ជិតដល់ចូលឆ្នាំខ្មែរ លាង សុផាឡែន ត្រៀមចេញបទថ្មីជាកាដូដល់ហ្វេនៗ

តារាចម្រៀងរូបស្រស់ កញ្ញា លាង សុផាឡែន បានប្រកាសឱ្យដឹងថាលើទំព័រហ្វេសប៊ុកផ្លូវការរបស់នាងថា នាងទើបបញ្ចប់ការថតបទចម្រៀងថ្មី ត្រៀមកំដរនិងបំពេរអារម្មណ៍ហ្វេនៗអ្នកគាំទ្ររបស់ខ្លួននាពិធីបុណ្យចូលឆ្នាំប្រពៃណីជាតិខ្មែរខាងមុខនេះ។ សុផាឡែន ចាត់ទុកបទចម្រៀងដែលបំពុងត្រៀមចេញនេះ ជាកាដូសម្រាប់ហ្វេនៗ និងសង្ឃឹមថា សង្ឃឹមថាអ្នកទាំងអស់ពេញចិត្តនឹងស្នាដៃនេះ។

លាង សុផាឡែន រៀបរាប់ថា៖ «រួចរាល់ជាស្ថាពរ ក្នុងមួយបទថ្មីនេះ ប្រើរយៈពេលយ៉ាងច្រើនម៉ោងដែរ ចូលឆ្នាំខ្មែរខាងមុខនេះ ជាកាដូ សំរាប់ ហ្វេន ហ្វេន របស់នាងខ្ញុំ សង្ឃឹមថាអ្នកទាំងអស់ពេញចិត្តនឹងគាំទ្រណា អរគុណដល់លោកគ្រូភ្លេង @Soun Piseth សំរាប់បទនេះ និងអ្នកនិពន្ធស្រីវ័យក្មេងរបស់យើង»។

ត្បិតមិនទាន់បង្ហាញឱ្យច្បាស់ថា បទចម្រៀងថ្មីជាបទអ្វី ចង្វាក់អ្វី និងមានចំនួនប៉ុន្មានបទក៏ពិតមែន ប៉ុន្តែគេឃើញហ្វេនៗអ្នកគាំទ្រនាងជាច្រើនបង្ហាញការចាប់អារម្មណ៍ និងទន្ទឹងរង់ចាំមើលបទចម្រៀងថ្មីរបស់នាងដែលត្រៀមចេញនោះ។

គួររំលឹកថា លាង សុផាឡែន ក៏ជាតារាចម្រៀងស្រីម្នាក់ក្នុងចំណោមតារាចម្រៀងស្រីល្បីៗប្រចាំប្រទេសកម្ពុជា។ នាងមានសមត្ថភាពអាចបកស្រាយបានទាំងបទមនោសញ្ចេតនា និងញាក់កន្រ្តាក់អារម្មណ៍ជាពិសេសតារាចម្រៀងស្រីរូបនេះ អង្រួនបានដួងចិត្តអ្នកស្តាប់យ៉ាងខ្លាំងក្លាតាមរយៈសំនៀងក្នុងបទចម្រៀងនិយាយពីជីវិត និងវិបត្តិក្នុងគ្រួសារ។ តាមការកត់សម្គាល់ សុផាឡែន មិនសម្រុកចេញបទចម្រៀងច្រើនដូចតារាចម្រៀងដទៃនោះទេ បើទោះបីនាងមាននាមជាតារាចម្រៀងជ្រកកោនផលិតកម្ម រស្មីហង្សមាស ក៏ពិតមែន។ 

មួយរយៈចុងក្រោយនេះ គេចាប់ផ្តើមឃើញវត្តមាន កញ្ញា លាង សុផាឡែន តាមកម្មវិធីការប្រគំតន្ត្រីឡើងវិញ ដោយនាងបានជ្រើសយកបទចម្រៀងល្បីៗពីរោះៗមកច្រៀង និងតែងតែតុបតែងខ្លួនស្អាត ប្លែកមិនចាញ់តារាចម្រៀងស្រករគ្នា និងតារាចម្រៀងជំនាន់ក្រោយនោះឡើយ។

មិនត្រឹមតែមានសមត្ថភាពក្នុងការបកស្រាយបទចម្រៀងប៉ុណ្ណោះទេ កន្លងមក លាង សុផាឡែន ក៏ធ្លាប់ប្រឡូកវិស័យភាពយន្តផងដែរ ថែមទាំងធ្លាប់គ្រងតំណែងជាតួឯកស្រីទៀតផង។ បើទោះបីជាមិនអាចវាយដណ្តើមទីផ្សារចម្រៀងរហូតក្លាយជាកំពូលតារាចម្រៀងប្រចាំប្រទេសក៏ពិតមែន តែ លាង សុផាឡែន ក៏មានគេស្គាល់ និងទទួលបានប្រជាប្រិយភាពខ្ពស់មិនចាញ់តារាចម្រៀងផ្សេងៗនោះឡើយ ធ្វើឱ្យទីផ្សារសិល្បៈរបស់នាងអាចឈរបានយ៉ាងរឹងមាំដូចសព្វថ្ងៃនេះ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​