ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
បេក្ខនារីដែលមកពីខេត្តបាត់ដំបងម្នាក់បានធ្វើឱ្យ Judge ទាំង ៤ ក្នុងកម្មវិធីប្រឡងចម្រៀងលំដាប់ពិភពលោក Cambodian Idol រដូវកាលទី៥ រំជួលចិត្ត ស្រក់ទឹកភ្នែកម៉ាត់ៗក្រោយបានស្ដាប់ពីជីវិតតស៊ូរបស់ស្រ្តីម្នាក់ដែលត្រូវដើរតួជាម្ដាយផង និងជាឪពុកផង។
អ៊ុក សូលីតា ជាបេក្ខនារីម្នាក់ក្នុងចំណោមបេក្ខភាពជាច្រើនដែលបានឆ្លងមកដល់វគ្គ JUDGE AUDITION ក្នុងកម្មវិធីប្រឡងចម្រៀង Cambodian Idol រដូវកាលទី៥។ បេក្ខនារីដែលមកពីខេត្តបាត់ដំបងម្នាក់នេះបានធ្វើឱ្យមហាជនអ្នកតាមដានទស្សនាកម្មវិធីប្រឡងចម្រៀងខាងលើ ជាពិសេសគណៈកម្មការទាំងបួនរូប ក្ដុកក្ដួល រំជួលចិត្តជាខ្លាំងនៅពេលបានស្ដាប់រឿងរ៉ាវជីវិតគ្រួសារដែលនារីម្នាក់ត្រូវដើរតួនាទីជាម្ដាយផងឪពុកផងសម្រាប់កូនស្រីទាំងពីរដែលរស់នៅក្នុងបន្ទុកក៏ព្រោះតែពាក្យថា «សម្បុកឥតបា»។
គ្មានម្ដាយឯណាដែលមិនស្រលាញ់កូន មិនបារម្ភពីកូននោះទេ តែព្រោះគ្មានជម្រើសទើបធ្វើឱ្យអ្នកម្ដាយកម្សត់ម្នាក់នេះដាច់ចិត្តទុកកូនស្រីនៅក្នុងបន្ទប់ជួលតែ២ នាក់បងប្អូនស្រីជាច្រើនម៉ោង ព្រោះត្រូវទៅបំពេញកាតព្វកិច្ច ដើម្បីរកប្រាក់ផ្គត់ផ្គង់គ្រួសារ។ ក៏ព្រោះតែពាក្យមួយឃ្លា «ដើម្បីអាចបានរស់នៅជុំគ្នាកូនត្រូវតស៊ូជាមួយម៉ាក់» បានធ្វើកុមារីតូចទាំង២ មានភាពក្លាហាន អាចជម្នះមើលថែគ្នាខណៈដែលម្ដាយត្រូវចេញទៅច្រៀង រកប្រាក់មកទំនុកបម្រុងក្នុងគ្រួសារ។
ខ្សែជីវិតរបស់ សូលីតា បានធ្វើឱ្យមហាជនរំជួលចិត្តជាខ្លាំង ស្របជាមួយការជ្រើសរើសបទចម្រៀងមកប្រកួតទៀតសោត ហាក់បីដូចជាត្អូញត្អែរពីភាពភាពឈឺចាប់ក្រោយការចាកចេញរបស់មនុស្សម្នាក់នៅក្នុងជីវិត។ ប៉ុន្តែការឈឺចាប់នេះមិនបានធ្វើឱ្យអ្នកម្ដាយរូបនេះបោះបង់ចោលខ្លួនឯង និងគ្រួសារ ជាពិសេសកូនស្រីជាទីស្រលាញ់ទាំងពីរដែលជាគ្រាប់ភ្នែកទាំងគូ ឱ្យបានរស់នៅ និងបន្តការសិក្សា។ ជាចុងក្រោយបេក្ខនារី អ៊ុក សូលីតា ធ្វើបានយ៉ាងល្អនៅលើឆាកមួយនេះ ថែមទាំងអាចទទួលបាន YES ពីគណៈកម្មការដើម្បីឆ្លងទៅកាន់វគ្គបន្តថែមទៀតផង៕
Account
Security
Favourite Content