សមាជិក NewJeans នាំគ្នា Live ទម្លាយខ្ទេចរឿងដែលពួកគេរងអំពើអយុត្តិធម៌ និងស្នើសុំ HYBE ធ្វើរឿងនេះបន្ទាន់

សមាជិកទាំង ៥ របស់ NewJeans បាននាំគ្នាចូល Live លើ YouTube ដោយគ្មានការប្រកាសជាមុនកាលពីល្ងាចថ្ងៃពុធក្រោមប្រធានបទ “What NewJeans Wants to Say” (អ្វីដែល NewJeans ចង់និយាយ)។ ក្នុងនោះពួកគេបាននិយាយពីបញ្ហាដែលពួកគេកំពុងប្រឈម ជាពិសេសបានជំរុញឱ្យ HYBE តែងតាំង Min Hee Jin ជានាយកប្រតិបត្តិនៃ ADOR ឡើងវិញឱ្យបានមុនចុងខែកញ្ញានេះ។

Minji បាននិយាយអំពីភាពតានតឹងកំពុងបន្តរវាង Min Hee Jin និង HYBE ថា៖ “អស់រយៈពេលកន្លះឆ្នាំ រឿងដែលមិនចាំបាច់ និងគួរឱ្យហត់នឿយទាំងអស់នៅតែបន្ត។ ក្នុង​នាម​ជា​អ្នក​ពាក់ព័ន្ធ​ផ្ទាល់ យើង​ពិត​ជា​មិន​ស្រួល​ចិត្តនោះ​ទេ»។ នាង​បាន​បន្ត​ថា៖ “យើង​មាន​បទចម្រៀង​ដែល​យើង​ចង់​បង្កើត និង​គោលដៅ​ដែល​យើង​ចង់​សម្រេច ប៉ុន្តែ​ប្រសិន​បើ​អ្វីៗ​នៅ​តែ​បន្ត​បែប​នេះ យើង​នឹង​បាត់​បង់​អត្តសញ្ញាណ​របស់​យើង​ជា​ក្រុម ហើយ​វា​នឹង​ធ្វើ​ឲ្យ​យើង​មាន​អារម្មណ៍​ថា​គ្មាន​ថាមពល… យើងនៅទីនេះដើម្បីបង្ហាញពីគំនិតរបស់យើងដោយផ្ទាល់ ពីព្រោះការបន្តបែបនេះគឺមិនល្អសម្រាប់ទាំងអស់គ្នា។ សូម​បញ្ឈប់​សកម្មភាព​ហត់នឿយ​ទាំងនេះ​ទៅ”។

Haein បាននិយាយបន្ថែមដោយរិះគន់វិធីសាស្រ្តដោះស្រាយរបស់ HYBE ថា៖ “វិធីដែល HYBE ដំណើរការ ហាក់ដូចជាមិនស្មោះត្រង់ ឬត្រឹមត្រូវសម្រាប់ពួកយើងនោះទេ។ សូមមេត្តាបញ្ឈប់ការជ្រៀតជ្រែក និងនាំយកនាយកប្រតិបត្តិរបស់យើងគឺ Min Hee Jin មកវិញ។ យើង​មិន​ចង់​ធ្វើ​ការ​ជាមួយ​មនុស្ស​ចម្លែក​ក្នុង​បរិយាកាស​ដែលមិនទម្លាប់​ទេ—នាំពួក​យើង​ត្រឡប់​ទៅ ADOR ដូចមុនវិញទៅ។ ពួកយើង​មិន​សុំ​អ្វី​ពិសេស​ទេ។ យើងគ្រាន់តែចង់ឱ្យមនុស្សគ្រប់គ្នាធ្វើការងាររបស់ពួកគេឱ្យបានត្រឹមត្រូវ។ ពួកយើង​នឹង​ធ្វើ​តួនាទី​របស់​យើង ដូច្នេះ​សូម​ស្តាប់​សំណើ​របស់​ពួកយើងផង”។

Danielle បាននិយាយដោយអង្វរថា៖ “គិតថាពួកយើងជាមនុស្សដូចគ្នា សូមឈប់ធ្វើបាបនាយកប្រតិបត្តិរបស់យើងទៅ។ វាពិតជាអយុត្តិធម៌ណាស់ ហើយ HYBE ចាប់ផ្តើមមើលទៅដូចជាក្រុមហ៊ុនអមនុស្សធម៌។ តើ​ឱ្យពួកយើង​រៀនសូត្រ​អ្វី​បាន?”

