ព្រះនាង នរោត្តម ជេនណា ជាទូតសុឆន្ទៈក្នុងស្រុកដ៏មានប្រជាប្រិយភាពដែលក្ដោបបានប្រេនធំៗ និងល្បីជាច្រើន។ ដោយឡែកថ្មីៗនេះ សែរាជវង្សអង្គនេះ ត្រូវបានប្រកាសជាផ្លូវការក្លាយជា BA ធនាគារធំបំផុតលំដាប់ទីមួយក្នុងស្រុកខ្មែរ។
មុននេះបន្តិចនៅលើផេកផ្លូវការរបស់ព្រះនាង នរោត្តម ជេនណា បានបង្ហោះឱ្យដឹងថាទ្រង់បានក្លាយជាទូតសុឆន្ទៈរបស់ធនាគារ ABA ដែលជាធនាគារលំដាប់កំពូលនៅក្នុងប្រទេស។ បច្ចុប្បន្នព្រះនាង នរោត្តម ជេនណា ត្រូវបានចាត់ទុកជាទូតសុឆន្ទៈវ័យក្មេងដ៏មានឥទ្ធិពលនៅក្នុងស្រុក ព្រមជាមួយរូបសម្បត្តិ ចំណេះដឹង និងទេពកោសល្យទាំងវ័យក្មេងរបស់ទ្រង់។
ព្រះនាង ជេនណា មានព្រះជន្មទើបតែ ១២ ព្រះវស្សា តែសម្ផស្សកាយាល្អស្រស់គយគន់មិនចេះចេះណាយរូបនេះ ឆក់បានប្រជាប្រិយភាពក្រាស់ក្រែលពីសំណាក់មហាជន និងអ្នកគាំទ្រទាំងក្នុង និងក្រៅស្រុក។ មិនតែប៉ុណ្ណោះ ទ្រង់ថែមទាំងក្ដោបបានការងារជាច្រើនទាំងជាអ្នកតំណាងប្រ៊េនធំៗក្នុងស្រុកទូរស័ព្ទដៃ Oppo ហាងលក់សម្លៀកបំពាក់ Ten11 ហាងវែនតា WKC Optical និងផលិតផលក្នុងស្រុកមួយចំនួនទៀត។
ព្រះនាង នរោត្តម ជេនណា ជាសែរាជវង្សដែលឈានចូលក្នុងវិស័យសិល្បៈទាំងវ័យក្មេង ហើយក៏ទទួលបានជោគជ័យគួរឱ្យកត់សម្គាល់ផងដែរ។ ព្រះនាង ជេនណា មិនត្រឹមមានសមត្ថភាពអាចច្រៀងបានយ៉ាងពីរោះ ទ្រង់ថែមទាំងអាចនិយាយ ភាសាចិន អង់គ្លេស ថៃ និងបារាំងបានយ៉ាងល្អទៀតផង៕ រូបភាព៖ Jenna Norodom