កូនប្រុសកតញ្ញូ! Lee Joo Ahn ហ៊ានលះបង់ថ្លើមខ្លួនឯង ៧០ភាគរយ ជួយសង្គ្រោះអ្នកមានគុណ

នៅថ្ងៃទី១ ខែតុលានេះ តារាសម្ដែងប្រុស Lee Joo Ahn បានផ្ដល់បទសម្ភាសន៍ជាមួយនឹងសារព័ត៌មាន​ SPOTV ដោយបានចែករំលែករឿងរ៉ាវរំជួលចិត្តកាលពី ៧ឆ្នាំមុន នៅពេលដែលលោកសម្រេចចិត្តបរិច្ចាគថ្លើមរបស់ខ្លួន​ ដើម្បីជួយសង្គ្រោះជីវិតអ្នកម្ដាយ។

ក្នុងវ័យ ២៩ឆ្នាំ ជាវ័យដែលប្រជាជនកូរ៉េខាងត្បូង ភេទប្រុស ត្រូវចូលបំពេញកាតព្វកិច្ចយោធា Lee Joo Ahn បានរៀបរាប់ថា៖ “តាមពិតទៅខ្ញុំត្រូវបានលើកលែងពីការចូលហ្វឹកហាត់ទាហាន។ ខ្ញុំបានបរិច្ចាគថ្លើមមួយផ្នែកដល់អ្នកម្ដាយ នៅពេលដែលខ្ញុំអាយុ ២២ឆ្នាំ ទើបខ្ញុំទទួលបានការលើកលែងចាប់តាំងពីពេលនោះមក”។

តួសម្ដែងពីរឿង Bon Appétit, Your Majesty បានរំឭកទៅហេតុការណ៍កាលពី ៧ឆ្នាំមុនថា៖ “សុខភាព​ថ្លើម​របស់​ម្តាយ​ខ្ញុំគឺ​ខ្សោយ​។ ខ្ញុំ​បាន​ទទួល​ទូរស័ព្ទ​ថា ស្ថានភាព​របស់​គាត់​កាន់តែ​ធ្ងន់ធ្ងរ​ទៅៗ​ដោយសារ​ជំងឺ​ក្រិន​ថ្លើម ហើយ​គាត់​បាន​សន្លប់ ទើប​ខ្ញុំ​ប្រញាប់​ទៅ​មន្ទីរពេទ្យភ្លាម​”​។

“នៅពេលទៅដល់ គ្រូពេទ្យបានប្រាប់ថា គាត់​ត្រូវ​ការ​​វះកាត់​សង្គ្រោះ​បន្ទាន់ ហើយ​ខ្ញុំ​បាន​យល់​ព្រម​បរិច្ចាគភ្លាមៗ” តារាប្រុសបានរៀបរាប់ថា ការវះកាត់នេះគឺជាការវះកាត់ខ្នាតធំ ដែលតម្រូវឱ្យលោកត្រូវបរិច្ចាគថ្លើមប្រមាណ ៧០ភាគរយ ដើម្បីដោះដូរឱ្យម្ដាយ។

ជាសំណាងល្អ ស្ថានភាពរបស់អ្នកម្តាយបានប្រសើរឡើងយ៉ាងខ្លាំងបន្ទាប់ពីការវះកាត់ ហើយឥឡូវនេះគាត់អាចមានឱកាសមើលឃើញពីភាពជោគជ័យរបស់កូនប្រុសគាត់ដោយមោទកភាព។ អមដោយប្រជាប្រិយភាពក្នុងនាមជាតួអង្គ Gong-gil ពីរឿង Bon Appétit, Your Majesty ផង Lee Joo Ahn និយាយទាំងញញឹម​ថា៖ “ម្ដាយខ្ញុំគាត់សប្បាយចិត្តណាស់ គាត់ថា ពេលនេះគាត់អាចនិយាយបានពេញមាត់ហើយថា កូនប្រុសរបស់គាត់គឺជា តារាសម្ដែង”។

ដោយមិនភ្លេចអ្នកគាំទ្រ Lee Joo Ahn រៀបរាប់ថា៖ “ទាំងអស់នេះ គឺព្រោះតែមានការគាំទ្ររបស់ទស្សនិកជន។ ខ្ញុំពិតជាចង់អរគុណដល់អ្នករាល់គ្នាណាស់។ ខ្ញុំនឹងបន្តខិតខំបន្ថែមទៀត ហើយសង្ឃឹមថា អ្នកនឹងនៅតែបន្តគាំទ្រខ្ញុំសម្រាប់ស្នាដៃសម្ដែងក្នុងគម្រោងភាពយន្តជាច្រើនទៀត”។

កើតនៅក្នុងឆ្នាំ ១៩៩៦ Lee Joo Ahn បានចាប់ផ្ដើមអាជីពសម្ដែងនៅក្នុងរឿង Sky Castle កាលពីឆ្នាំ២០១៨ មុននឹងបន្តបង្ហាញវត្តមានជារឿយៗនៅក្នុងភាពយន្តល្បីៗរបស់កូរ៉េ ដូចជារឿង True Beauty និង Snowdrop។ យ៉ាងណាមិញ កាលពីថ្មីៗនេះប្រជាប្រិយភាពរបស់លោកក៏កាន់តែកើនឡើងជាងមុន តាមរយៈការសម្ដែងជាមនុស្សជំនិតរបស់តួអង្គស្ដេច Yi Heon នៅក្នុងរឿង Bon Appétit, Your Majesty៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ចុងភៅលំដាប់ផ្កាយ Michelin ២ គឺលោក Christophe Hay និងមេចុងភៅ លោក លូ ម៉េង សហការគ្នានៅរាជធានី ភ្នំពេញ ដើម្បីជួយដល់កុមារនៅសាលារៀនតាមជនបទក្នុងខេត្តកំពត តាមរយៈអង្គការ Les Écoles de La Plantation

ងភៅដ៏ល្បីល្បាញជនជាតិបារាំង លោក Christophe Hay ដែលមាន រហស្សនាមថា «ចុងភៅកសិករ» (Farmer-Chef) និងមេចុងភៅកម្ពុជា លោក លូ ម៉េង បានរួមគ្នាក្នុងកម្មវិធីរាត្រីអាហារ

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី



Leave a Reply

Your email address will not be published.Required fields are marked *