ក្រោយទទួលបានចំណងដៃកូនប្រុសទី២ ដ៏គួរឱ្យស្រលាញ់ត្រឹមមួយខែ តារាចម្រៀងប្រចាំផលិតកម្មរស្មីហង្សមាសអ្នកនាង ឱក សុគន្ធកញ្ញា ចាប់បានឱកាសក្លាយជា ទូតសុឆន្ទៈផលិតផលសុខភាពក្នុងស្រុកមួយដែលពេញនិយម និងកំពុងទទួលបានការគាំទ្រច្រើន។

ឱក សុគន្ធកញ្ញា ជាតារាចម្រៀងដែលរក្សាបាននូវប្រជាប្រិយភាពរបស់ខ្លួនបានយ៉ាងល្អតាំងពីនៅលីវ រហូតមកដល់ពេលបច្ចុប្បន្ន។ គិតមកដល់ពេលនេះអ្នកនាងមានវ័យជិតចូល ៤០ ឆ្នាំទៅហើយ ប៉ុន្តែសម្រស់គឺនៅតែស្អាត ថែមទាំងទទួលបានការគាំទ្រមិនដាច់ពីសំណាក់មហាជន និងហ្វេនៗរបស់អ្នកនាងផ្ទាល់។ ថ្មីៗនេះដែរ តារាចម្រៀងល្បីរូបនេះក៏បានទទួលនូវឱកាសការងារបន្ថែមពីលើការងារសិល្បៈរបស់អ្នកនាងគឺក្លាយជាទូតសុឆន្ទៈផលិតផលសុខភាព Jelly Fiber របស់ក្រុមហ៊ុនHSO ។




អាចថានេះជាសមិទ្ធិផលថ្មីមួយរបស់ម្ចាស់បទ «ស្រលាញ់គឺលះបង់» ក្រោយទទួលបានកូនប្រុសទី២ អ៊ឹង រិទ្ធីបញ្ញា ហៅ Presley។ គួរឱ្យដឹងដែរថាអ្នកនាងជាតារាចម្រៀងល្បីល្បាញមួយរូប ទោះជាមួយរយៈក្រោយនេះពុំទាន់មានចម្រៀងថ្មី ដោយសារជាប់ភារកិច្ចជាម្ដាយដ៏ល្អមើលថែទាំកូនៗ ក៏អ្នកនាងនៅតែមានការងារផ្សេងៗបន្តបន្ទាប់៕
























Account
Security
Favourite Content