នាងបន្តថា៖ “CEO Min Hee Jin មិន​ត្រឹម​តែ​ជា​អ្នក​ផលិត​តន្ត្រី​របស់ពួកយើងប៉ុណ្ណោះ​ទេ ប៉ុន្តែ​គឺជា​អ្នក​ដែល​បង្កើតអត្តសញ្ញាណបច្ចុប្បន្នរបស់ NewJeans ។ គាត់ពិភាក្សាសូម្បីតែព័ត៌មានលម្អិតតូចបំផុតជាមួយយើង ហើយពន្យល់ពួកយើងឱ្យយល់យ៉ាងច្បាស់។ NewJeans មានពណ៌ និងសម្លេងពិសេសផ្ទាល់ខ្លួន ហើយវាត្រូវបានបង្កើតឡើងដោយ CEO Min Hee Jin។ គាត់គឺមានសារៈសំខាន់ចំពោះអត្តសញ្ញាណរបស់ NewJeans ហើយយើងទាំងអស់គ្នាមានអារម្មណ៍ថាគាត់មិនអាចជំនួសបានឡើយ”។

ក្នុងវីដេអូ Live នេះដែរ Hanni ក៏បានចែករំលែករឿងមួយនៅពេលដែល Manager ម្នាក់របស់ HYBE បានណែនាំក្រុមចម្រៀងរបស់ពួកគេឱ្យព្រងើយកន្តើយនឹងនាង ទោះបីជាតារាទាំងនោះបានស្វាគមន៍នាងរួចហើយក៏ដោយ។

នាង​បាន​និយាយ​ថា៖ “ថ្ងៃ​មួយ​ខ្ញុំ​កំពុងនៅបន្ទប់​រង់ចាំ​តែ​ម្នាក់​ឯង ហើយ​សមាជិក​នៃ​ក្រុម​ផ្សេង​ទៀត​បាន​ដើរកាត់​ខ្ញុំ​​ជាមួយ​នឹង​អ្នក​គ្រប់​គ្រង​ម្នាក់របស់ពួកគេ។ ពួកយើង​បានរាក់ទាក់គ្នាធម្មតា​។ ប៉ុន្តែមួយសន្ទុះក្រោយមកនៅពេលពួកគេត្រលប់មកវិញ អ្នកគ្រប់គ្រងរបស់ពួកគេបានប្រាប់ពួកគេនៅចំពោះមុខខ្ញុំថា ‘កុំអើពើនឹងនាង’។ គិត​មក​ដល់​ពេល​នេះ ខ្ញុំ​នៅ​តែ​មិន​យល់​ថា​ហេតុ​អ្វី​បាន​ជា​ខ្ញុំ​ត្រូវ​ឆ្លង​កាត់​រឿង​បែប​នេះ”។

Hanni បន្ត​ថា៖ “ខ្ញុំ​បាន​ប្រាប់ CEO ថ្មី​របស់​យើង​អំពី​រឿងនេះ ប៉ុន្តែគាត់​បាន​ប្រាប់​ខ្ញុំ​ថា​គ្មាន​ភស្តុតាង​ទេ ហើយ​វា​យឺត​ពេល​ក្នុង​ការ​ដោះស្រាយឥឡូវ​នេះ។ បែបនេះ ខ្ញុំ​មាន​អារម្មណ៍​ថា​យើង​បាន​បាត់​បង់​អ្នក​ការពារ​យើង ហើយ​ខ្ញុំ​មាន​អារម្មណ៍​ថា [នាយក​ប្រតិបត្តិ​ថ្មី​របស់​យើង] មិន​បារម្ភ​ពី​យើង​ទេ។ ​ខ្ញុំ​បាន​ប្រាប់​គាត់​ដោយ​ស្មោះត្រង់​អំពីហេតុការណ៍នោះ ប៉ុន្តែ​ខ្ញុំ​មាន​អារម្មណ៍​ថា​មួយ​រំពេច​នោះ ខ្ញុំ​បាន​ក្លាយ​ជា​អ្នក​កុហកទៅវិញ។ ខណៈដែលពីមុន CEO Min Hee Jin តែងតស៊ូដើម្បីយើង អ្នកគ្រប់គ្រងថ្មី​និយាយ​នៅ​ខាង​ក្រៅ​ថាពួកគេ​នឹង​ជួយ​យើង ប៉ុន្តែធាតុពិតពួកគេ​គ្រាន់​តែ​ដោះ​សារ ហើយ​និយាយ​ថា វា​ជាបញ្ហា​ដែល​ពួក​គេ​មិន​អាច​ធ្វើ​អ្វី​បាន​”។

