ហេតុផលសំខាន់ជំរុញចិត្ត ស៊ីន យូប៊ីន នាំព្យញ្ជនៈ និងលេខខ្មែរ ទៅបង្ហាញក្នុងកម្មវិធីអន្តរជាតិ

ដូចប្រិយមិត្តបានជ្រាបស្រាប់ហើយថា ជារឿយៗតារាសម្តែងស្រីឆ្នើមលំដាប់ប្រទេស កញ្ញា ស៊ីន យូប៊ីន តែងតែពាំនាំយកសិល្បៈវប្បធម៌ និងអរិយធម៌ដ៏ផូរផង់របស់ខ្មែរយើងទៅបង្ហាញលើឆាកអន្តរជាតិផ្សេងៗមិនថាកម្មវិធីនោះតូចឬធំ ឱ្យតែនាងមានឱកាសបានចូលរួម។ សូម្បី កម្មវិធីជាតិក្នុងស្រុកក៏ យូប៊ីន មិនឱ្យរំលងក្នុងការចូលរួមចែករំលែកពីអត្ថសញ្ញាណជាតិខ្មែរ ព្រោះនាងមានសុទិដ្ឋិនិយមថា គ្រប់កន្លែងសុទ្ធជាកន្លែងដែលអាចជួយផ្សព្វផ្សាយពីសិល្បៈវប្បធម៌ខ្មែរយើង ដូច្នេះទើបនាងព្យាយាមឱ្យអស់ពីលទ្ធភាពតាមដែលអាចធ្វើទៅបាន។

តួយ៉ាង ក្នុងឆ្នាំ២០២៣ កូនស្រីច្បងត្រកូល ស៊ីន រូបនេះ​បានបង្ហាញខ្លួនក្នុងកម្មវិធីអន្តរជាតិជាច្រើន ហើយនាងតែងតែធ្វើតាមសន្យា ដោយបានលើកយកអត្ថសញ្ញាណជាតិខ្មែរផ្សេងៗទៅបង្ហាញឱ្យអន្តរជាតិបានឃើញ តាមរយៈឈុតសម្លៀកបំពាក់ ដែលពាក់ចូលរួមកម្មវិធីទាំងនោះ។ គួរឱ្យចាប់អារម្មណ៍ខ្លាំងនោះ​គឺ យូប៊ីន បានលើកយកពីព្យញ្ជនៈ និងលេខខ្មែរ ទៅបំផុសលើឈុតសម្លៀក និងច្នៃជាគ្រឿងអលង្ការរំលេចលើខ្លួនប្រាណរបស់នាង ដើម្បីចូលរួមក្នុងកម្មវិធីអន្តរជាតិទៀតផង ធ្វើឱ្យតារាស្រីរូបនេះទទួលការកោតស្ញប់ស្ញែងយ៉ាងខ្លាំងក្លាពីមហាជនកម្ពុជា។

ក្នុងកិច្ចសម្ភាសន៍មួយកាលពីពេលថ្មីៗ យូប៊ីន ទទួលស្គាល់ថា វត្ថុដែលជាអត្តសញ្ញាណជាតិខ្មែរយើងពិតជាមានច្រើន ហើយវាមិនមែនជារឿងចៃដន្យដែលនាងជ្រើសរើសយកព្យញ្ជនៈ និងលេខខ្មែរ ទៅបង្ហាញឱ្យអន្តរជាតិបានឃើញ ព្រោះនាងមានគោលដៅច្បាស់លាស់ក្នុងផ្សព្វផ្សាយពីសិល្បៈវប្បធម៌ដ៏រស់រវើករបស់ខ្មែរយើង។

ដោយឡែក ការរៀបចំតុបតែង និងការច្នៃឈុតសម្លៀកបំពាក់ គឺនាងមើលទៅតាមស្ថានភាពកម្មវិធីរបស់គេ មិនឱ្យចេញមកខុសគេតែឯង នាំខូចឈ្មោះ និងកិត្តិយសរបស់សិល្បករកម្ពុជានោះទេ។ ហើយហេតុផលសំខាន់ជំរុញចិត្តនាងឱ្យនាំយកព្យញ្ជនៈ និងលេខខ្មែរ ទៅបង្ហាញក្នុងកម្មវិធីអន្តរជាតិ គឺដើម្បីឱ្យឆាកអន្តរជាតិ និងពិភពលោកស្គាល់ពីព្យញ្ជនៈ និងលេខរបស់ខ្មែរឱ្យបានច្បាស់លាស់ ជៀសវាងការភ័ន្តច្រឡំថា ព្យញ្ជនៈ និងលេខខ្មែរយើងជារបស់ជាតិសាសន៍ដទៃ។

តួឯកស្រីល្បីឈ្មោះនេះបន្តថា កន្លងមកធ្លាប់មានគេសួរនាងអំពីឈុតដែលច្នៃរំលេចព្យញ្ជនៈ និងលេខខ្មែរទាំងនោះ ហើយនាងបានឆ្លើយតបដោយក្តីមោទនភាពទៅកាន់ពួកគេថាទាំងនេះជាព្យញ្ជនៈ និងលេខខ្មែរ។ ពាក្យពេចន៍សរសើររបស់ភ្ញៀវអន្តរជាតិទាំងនោះ ធ្វើឱ្យ យូប៊ីន សប្បាយចិត្តជាខ្លាំង និងមានកម្លាំងចិត្តក្នុងការរិះរកគំនិតថ្មីៗ ទៅច្នៃជាឈុតសម្លៀកបំពាក់សម្រាប់ចូលរួមកម្មវីធីអន្តរជាតិបន្ទាប់។

តាមការបង្ហើបឱ្យដឹង យូប៊ីន នឹងត្រូវចេញទៅចូលរួមកម្មវិធីអន្តរជាតិធំៗបន្តបន្ទាប់ទៀតក្នុងឆ្នាំ ២០២៤ នេះ ដែលក្នុងនោះ​មាន ២កម្មវិធីបានព្រមព្រៀងរួចរាល់ ចំណែកកម្មវិធីផ្សេងៗទៀតកំពុងស្ថិតក្នុងការពិចារណា ដោយសារនាងខ្លួនឯងមមាញឹកខ្លាំងរកពេលដកឃ្លាសឹងមិនរួច៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។