ជុំវិញរឿងរ៉ាវរបស់បេក្ខភាព Miss Universe Cambodia 2025 ពេជ្រ វត្តីសារ៉ាវឌ្ឍី និង Kon Ant ដែលកំពុងត្រូវបានអ្នកគាំទ្រលើកយកមកវែកញែកពេញលើបណ្ដាញសង្គម ក្រោយការប្រកួតចប់សព្វគ្រប់ ពេលនេះស្ថាប័ន MUC ដែលគ្រប់គ្រងដោយលោក ឈួង យីឆូយ បានផ្ដល់ការបកស្រាយជាមួយ AMS infotainment ហើយ។


រាត្រីគ្រងមកុដ Miss Universe Cambodia 2025 បានបញ្ចប់ ដោយម្ចាស់ជយលាភីបានទៅលើ ហ្វីយ៉ាតា ខណៈលំដាប់រងទី១ បានទៅលើ សុខកា គីមលាង ហៅ Kon Ant រីឯលំដាប់រងទី២ បានទៅលើ ពេជ្រ វត្តីសារ៉ាវឌ្ឍី។ ប៉ុន្តែក្រោយការប្រកួតស្រាប់តែលេចចេញរឿងរ៉ាវមួយចំនួនពាក់ព័ន្ធលំដាប់រងដ៏មានឥទ្ធិពលទាំង២ ខាងលើ។

រឿងរ៉ាវទី១នោះគឺលំដាប់រងទី២ ពេជ្រ វត្តីសារ៉ាវឌ្ឍី បាននិយាយនៅក្នុងការ Live មួយ កាលពីប៉ុន្មានថ្ងៃមុនថាខ្លួនអាចនឹងមិនបានបន្តដំណើរក្នុងតំណែង Top 5 របស់ Miss Universe Cambodia 2025 ដោយហេតុមានការងាររវល់ច្រើន ប៉ុន្តែបេក្ខភាពលេចធ្លោរូបនេះក៏បានបញ្ជាក់ដែរថា ខ្លួននាងនៅពុំទាន់បានពិភាក្សាជាមួយស្ថាប័ន MUC នៅឡើយទេ។

ចំណែកឯរឿងរ៉ាវទី២ នោះគឺបានកើតឡើងបន្ទាប់ពីហ្វេនរបស់ Kon Ant បញ្ចេញមតិចំពោះភាពមិនប្រក្រតីនៃតំណែងជយលាភីក៏ដូចជាការបង្ហោះ Status របស់ហ្វេនចំពោះភាពស្ងប់ស្ងាត់របស់ Queen ពួកគេ។ ក្នុងនោះដែរ Kon Ant ក៏បាន Add Story ថានាងនឹងបង្ហាញភស្តុតាង ដើម្បីរកយុត្តិធម៌ជូនដល់អ្នកគាំទ្ររបស់ខ្លួន។


ចំពោះរឿងរ៉ាវពាក់ព័ន្ធលំដាប់រងទាំងពីរត្រូវបានស្ថាប័ន MUC បកស្រាយនិងបញ្ជាក់យ៉ាងច្បាស់ៗថា៖«ខាងស្ថាប័ននៅពុំទាន់ទទួលបានការស្នើសុំផ្លូវការក៏ដូចជាព័ត៌មានទាក់ទងនឹងការលាលែងតំណែងរបស់ វត្តី ក៏ដូចជាបញ្ហារបស់ Kon Ant នៅឡើយទេ។ ដោយឡែក ក្នុងពេលបច្ចុប្បន្នស្ថាប័នក៏កំពុងធ្វើការពិភាក្សាជាលក្ខណៈសម្ងាត់ជាមួយបេក្ខភាពទាំងពីរ ដោយភាពស្និទ្ធស្នាលដដែល»៕
រូបភាព ៖ ពេជ្រ វត្តីសារ៉ាវឌ្ឍី និង Kon Ant























Account
Security
Favourite Content