គួរឱ្យសរសើរ! តារា K-pop ល្បីៗទាំងនេះបានប្រើប្រាស់ឥទ្ធិពលរបស់ខ្លួន ដើម្បីបង្កើតជាប្រយោជន៍រួម

សំឡេងត្រូវបានបង្កើតឡើងតាមរយៈប្រព័ន្ធបញ្ញា​សិប្បនិម្មិត្ត។

នៅពេលដែលគិតដល់តារាចម្រៀង K-pop គេប្រហែលជាគិតដល់ការសម្ដែងពេញដោយថាមពល និងបទចម្រៀងដ៏ទាក់ទាញជាក់ជាមិនខាន។ ប៉ុន្តែមានដឹងទេថា ក្រៅពីការសំដែងដ៏អស្ចារ្យទាំងនោះ ពួកគេក៏បានរួមចំណែកដ៏សំខាន់ដល់ការងារសង្គម និងបរិស្ថានផងដែរ។ តួយ៉ាង BTS, BLACKPINK ក៏ដូចជាតារា K-pop ជាច្រើនរូបទៀត បានប្រើប្រាស់ឥទ្ធិពល និងភាពល្បីល្បាញរបស់ខ្លួន ដើម្បីចេញមុខផ្សព្វផ្សាយពីបង្ហាញសង្គម វប្បធម៌ និងបរិស្ថាន​ទៅកាន់អ្នកគាំទ្ររាប់​លាន។ 

ដោយកោតសរសើរពីទឹកចិត្តចំពោះទង្វើដ៏ល្អរបស់ពួកគេ ថ្ងៃនេះ AMS Infotainment សូមមកណែនាំតារា K-pop ដែលមានសមត្ថភាពក្នុងវិស័យសិល្បៈ និងចេះគិតគូរពីប្រយោជន៍រួម។

១. Seventeen 

កាលពីថ្ងៃទី២៦ ខែមិថុនា Seventeen បានក្លាយជាឯកអគ្គរដ្ឋទូតសុឆន្ទៈសម្រាប់យុវជន តាមការអញ្ជើញរបស់អង្គការយូណេស្កូ នៅទីស្នាក់ការកណ្ដាល នាទីក្រុងប៉ារីស។ ក្នុងនាម​ជា​អ្នក​តំណាងក្រុម Joshua បានលើកឡើងថា៖ “វាជាកិត្តិយសដ៏ធំធេងដែលបានក្លាយជាតំណាងឱ្យយុវជននៅក្នុងពេលបច្ចុប្បន្ននេះ ដែលពួកគេជាក្រុមអទិភាពរបស់អង្គការយូណេស្កូ”។ បន្ថែមពីតួនាទីជា​ទូតសុឆន្ទៈ ក្រុមចម្រៀងបុរសមួយនេះ ក៏បានសន្យាផងដែរថា នឹងបរិច្ចាគទឹកប្រាក់ ១លានដុល្លារអាមេរិក និងបានបើកយុទ្ធនាការដើម្បីគាំទ្រដល់គំនិតផ្ដួចផ្ដើមរបស់យុវជន។

គួរបញ្ជាក់ផងដែរ ក្រុមចម្រៀង K-pop មួយនេះ បានសហការជាមួយនឹងអង្គការយូណេស្កូតាំងតែពីមុនក្លាយជាទូតសុឆន្ទៈសម្រាប់យុវជន ទៅទៀត។ ជាក់ស្ដែង កាលពីខែវិច្ឆិកា ឆ្នាំ ២០២៣ Seventeen ធ្លាប់បានថ្លែងសុន្ទរកថានៅឯកិច្ចប្រជុំពិសេសនៃវេទិកាយុវជនយូណេស្កូលើកទី ១៣ ដោយពួកគេបានលើកឡើងពីសាមគ្គីភាព និងក្ដីសង្ឈឹមដល់យុវជន។ 

២. BTS 

BTS ជាក្រុមចម្រៀង K-pop បុរសមួយក្រុមទៀត ដែលបានចូលរួមយ៉ាងសកម្មក្នុងបញ្ហានានា។ តួយ៉ាង កាលពីឆ្នាំ ២០១៧  BTS បានបានសហការគ្នាជាមួយ យូនីសេហ្វ តាមរយៈយុទ្ធនាការ “Love Myself” ដែលធ្វើឡើងក្នុងគោលបំណងបញ្ចប់អំពើហិង្សាលើកុមារ និងយុវជន។ គិតត្រឹមឆ្នាំ ២០២១ យុទ្ធនាការមួយនេះបានទទួលការចែករំលែកនៅលើ X ឬ Twitter រហូតដល់ទៅ ៥លានដង ជាមួយនឹងការចូលរួមមិនតិចជាង ៥០ លានការចូលរួមនោះទេ។ 

ដោយឡែក ក្នុងឆ្នាំ២០១៩ ក្រុមចម្រៀង K-pop ម្ចាស់បទ «Dynamite» ក៏បានចូលរួមជាមួយ Formula E ក្នុងនាមជាទូតសុឆន្ទៈ សម្រាប់ការប្រកួតជើងឯកប្រណាំងរថយន្តអគ្គិសនីដំបូងគេរបស់ពិភពលោក។ ការចូលរួមនេះ ជាការផ្សព្វផ្សាយ​ពីចក្ខុវិស័យរបស់ Formula E ក្នុងការប្រយុទ្ធប្រឆាំងនឹងការបំពុលបរិយាកាស តាមរយៈការប្រើប្រាស់យានយន្តដែលមិនប៉ះពាល់ដល់បរិស្ថាន។

