1st Runner Up Miss Supranational Cambodia 2025 ស៊ីដនី ម៉ារិទ្ធ-Sydney Marith ដ្បិតថាមិនបានមកុដ តែកញ្ញាពិតជាស័ក្ដិសមនឹងលំដាប់រងទី១ នេះខ្លាំងណាស់ ព្រោះជាបវរកញ្ញាថ្មីថ្មោង និងមានវ័យក្មេងខ្ចីត្រឹម ១៩ ឆ្នាំប៉ុណ្ណោះ ក៏អាចឈានដល់ចំណាត់ថ្នាក់កំពូលទាំង ៣ បាន។

នារាត្រីផ្ដាច់ព្រ័ត្រ Miss Supranational Cambodia 2025 បានប្រមូលផ្ដុំទៅដោយបេក្ខភាពដ៏មានសមត្ថភាព និងស្រស់ស្អាតពេញឆាកតែម្ដង។ ស៊ីដនី ម៉ារិទ្ធ ក៏ស្ថិតក្នុងចំណោមម្នាក់នៃបេក្ខជនប្រកួតទាំង ២៥ នោះដែរ ដោយបង្ហាញខ្លួនជាមួយឈុតរាត្រីសមោសរ ២ គឺមានពណ៌មាស និងពណ៌ប្រាក់ដ៏ស្រស់ស្អាត និងស័ក្ដិសមជាមួយរូបរាង និងមុខមាត់នាងតែម្ដង។
កូនកាត់អាមេរិក-ខ្មែររូបនេះ ទទួលបានការចាប់អារម្មណ៍ខ្លាំងតាំងពីថ្ងៃបង្ហាញខ្លួនមកម្ល៉េះ។ ដូច្នេះហើយនាងត្រូវបានអ្នកគាំទ្រទស្សន៍ទាយថា នឹងអាចចូលក្នុង Top 3 នៃកម្មវិធីបានជាមិនខាន ព្រោះមិនត្រឹមមានសម្រស់ឡើយ ចំណេះដឹងក៏មិនធម្មតាដែរ ដោយបានសិក្សាបរិញ្ញាបត្រវិទ្យាសាស្ត្រផ្នែកគ្រប់គ្រងពាណិជ្ជកម្ម មុខវិជ្ជាគ្រប់គ្រងទីផ្សារ (BSBA MM) នៅ Western Governors University នៅអាមេរិកទៀតផង។


មុនដាក់ពាក្យមកចូលរួមប្រកួត Miss Supranational Cambodia 2025 បវរកញ្ញាកូនមានឪពុកជនជាតិខ្មែរ និងម្ដាយជនជាតិអាមេរិក គឺជាម៉ូដែលអាជីពរួចទៅហើយ។ ម៉ារិទ្ធ ស្រលាញ់សុខភាព និងតែងតែមានទៅហាត់ប្រាណជាប្រចាំ ទើបធ្វើឲ្យនាងមើលទៅស្រស់ថ្លា ស្បែកភ្លឺ រលោងស្អាត។
វគ្គផ្ដាច់ព្រ័ត្រកាលពីរាត្រីថ្ងៃ ២ ខែមេសា ឆ្នាំ ២០២៥ ស៊ីដនី ម៉ារិទ្ធ និង ឈុំ ចាន់ដារ៉ា ចាប់ដៃគ្នា ត្រៀមរង់ចាំស្ដាប់ការប្រកាសលទ្ធផល។ ទោះជាជយលាភី បានទៅលើ Miss Supranational Cambodia 2024 ក៏ដោយ តែ ស៊ីដនី ម៉ារិទ្ធ បានអបអរ និងជឿជាក់ថា ឈុំ ចាន់ដារ៉ា គឺជាអ្នកស័ក្តិសមបំផុត។

រូបសម្រស់ និងចំណេះដឹងមានដូចគ្នា ប៉ុន្តែ ដារ៉ា ជាបវរកញ្ញាម្នាក់ដែលមានបទពិសោធន៍ជោកជាំស្រាប់ទាំងការបង្ហាញម៉ូដក្នុងស្រុក ការសម្ដែង ជាពិសេសការចូលរួមប្រកួតប្រជែងកម្មវិធីសម្រស់នេះតែម្ដង។ បើទោះជា ម៉ារិទ្ធ តែនាងក៏ទទួលបានការគាំទ្រខ្លាំងលើសលប់ ទាំងទើបចូលរួមកម្មវិធីប្រកួតប្រជែងសម្រស់លើកទី១៕






រូបភាព៖ Sydney Marith និង Supranational Cambodia























Account
Security
Favourite Content