ក្រសួងវប្បធម៌និងវិចិត្រសិល្បៈបានប្រកាសជ្រើសរើសបេក្ខភាពដែលមានចំណាប់អារម្មណ៍លើផ្នែកចាប៉ីដងវែងជាច្រើននាក់ដើម្បីចូលរួមប្រកួតប្រជែងនៅក្នុង មហោស្រពចាប៉ីដងវែង ក្រោមប្រធានបទ «ទំពាំងស្នងឫស្សី»។

ដើម្បីចូលរួមអបអរសាទរនៃការដាក់បញ្ចូលឧបករណ៍បុរាណខ្មែរចាប៉ីដងវែងចូលជាបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ (UNESCO) ក្រសួងវប្បធម៌និងវិចិត្រសិល្បៈបានរៀបចំមហោស្រពចាប៉ីដងវែងទូទាំងប្រទេសឆ្នាំ ២០២៥ ចាប់ពីថ្ងៃទី១១ ដល់ថ្ងៃទី១៣ ខែមិថុនា ឆ្នាំ២០២៥។
ជាមួយគ្នានេះដែរ ក្រសួងក៏បានប្រកាសជ្រើសរើសបេក្ខភាពជាសាធារណជន ឬសិល្បករចាប៉ីដងវែងជាច្រើននាក់ដើម្បីចូលរួមប្រកួតនៅក្នុងកម្មវិធីមហោស្រព ចាប៉ីដងវែង ក្រោមប្រធានបទ «ទំពាំងស្នងឫស្សី» ក្នុងន័យនេះគឺដើម្បីចូលរួមលើកស្ទួយសិល្បៈចាប៉ីដងវែងឱ្យមានភាពផុលផុសនៅក្នុងសង្គមខ្មែរ ក៏ដូចជាបន្តអភិរក្ស និងថែរក្សាជាឧបករណ៍ភ្លេងបុរាណខ្មែរដែលមានកំណើតលើទឹកដីនៃប្រទេសកម្ពុជាតាំងពីបុរាណកាលមកម្លេះ។
គួរឱ្យដឹងដែរថា ចាប៉ីដងវែងមិនត្រឹមជាឧបករណ៍កេះដេញប៉ុណ្ណោះទេ តែឧបករណ៍ភ្លេងបុរាណមួយប្រភេទនេះក៏អាចប្រគំបញ្ចូលជាមួយតន្ត្រីបស្ចិមប្រទេសផងដែរ។



ចាប៉ីដងវែង បានដាក់បញ្ចូលជាបេតិកភណ្ឌវប្បធម៌អរូបីនៃមនុស្សជាតិរបស់អង្គការយូណេស្កូ (UNESCO) នៅថ្ងៃទី ៣០ ខែវិច្ឆិកា ឆ្នាំ២០១៦ ដែលគិតមកទល់ពេលនេះមានរយៈពេល ៩ឆ្នាំហើយ៕
លីងសម្រាប់ចុះឈ្មោះ https://drive.google.com/file/d/1Pcr4hkeie5K4lTZ1KueTw4A-REMZYMMm/view?usp=drive_link
ប្រភពរូបភាព៖ វីដេអូក្រសួងវប្បធម៌និងវិចិត្រសិល្បៈ






















Account
Security
Favourite Content