ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
កាលពីឆ្នាំ ២០២០ តារាសម្ដែង ឌី សូនិត្តា សម្រាលបានកូនស្រីដ៏គួរឱ្យស្រលាញ់ម្នាក់។ គិតមកទល់ពេលនេះកូនស្រីតារាសម្បុរស្រអែមស្រស់រូបនេះមានអាយុប្រមាណជា ៥ ឆ្នាំហើយ។ និត្តា ម៉ីហាណា ហៅ ស្មាយ៍ មិនត្រឹមតែខ្យូត និងគួរឱ្យស្រលាញ់ថែមទាំងមានដុងសិល្បៈកាត់ទៅរកអ្នកម្ដាយ។
កូនស្រីតែមួយរបស់តារាស្រី ឌី សូនិត្តា តែងត្រូវបានមហាជនកោតសរសើរពីភាពវៃឆ្លាត រហ័សរហួន ក្លាហាន មិនខុសពីអ្នកម៉ាក់។ មិនតែប៉ុណ្ណោះ នាងតូច ស្មាយ៍ ក៏មានមុខមាត់ស្រស់ស្អាតនិងខ្យូតគួរឱ្យស្រលាញ់ថែមទៀតផង។ បន្ថែមពីនេះ កូនស្រីអ្នកនាង ឌី សូនិត្តា ក៏មានភាពក្រមិចក្រមើមមិនចាញ់អ្នកម៉ាក់ជាពិសេសគឺពូកែខាងលេងទឹកមុខហ្នឹងតែម្ដង។
ក្រឡេកមកជីវិតសិល្បៈរបស់ម្ដាយកូនទាំងពីរនេះវិញម្ដង។ មហាជនតែងឃើញកូនស្រីរបស់តារាសម្ដែងរូបនេះបង្ហាញវត្តមានជាមួយអ្នកម៉ាក់ជារឿយៗ មិនថាជាកម្មវិធីតូចធំ ក្នុងសិល្បៈឬក្រៅនោះទេ។ ក្រៅពីនេះដោយម្ដាយជាម្ចាស់សម្អាងការស្រាប់ ស្មាយ៍ តែងត្រូវបាន សូន្តិតា ចាប់តុបតែងកាយជាមួយសម្លៀកបំពាក់ស្អាតៗទាំងបុរាណនិងសម័យ និងថតប្រូមូតផលិតផលមួយចំនួនទៀតផង។ ពិតណាស់ និត្តា ម៉ីហាណា គឺជាក្មេងមានដុងសិល្បៈថែមមានមុខមាត់គួរឱ្យស្រលាញ់ផងនោះតែងត្រូវបានមហាជនសរសើរនូវរាល់រូបថត ឬវីដេអូ និងមានការគាំទ្រជាហូរហែមិនដាច់។
ស្មាយ៍ ត្រូវបានអ្នកសិល្បៈដែលជាមិត្តជាមួយម្ដាយ ស្រលាញ់ចូលចិត្ត ហើយចោលរោមពេលនាងតូចបង្ហាញខ្លួនក្នុងកម្មវិធីសិល្បៈផ្សេងៗ ហើយកូនស្រីតែមួយរបស់ ឌី សូនិត្តា ត្រូវបានមហាជនសរសើរថាចេះ និងមានរបៀបរបបដូចមនុស្សធំបេញវ័យ ហើយនោះគឺបានមកពីម្ដាយជាអ្នកអប់រំ ព្រមទាំងការចូលសិក្សាតាំងពីក្មេងខ្ចី៕
រូបភាព ៖ Nita Meyhana
Account
Security
Favourite Content