សកម្មភាពស្រុះដៃគ្នាទាំងអ្នករកស៊ី អ្នកសិល្បៈ និងអ្នកគាំទ្របវរកញ្ញាកម្ពុជា ថៃ នារីសុជាតា នៅតែមិនទាន់ឈប់ឈរឡើយ ដោយនៅតែទទួលថវិកាពីការចូលរួម ដើម្បីបោះឆ្នោតឲ្យ Miss Universe Cambodia 2025 ទទួលបានពានរង្វាន់សំខាន់ណាមួយពីកម្មវិធី និងមានឱកាសចូលបានទៅកាន់ Top កំពូលណាមួយនៃ Miss Universe 2025។


មកទល់ពេលនេះទាំងអ្នកជំនួញធំៗផ្នែកអនឡាញ សិល្បករក៏បានចូលរួមបន្ថែមទៀតក្នុងការបោះឆ្នោតឲ្យអ្នកនាង ថៃ នារីសុជាតា។ ក្រុមការងារ និងក្រុមគ្រួសាររបស់ ហ្វីយ៉ាតា ជាអ្នករៀបចំសម្រួលទទួលថវិកាពីមហាជន និងធ្វើវីដេអូបង្ហាត់បង្ហាញពីរបៀបបោះឆ្នោតជូតអ្នកតំណាងកម្ពុជាលើវេទិកា Miss Universe 2025 ដែលកំពុងរៀបចំធ្វើឡើងនៅប្រទេសវៀតណាម។
សម្រាប់គោលបំណងនៃការកៀរគរឲ្យមានការបោះឆ្នោតជូន ថៃ នារីសុជាតា ព្រោះនៅពេលនាងពានរង្វាន់ People’s Choice អ្នកតំណាងកម្ពុជាអាចចូលទៅកាន់ Top 30 ដោយស្វ័យប្រវត្តិ ហើយក៏មានឱកាសអាចឈានទៅកាន់ Top បន្តទៀតដែរ ដូចនេះហើយអ្នកគាំទ្រជឿជាក់ថា នាងពិតជាស័ក្ដិសមក្នុងការបោះជំហានចូលទៅកាន់ Top បានជ្រៅទៅមុខទៀត។


មកទល់ពេលនេះ ហ្វីយ៉ាតា នៅមានម្ចាស់អាជីវកម្មធំៗជាច្រើនរូបទៀត បន្តចូលរួមជាថវិកា ដើម្បីផ្ដល់ឲ្យក្រុមការងារអ្នកនាងរៀបចំចាត់ចែងការបោះឆ្នោតតទៅមុខទៀត ដែលពានរង្វាន់ People’s Choice នឹងបិទនៅថ្ងៃ ១៩ ខែវិច្ឆិកា ឆ្នាំ ២០២៥ ខាងមុខ ហើយថ្ងៃប្រកួតផ្ដាច់ព្រ័ត្រនឹងមកដល់នៅថ្ងៃ ២១ ខែវិច្ឆិកា។
ងាកទៅមើល ហ្វីយ៉ាតា ឯណោះវិញឃើញថានៅតាមបណ្ដា fan page ទាំងក្នុង និងក្រៅស្រុក គឺនាងមានសកម្មភាពគ្រប់សព្វបែបយ៉ាង រហូតមានការលើកឡើងសរសើរពីនាងមិនដាច់មិនថាបវរកញ្ញាគ្នាឯង និងអ្នកគាំទ្រទាំងខ្មែរ ព្រមទាំងបរទេសឡើយ៕



រូបភាព៖ Fiyata























Account
Security
Favourite Content