អ្នកផលិតមាតិកាក្នុងស្រុក ហេង វិសាល និងភរិយា អ្នកនាង ជា ស្រីនា មានសទ្ធាជ្រះថ្លាពន់ពេកបានចូលបច្ច័យជាថវិកាចំនួន ៥០០ ដុល្លារ ដល់អារាមមួយកន្លែងដែលរងគ្រោះដោយភ្លើងឆាបឆេះព្រៃកាលពីម្សិលមិញ។

កាលពីថ្ងៃ ១៧ ខែកុម្ភៈ ឆ្នាំ ២០២៦ ព្រះចៅអធិការបានបង្ហោះលើបណ្ដាញសង្គមដើម្បីដង្ហោយហៅរកជំនួយជួយពន្លត់អគ្គិភ័យដែលកំពុងឆាបឆេះព្រៃក្នុងទីអារាម គិរីសន្តារាម ក្នុងស្រុក ស្រុកក្រគរ ខេត្តពោធិ៍សាត់។ គ្រាន់បានឃើញការបង្ហោះនេះភ្លាម អ្នកផលិតមាតិការូបសង្ហា ហេង វិសាល បានសួរនាំពីទីតាំងអារាមដែលកំពុងរងគ្រោះ ព្រមទាំងស៊ែរលើបណ្ដាញសង្គម និងសុំឱ្យមានការអន្តរាគមន៍បន្ទាន់ពីសំណាក់អាជ្ញាធរមានសមត្ថកិច្ចក្នុងខេត្តពោធិ៍សាត់។ ដោយឡែក ក្រោយការបញ្ជូនដំណឹង និងទទួលបានការចុះអន្តរាគមន៍ជួយពន្លត់ភ្លើងដែលឆាបឆេះ និងគ្រប់គ្រងបាន ១០០ ភាគរយហើយនោះ លោក ហេង វិសាល ក៏បានចូលរួមជាបច្ច័យ ៥០០ ដុល្លារទៅកាន់អារាមខាងលើ ដើម្បីជួសជុលការខូចខាតនានាមានដូចជាប្រពន្ធ័ទឹកដែលរងគ្រោះដោយសារអគ្គិភ័យឆាប់ឆេះផងដែរ។
តាមការឱ្យដឹងបន្ថែមពីសំណាក់ព្រះចៅអធិការវត្ត គិរីសន្តារាម ភ្លើងដែលឆាបឆេះព្រៃក្នុងអារាមខាងលើបានបង្កការខូចខាតដល់ប្រព័ន្ធទឹកប្រើប្រាស់ ប៉ុន្តែពុំមានមនុស្សរងរបួសនោះឡើយ៕



រូបភាព ៖ Heng Visal & វិរិយមង្គលោ សល់ពុត វត្តគិរីសន្តារាម























Account
Security
Favourite Content