បណ្ដុំរូបភាពសាច់ដុំកង់ៗរបស់តារាសម្ដែង តុប វិសាល កំពុងទាញបានប្រជាប្រិយភាពយ៉ាងខ្លាំងពីសំណាក់អ្នកគាំទ្រ។ ដោយឡែក តារាប្រុសរូបនេះបានបង្ហើបប្រាប់ពីវិធីសាស្ត្រក្នុងការថែរក្សារូបរាងកាយឱ្យមាំមួនមកកាន់ AMS infotainment។

តួឯកប្រុសក្នុងរឿង «គាស់ផ្នូរ» បានបញ្ចេញរាងកាយដ៏មាំមួន សាច់ដុំកង់ៗក្នុងអំឡុងពេលហាត់ប្រាណ និងលេងកីឡានៅលើបណ្ដាញសង្គម ឆក់បានចំណាប់អារម្មណ៍អ្នកគាំទ្រ ចុច Like និង share ព្រោងព្រាត។ យ៉ាងណាមិញ តាមរយៈការធ្វើបទសម្ភាសដោយផ្ទាល់តារាប្រុសរូបនេះបានបង្ហើបប្រាប់ AMS ឱ្យដឹងថាលោកមិនមែនជាគ្រូបង្វឹកអីនោះទេ ត្រឹមជាអ្នកដែលស្រលាញ់សុខភាព និងចូលចិត្តកីឡាប៉ុណ្ណោះ។
មួយទៀតនោះ ទម្រាំបានរូបរាងកាយមាំមួនបែបនេះលោកតែងចំណាយពេលក្នុងការហាត់ប្រាណជាប្រចាំក្នុង ៥ថ្ងៃក្នុងមួយសប្ដាហ៍ និងទទួលទានអាហារដែលមានជីវជាតិនិងជាតិដែកគ្រប់គ្រាន់ដោយកាត់បន្ថយអាហារដែលមានជាតិប្រៃឬផ្អែម។ តារាសម្ដែងកម្ពស់ ១,៨២ ម៉ែត្រ រូបនេះបានឱ្យដឹងទៀតថាលោកធ្វើបែបនេះជាប្រចាំ ៥-៦ ឆ្នាំហើយ។ តុលា បានឱ្យដឹងបន្ថែមទៀតថា ចំពោះការហាត់ប្រាណ និងលេងកីឡាគឺជាចំណូលចិត្តរបស់លោក ហើយកីឡាដែលស្រលាញ់ជាងគេនោះ គឺបាល់ទាត់។








យ៉ាងណាមិញ ងាកមកការងារសិល្បៈរបស់លោកនាពេលបច្ចុប្បន្នហាក់មានភាពមមាញឹកគួរសមទាំងនៅក្នុងការសម្ដែង និងការថតស្ពតពាណិជ្ជកម្មដោយនៅក្នុងនោះមានរឿងកុនខ្នាតធំ ៣ កំពុងចាក់បញ្ចាំង និងកំពុងថតរឿងខ្នាតធំ១ទៀតផងដែរ៕
ប្រភពរូបភាព៖VISAL TOP























Account
Security
Favourite Content