“Rise for Khmer” នាទីក្រុងប៉ារីស លើសពីការប្រគំតន្រ្ដី តែក៏ជាការត្រៀមស្វាគមន៍ប្រធានាធិបតី​បារាំងនៅឆ្នាំក្រោយផងដែរ

ការ​ចេញ​ទៅ​ប្រគំតន្ត្រី​នៅ​សាល Salle Pleyel ទីក្រុង​ប៉ារីស​ប្រទេស​បារាំង​លើក​ដំបូង​ក្នុង​ប្រវត្តិសាស្ត្រ​របស់​សិល្បករ​របស់​ផលិតកម្ម​បារមី ទទួល​បាន​ការ​គាំទ្រ​ទាំង​សំណាក់​មហាជន និង​ក្រុមហ៊ុន​ធំ​ៗ​សហការ​ជួយ​ឧបត្ថម្ភ។

នៅ​ក្នុង​សន្និសីទ​សារព័ត៌មាន​កាលពី​ថ្ងៃ ២៧ ខែ​វិច្ឆិកា ឆ្នាំ ២០២៥ ម្សិលមិញ ដែល​មាន​ការ​ចូលរួម​ពី​សំណាក់​ប្រធាន​សមាគម​សិល្បករ​ខ្មែរ លោក​ជំទាវ​អ្នកឧកញ៉ា ម៉ៅ ចំណាន,ម្ចាស់​ផលិតកម្ម​បារមី ឡូរ៉ា ម៉ម និង​លោក តារា ថុង ម្ចាស់ Sabay Event Production នៅ​បារាំង និង​តំណាង​ក្រុមហ៊ុន​ធំ​ៗ​៣ រួម​មាន ជីប ម៉ុង, រ៉ូយ៉ាល់ គ្រុប និង​អ្នក​តំណាង​ក្រុមហ៊ុន OCIC បាន​ចែករំលែក​គោល​បំណង​ដូច​ៗ​គ្នា​ក្នុង​ការ​ជ្រោមជ្រែង​សិល្បករ​ចេញ​ទៅ​សម្ដែង​នៅ​បារាំង​លើក​នេះ។

គោល​បំណង​ដែល​រៀបចំ​ការ​ប្រគំ​តន្ត្រី “Rise for Khmer” ជា​គម្រោង​វប្បធម៌​ដ៏​អស្ចារ្យ និង​មាន​គុណ​តម្លៃ​ខ្ពស់ ដែល​ផ្ដួចផ្ដើម​សិល្បៈ​ខ្មែរ​ទាំង​បុរាណ និង​សម័យ ឲ្យ​រះ​ឡើង​លើ​ឆាក​អន្តរជាតិ​ជា​លើក​ដំបូង​នៅ​ទ្វីប​អឺរ៉ុប។ “Rise for Khmer” មិន​ត្រឹម​តែ​ជា​ការ​ប្រគំតន្ត្រី​ឡើយ តែ​ក៏​ភ្ជាប់​ជាមួយ​ការ​ធ្វើ​សប្បុរស ដើម្បី​ស្វែង​រក​ជំនួយ​ជួយ​ដល់​ជន​ភៀស​សឹក ដែល​ទទួល​រង​ការ​បំពាន​ពី​សំណាក់​កងទ័ព​សៀម ពី​ខែ​កក្កដា ឆ្នាំ ២០២៥ កន្លង​ទៅ។