Minji បានបិទការផ្សាយបន្តផ្ទាល់ជាមួយនឹងសារដ៏មុតមាំថា៖ “អ្វីដែលពួកយើងចង់បានគឺ ADOR ពីមុនដែលមាន Min Hee Jin ជា CEO ហើយថ្នាក់ដឹកនាំ និងក្រុមការងារធ្វើការរួមគ្នាតែមួយ។ យើងជឿថានេះគឺជាវិធីដើម្បីជៀសវាងជម្លោះបន្ថែមទៀតជាមួយ HYBE ។ យើងស្នើសុំឱ្យប្រធាន Bang និង HYBE ស្តារ ADOR ឡើងវិញឱ្យបានមុនថ្ងៃទី២៥។”

ការ​ Live នេះ​បាន​បង្ក​ឱ្យ​មាន​ប្រតិកម្ម​ចម្រុះ​ពី​អ្នក​លេង​អ៊ីនធឺណិត។ មតិខ្លះបានគាំទ្រ NewJeans ដោយនិយាយថា៖ “ស្រមៃមើលថាតើពួកគេខកចិត្តប៉ុណ្ណាទើបដល់ថ្នាក់ចេញ Live និយាយពីរឿងនេះ” និង “អ្វីដែល HYBE កំពុងធ្វើគឺការគំរាមកំហែងនៅកន្លែងធ្វើការ។ ពួកគេ​មិន​បាន​ការពារ​សិល្បៈករទេ” ជាដើម។ យ៉ាង​ណា​ក៏​ដោយ ក៏មានមតិ​ខ្លះ​ទៀតបានបង្ហាញជំហរផ្សេង​ថា NewJeans ជាសិល្បករមិនគួរបង្ហាញជំហរតែម្ខាងៗបែបនេះនោះទេ ខណៈមតិជាច្រើនទៀតបង្ហាញការព្រួយបារម្ភកាន់តែខ្លាំងឡើងពីអនាគតរបស់ក្រុមចម្រៀងមួយនេះ ស្របពេលដែលសង្គ្រាមថ្នាក់ដឹកនាំនៅតែបន្ត។

គួររំឭកថា HYBE បានដាក់ពាក្យបណ្តឹងប្រឆាំងនឹង Min Hee Jin កាលពីខែមេសាកន្លងទៅ ពីបទបំពានកាតព្វកិច្ច ហើយនៅថ្ងៃទី ២៧ ខែសីហា ពួកគេបានតែងតាំង Kim Joo Young អតីតប្រធានផ្នែកធនធានមនុស្សរបស់ HYBE ជានាយកប្រតិបត្តិថ្មីរបស់ ADOR ។ ជាលទ្ធផល Min Hee Jin ត្រូវបានដកហូតសិទ្ធិគ្រប់គ្រងរបស់នាងបន្ទាប់ពីបម្រើការជានាយកប្រតិបត្តិរបស់ ADOR អស់រយៈពេលប្រហែល ២ ឆ្នាំ ៩ ខែចាប់តាំងពីខែវិច្ឆិកា ឆ្នាំ ២០២១។ Min Hee Jin បានអះអាងថានេះជាការបណ្តេញចេញដោយឯកតោភាគី ខណៈដែល HYBE ការពារការផ្លាស់ប្តូរនេះថាជាការធ្វើតាមនីតិវិធីច្បាប់ ៕

CEO ចាស់ Min Hee Jin (រូបខាងឆ្វេង) និង CEO ថ្មី Kim Joo Young (រូបខាងស្ដាំ)


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​



Leave a Reply

Your email address will not be published.Required fields are marked *