មាលាយ៉ាន បង្ហោះសារហួសចិត្តពេលឈុតតំណាងជាតិត្រូវគេយកមកលេងសើចក្នុងន័យប្រមាថមើលងាយ

បវរ​កញ្ញា​កម្ពុជា សាំង មាលាយ៉ាន នីតា បាន​បង្ហោះ​សារ​ហួសចិត្តបន្ទាប់​ពី​ឈុត​តំណាង​ជាតិ នាង​រំសាយ​សក់ ដែល​អ្នក​នាង​បាន​បង្ហាញ​នៅ​ក្នុង​កម្មវិធី​ប្រកួត Miss Asia Pacific International នៅ​ឯ​ប្រទេស​ហ្វីលីពីន​ត្រូវ​បានមនុស្ស​មួយ​ចំនួន​លើក​យក​មក​លេង​សើច​ក្នុង​ន័យ​ចំអក​ឡកឡឺយ​មិន​ឱ្យ​តម្លៃ។

សំណេររបស់​បវរ​កញ្ញា​កម្ពុជា​រូប​នេះ​ត្រូវ​បាន​សរសេរ​រៀប​រាប់​យ៉ាង​ដូច្នេះ​ថា៖ “ក្នុង​នាម​ជា​បេក្ខភាព Miss Asia Pacific International ដំបូង​ឡើយ​ខ្ញុំ​សម្រេច​ចិត្ត​នៅ​ស្ងៀម​មិន​និយាយ​អ្វី​ទាំង​អស់។ តែ​ភាព​ស្ងប់​ស្ងាត់​មិន​មែន​ជា​ភាព​ខ្លាំង​នោះ​ទេ។ ក្នុង​នាម​ជា​បវរ​កញ្ញា​ខ្ញុំ​ជឿ​ជាក់់ថា​សំឡេង​របស់​ខ្ញុំ​ត្រូវ​បាន​ប្រើ​ក្នុង​ការ​លើក​ទឹក​ចិត្ត ជំរុញ​និង​ការពារ។ ក្នុង​រយៈពេល​ប៉ុន្មាន​ថ្ងៃ​នេះ​ខ្ញុំ​បាន​រង​ការ​គំរាម​កំហែង​តាម​អនឡាញ​យ៉ាង​ច្រើន​លើស​លុប​ដោយ​ពួក​គេ​បាន​ធ្វើ​ការ​វាយ​ប្រហារ​លើ​ឈុត​តំណាង​ជាតិ នាង​រំសាយ​សក់ ដោយ​បាន​កាត់​រូបភាព​បញ្ចូល​គ្នា​ក្នុង​ន័យ​ប្រមាថ​មើល​ងាយ​និង​លេង​សើច​យ៉ាង​ចាស់​ដៃ​នៅ​លើ​បណ្ដាញ​សង្គម​ជាមួយ​សម្ដីចោទប្រកាន់ថា​ជា​របស់​ដែល​លួច​ពី​ជាតិ​សាសន៍​អ្នក​ដ៏​ទៃ។ ​ខ្ញុំ​បាន​ជ្រើស​យក​ឈុត​នាង​រំសាយ​សក់​តំណាង​ឱ្យ​ខេត្ត​បាត់ដំបង​ដើម្បី​យក​ទៅ​ប្រកួត។ ក្នុង​នាម​ជា​អតីត​អ្នក​របាំ​ម្នាក់​ខ្ញុំ​បាន​បញ្ចូល​ប្រពៃណី​បុរាណ​ទៅ​ក្នុង​តន្ត្រី​សម័យ​ទំនើប​ដើម្បី​បង្ហាញ​នូវ​ភាព​អស្ចារ្យ​និង​ការ​កែ​ច្នៃ​ដែល​អាច​លាយ​បញ្ចូល​គ្នា។ ខ្ញុំ​បាន​គិត​រួច​ទៅ​ហើយ​អំពី​ការ​ប្រៀប​ធៀប​រវាង​កម្ពុជា​និង​ថៃ​នូវ​ឫស​គល់​នៃ​វប្បធម៌ តែ​ខ្ញុំ​ពិត​ជា​មិន​បាន​គិត​ឡើយ​ថា​វា​ក្លាយ​ជា​ការ​លេង​សើច​ក្នុង​ន័យ​ប្រមាថ​មើល​ងាយ​ដោយ​ចោទ​ថា​ជា​ការ​លួច​របស់​អ្នក​ដ៏​ទៃ​បែប​នេះ​ទៅ​វិញ“។