ទស្សនៈ​វិស័យ និង​គោលដៅ “Rise for Khmer” របស់​សិល្បករ, សមាគម​សិល្បករ​ខ្មែរ, អ្នក​រៀបចំ​កម្មវិធី Sabay Event Production និង​អ្នក​ឧបត្ថម្ភ​ទាំង ៣ សុទ្ធតែ​យល់​ឃើញ​ស្រដៀង​គ្នា គឺ​អភិវឌ្ឍន៍ និង​ធ្វើឲ្យ​សិល្បៈ​វប្បធម៌​ខ្មែរ​បាន​រះ​ទៅ​កាន់តែ​ឆ្ងាយ​នៅ​លើ​វេទិកា​អន្តរជាតិ។ «Rise for Khmer» ត្រូវ​បាន​រំពឹង​ថា ជា​ដំណាក់កាល​សំខាន់ ដើម្បី​ដឹកនាំ​សិល្បៈ​ខ្មែរ ទៅ​កាន់​ឆាក​សកល និង​ឲ្យ​បរទេស​ស្គាល់​កាន់តែ​ច្បាស់​ពី​ទេពកោសល្យ នៃ​តារា​ខ្មែរ ពិសេស​ក្នុង​វិស័យ​រ៉េប​ខ្មែរ​នា​ពេល​នេះ​តែម្ដង។

មួយ​វិញ​ទៀត ការ​ចេញ​ទៅ​ប្រគំ​តន្ត្រី​នៃ​តារា​បារមី​ “Rise for Khmer” នៅ​បារាំង​បាន​ងាយស្រួល​ជាង​មុន ដោយសារ​ការ​ចូលរួម​ពី​សំណាក់​លោក តារា ថុង CEO Sabay Event Production នៅ​ប៉ារីស​ស្រាប់។ មួយ​វិញ​ទៀត​ការ​ប្រគំ​តន្ត្រី​នេះ​អាច​រៀបចំ​ទៅ​បាន ក៏​ព្រោះតែ វណ្ណដា ធ្លាប់​បាន​ទៅ​សម្ដែង​ក្នុង​កម្មវិធី​បិទ​កីឡា​អូឡាំពិក​រដូវ​ក្ដៅ ២០២៤ ហើយ​មាន​សំណួរ​ចោទ​សួរ​ថា វណ្ណដា ជា​នរណា? ដោយ​ចង់​បង្ហាញ​ថា វណ្ណដា គឺជា​តារា​រ៉េប​របស់​កម្ពុជា និង​ទៅ​ពី​កម្ពុជា។

ហេតុ​ដូចនេះ​ហើយ ប្រធាន​សមាគម​សិល្បករ​ខ្មែរ លោក​ជំទាវ​អ្នកឧកញ៉ា ម៉ៅ ចំណាន ក៏​បាន​គិតគូរ​ជាមួយ​ផលិតកម្ម​បារមី គឺ​កញ្ញា ឡូរ៉ា ម៉ម ដើម្បី​ឲ្យ​ចេញ​ជា ​ “Rise for Khmer” ដែល​មិន​ត្រឹម​មាន វណ្ណដា ឡើយ​ដោយ​មាន​សិល្បករ​មាន​ទេពកោសល្យ​ផ្សេង​ៗ​ទៀត វណ្ណថាន,នរិទ្ធ, ហ្សាណា និង យូហៃ បាន​បញ្ចេញ​ទេពកោសល្យ​ទាំង​អស់​គ្នា។

ហេតុផល​១ ទៀត​គឺ​ចង់​តភ្ជាប់​ជា​ស្ពាន សម្រាប់​សិល្បៈ​វប្បធម៌ និង​ការទូត​​​ដ៏​ចំណាស់​របស់​ខ្មែរ​-បារាំង និង​ ​ត្រៀម​​បើក​ទំព័រ​ប្រវត្តិសាស្ត្រ ស្វាគមន៍​ប្រធានាធិបតី​បារាំង អេម៉ានុយអែល ម៉ាក្រុង និង​ប្រមុខ​រាជរដ្ឋាភិបាល​ប្រទេស​ប្រមាណ ៩០ ប្រទេស ដែល​កម្ពុជា​នឹង​ធ្វើ​ជា​ម្ចាស់​ផ្ទះ​នៃ​កិច្ច​ប្រជុំ​ហ្រ្វង់​កូហ្វូនី​នៅ​ឆ្នាំ ២០២៦៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​



Leave a Reply

Your email address will not be published.Required fields are marked *