន់ វណ្ណដា បានសាយភាយ និងមានអ្នកចូលមើលច្រើនខ្លាំង ព្រមទាំងចែករំលែកបន្តបន្ទាប់ មានអ្នកអ្នកគាំទ្រក្នុងស្រុក និងក្រៅស្រុក។ វណ្ណដា បានសរសេររៀបរាប់លើបណ្ដាញសង្គមទាំងភាសាជាតិ និងអង់គ្លេសដែលមានខ្លឹមសារថា “យោងតាមការបង្ហោះលើទំព័រផ្លូវការរបស់ ក្រសួងការពារជាតិ លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជាបានជម្រាបជូនសាធារណជនថា ក្នុងវេលាល្ងាចនេះ (កាលពីថ្ងៃ១២ខែ១១ ២០២៥) យោធាថៃបានបើកការបាញ់ប្រហារមកលើប្រជាពលរដ្ឋខ្មែរ ហើយកំពុងបន្តធ្វើសកម្មភាពយោធា ដែលបណ្ដាលឲ្យជនស៊ីវិល ០៣ រូប របួស និង ១រូបស្លាប់។ ក្នុងនាមខ្ញុំជាប្រជាជនកម្ពុជា សូមអំពាវនាវឱ្យអន្តរជាតិមានការស៊ើបអង្កេត ដើម្បីស្វែងរកការពិត និងផ្តល់យុត្តិធម៌ជូនជនរងគ្រោះដែលបានរងការបាញ់ប្រហារ”។
គួរបញ្ជាក់ថាកាលពីថ្ងៃ ២៨ កក្កដា ឆ្នាំ ២០២៥ កន្លងទៅ វណ្ណដា ក៏បានប្រើប្រាស់បណ្ដាញសង្គមរបស់ខ្លួន បង្ហោះពីកម្ពុជារងការឈ្លានពានពីប្រទេសថៃ ល្បីសុះសាយទៅដល់ក្រៅប្រទេស ខណៈមានការចូលមើលពីសំណាក់អ្នកគាំទ្រទាំងក្នុង និងក្រៅស្រុករាប់លាននាក់ក្នុងនោះ ក៏មានការចែករំលែក ដោយគ្រាន់តែចំនួន Like ជាង ១ លាននាក់ និងអ្នកមើលជាង ២១ លានដង៕

រូបភាព៖ Vannda Official























Account
Security
Favourite Content