អ្នកម្ដាយកូន២ រូបនេះ បាន​បកស្រាយទាំង​ក្ដៅ​ចិត្ត​ចំពោះ​ក្រុម​អគតិ​ទាំងនោះ​ថា “ទង្វើ​បែបនោះ​ជា​ការ​លេងសើច​ដែល​ធ្វើ​ឱ្យ​មាន​ការ​ប៉ះពាល់​ជា​ខ្លាំង​ហើយ​ក៏​មិន​គួរ​យក​មក​លើក​បង្ហាញ​ជា​សាធារណៈ​ដែរ។ វា​ជា​ការ​ប្រមាថ​មើល​ងាយ​ដ៏​អាក្រក់​បំផុត។ អ្នក​ដឹង​ទេ​នៅ​ពី​ក្រោយ​ពាក្យ​សម្ដី ​ឬ​ការ​លេង​សើច​មិន​ចេះ​គិត​របស់​អ្នក​ពួក​គេ​សុទ្ធ​តែ​ជា​មនុស្ស​ដែល​មាន​អារម្មណ៍​ចេះ​ឈឺ​ចាប់​ហើយ​ម្នាក់​នោះ​គឺ​ខ្ញុំ។ សាក​គិត​ទៅ​ បើជា​អ្នក​ដែល​ត្រូវ​បាន​គេ​យក​មក​លេង​សើចបែបនេះ តើ​អ្នក​មាន​អារម្មណ៍​បែប​ណា? ប៉ះ​ពាល់​ត្រឹម​ខ្ញុំ​ម្នាក់​ខ្ញុំ​នៅ​ទ្រាំ​បាន​ព្រោះ​ខ្ញុំ​បាន​ត្រៀម​ជា​ស្រេច​ចំពោះ​ការ​រិះ​គន់​មិន​ថា​ចំពោះ​មុខ​ឬ​នៅ​លើ​បណ្ដាញ​សង្គម។ ប៉ុន្តែ​នេះ​វា​បាន​ប៉ះ​ពាល់​ទៅ​ដល់​ក្រុម​គ្រួសារ មិត្តភ័ក្ដិ អ្នក​គាំទ្រ ជា​ពិសេស​ប្រជាជន​កម្ពុជា។ កម្ពុជា​ជា​ប្រទេស​ដ៏​តូច​ពុំ​សូវ​មាន​អ្នក​ស្គាល់​ច្រើន​លើ​ពិភពលោក​ដូច្នេះ​សម្រាប់​ឱកាស​ក្នុង​ការ​ឈរ​និង​និយាយ​សម្រាប់​ប្រជាជន​និង​ប្រទេស​របស់​យើង​គឺ​ជា​កិត្តិយស​មួយ​ដ៏​អស្ចារ្យ​បំផុត​សម្រាប់​ខ្ញុំ“។

បន្ថែម​លើក​ការ​សរសេរ​រៀប​រាប់​ខាង​លើ​ សាំង មាលាយ៉ាន នីតា ក៏​បាន​បញ្ជាក់​ច្បាស់​ៗ​លើ​សំណេរ​របស់​អ្នក​នាង​ថា សារមួយ​នេះ​មិន​មែន​ជា​ការ​បញ្ជ្រាប​ការ​ស្អប់ ឬ​គំនុំ​នោះ​ទេ ហើយ​ក្នុង​នាម​ជា​មនុស្ស​ម្នាក់​នាង​តែង​ជ្រើស​យក​សន្តិភាព ក្ដី​ស្រលាញ់ និង​ទឹក​ចិត្ត​ល្អ​បរិសុទ្ធ​ជា​និច្ច។ ដ្បិត​ថា​ភាព​តានតឹង​រវាង​ប្រទេសទាំង​ពីរ​នៅ​បន្ត​កើត​មាន ​តែ​នាង​ជឿជាក់​ថា​ការ​បោះ​ជំហាន​ទៅ​មុខ​គឺ​ជា​ជំហាន​នៃ​ការ​រួបរួម។

ក្នុង​នោះ​ដែរ​នាង​បាន​ស្នើ​សុំ​ទៅ​កាន់​អ្នក​ដែល​ចូលចិត្ត​យក​ចំណុច​ខ្សោយ​របស់​គេ​មក​លេង​សើច​ត្រូវ​ចាំ​ថា​ការ​លេង​សើច​របៀប​នេះ​គឺ​ពិត​ជា​ធ្វើ​ឱ្យ​គេ​ឈឺ​ចាប់​ហើយ​វា​ក៏​ឆ្លុះ​បញ្ចាំង​ពី​តម្លៃ​របស់​អ្នក​ដូច​គ្នា។ សូម​រក្សា​នូវ​សន្តិភាព​ផ្លូវ​ចិត្ត​ហើយ​លុប​បំបាត់​នូវ​ការ​រិះគន់​មិន​ល្អ​ចែក​រំលែក​នូវ​ក្ដី​ស្រលាញ់​ដោយ​និយាយ​ចេញ​អ្វី​ដែល​មាន​ប្រយោជន៍​ដល់​សង្គម​ជាតិ​និង​ខ្លួន​ឯង។ សំឡេង​របស់​អ្នក​ពិត​ជា​សំខាន់​ខ្លាំង​ណាស់។

ជា​ចុង​ក្រោយ​បវរ​កញ្ញា​ខ្មែរអាមេរិកាំង​រូប​នេះ​បាន​បញ្ជាក់​យ៉ាង​ម៉ឺង​ម៉ាត់​ថា៖ «ខ្ញុំ​មាន​មោទកភាព​បំផុត​ក្នុង​ការ​តំណាង​ឱ្យ​ប្រទេស​កម្ពុជា​ក្នុង​នាម​ជា​មនុស្ស​ជាតិ​ និង​ជា​ស្ត្រី​ម្នាក់​ដែល​តស៊ូ​ ដើម្បី​សន្តិភាព​ពិភពលោក​ ហើយ​​វប្បធម៌​ចម្រុះ​គ្នា។ ​ខ្ញុំ​នឹង​តំណាង​ឱ្យ​ប្រទេស​របស់​ខ្ញុំ​ដោយ​សេចក្ដី​ថ្លៃ​ថ្នូរ មោទកភាព និង​សេចក្ដី​ស្រលាញ់»៕

រូបភាព ៖ Mealyann Nita Saing



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។



Leave a Reply

Your email address will not be published.Required fields are marked *