លើសពីនេះទៀត កាលពីឆ្នាំ ២០២០ អ្នកគាំទ្រ BTS ដែលតែងហៅខ្លួនឯងថា Army បានរៃអង្គាសប្រាក់ ១ លានដុល្លារអាមេរិក សម្រាប់ចលនា Black Lives Matter។ បន្ថែមពីអ្វីដែល Army បានធ្វើ BTS និង Big Hit Entertainment ក៏បានបរិច្ចាគទឹកប្រាក់ក្នុងបរិមាណតែមួយផងដែរ។ 

នេះនៅមិនទាន់អស់នៅឡើយទេ ជាក់ស្ដែងនៅក្នុងឆ្នាំ ២០២១ ដែលជាពេលវេលានៃការរាតត្បាតជំងឺកូវីត-១៩ ក្រុមចម្រៀងបុរសមួយនេះ ក៏បានអំពាវនាវនៅឯមហាសន្និបាតអង្គការសហប្រជាជាតិ ដើម្បីឱ្យអ្នកគាំទ្ររបស់ខ្លួនទៅទទួលវ៉ាក់សាំងផងដែរ។ 

៣. BLACKPINK

កាលពីឆ្នាំ ២០២១ BLACKPINK បានតែងតាំងជា អ្នកគាំទ្រទៅលើគោលដៅអភិវឌ្ឍន៍ប្រកបដោយចីរភាព តាមរយៈអង្គការសហប្រជាជាតិ។ នៅឆ្នាំដដែល ក្រុមចម្រៀងនារី K-pop មួយនេះ ក៏បានចូលរួមក្នុងកម្មវិធីមួយរបស់ YouTube Original ដែលមានចំណងជើងថា Dear Earth ដោយអ្នក​ទាំង ៤ បានរៀបរាប់អំពីបង្ហាញប្រឈមផ្សេងៗរបស់បរិស្ថាន ក៏ដូចជាការសម្ដែង​បទចម្រៀងដែលមានចំណងជើងថា Stay ផងដែរ។ 

៤. Red Velvet 

កាលពីខែកញ្ញា ឆ្នាំ ២០២០ ក្នុងនាមជា​ទូតរបស់​ទិវាអន្តរជាតិនៃខ្យល់ស្អាតរបស់អង្គការសហប្រជាជាតិ Red Velvet បានចូលរួមក្នុងវីដេអូយុទ្ធនាមួយ ដែលរៀបរាប់ពីបញ្ហានៃខ្យល់ និងបញ្ហាដទៃទៀត។ នៅឆ្នាំ ២០២២ តារាក្មេង​ជាងគេ​ប្រចាំ​ក្រុម  Yeri ក៏បានចេញមុខប្រកាសពីជំហរប្រឆាំងទៅលើសង្គ្រាមរុស្ស៊ី និងអ៊ុយក្រែនផងដែរ។ នាងបានបង្ហោះឃ្លាដ៏ខ្លី តែពេញដោយអត្ថន័យមួយថា “No War Please” ដែលមានអត្ថន័យថា “សូមមេត្តាកុំបង្កសង្គ្រាម” តាមរយៈ story ក្នុងគណនី Instagram របស់នាង។ 

៥. Lee Hyori 

តារា K-pop ជើងចាស់ Lee Hyori ក៏ជាតារាកូរ៉េខាងត្បូងមួយរូបទៀត ដែលបានប្រើប្រាស់ឥទ្ធិលរបស់ខ្លួន ដើម្បីជួយដោះស្រាយបង្ហាញផ្សេងៗដែរ។ តួយ៉ាង តារាចម្រៀង តារាសម្ដែង និងពិធីការិនីរូបនេះបានបង្ហាញការគាំទ្រទៅលើសិទ្ធិរបស់សត្វ តាមរយៈការជួយដល់សត្វចញ្ចឹមដែលគេបោះបង់ចោល និងឧតប្ថម្ភប្រាក់ជាច្រើនដល់អង្គការដែលធ្វើការលើរឿងនេះ។ 

ដូច​កាលពីឆ្នាំ ២០២០ នាងបានធ្វើការរួមគ្នាជាមួយនឹងតារាចម្រៀង Rain និងតារាកំប្លែង Yoo Jae-suk ឬហៅកាត់​ឈ្មោះ​នៃ​អ្នក​ទាំង ៣ SSAK3 ដើម្បីបង្កើតជាអាល់ប៊ុមចម្រៀងមួយ ក្នុងគោលបំណងរកប្រាក់ចំណូលពីការលក់អាល់ប៊ុមនោះ និងការផ្សព្វផ្សាយផ្សេងៗ ដើម្បីបរិច្ចាគដល់សហគមន៍ដែលខ្វះខាត៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​



Leave a Reply

Your email address will not be published.Required fields are marked *