គឹម លីហ្សា ត្រូវគេធ្វើរឿងផ្លូវងងឹតដាក់ សង្ស័យជាការផ្ចាញ់ផ្ចាលរឿងមុខជំនួញ

ប្រសិនបើយើងលើកយករឿងអបិយជំនឿបែបបុរាណមកនិយាយ ជាការពិតណាស់ដែលសង្គមបច្ចុប្បន្ននៅតែមានបុគ្គលអ្នកជឿលង់ និងងប់ងល់ខ្លាំងលើអបិយជំនឿទាំងនេះ រហូតហ៊ានធ្វើរឿងផ្លូវងងឹតដាក់បុគ្គលដែលខ្លួនមិនពេញចិត្ត ខណៈបុគ្គលមួយចំនួនទៀតគ្រាន់តែដឹងឮ និងជឿមួយចំណែកនៃរឿងនេះតែប៉ុណ្ណោះ។

និយាយដល់រឿងផ្លូវងងឹត ស្រាប់តែថ្មីៗនេះមានការភ្ញាក់ផ្អើលមួយបានកើតឡើង លើតារាសម្តែងដ៏ល្បីឈ្មោះមួយរូប និងជាអ្នកជំនួញស្រីវ័យក្មេងដ៏ជោគជ័យម្នាក់ គឺអ្នកនាង គឹម លីហ្សា ដោយកាលពីយប់ថ្ងៃទី២៤ ខែមករា ឆ្នាំ២០២២នេះ នាងបានបង្ហោះវីដេអូមួយ បង្ហាញពីសកម្មភាពរបស់បុគ្គលម្នាក់ដែលបានយករបស់ស្មោគរោគ ទាក់ទងទៅនឹងអំពេីអាបធ្មប់ មកដាក់មុខហាងម្ជូររបស់នាង ដែលរឿងនេះធ្វើឱ្យមហាជនឃើញហើយព្រឺសម្បុរ។

ភ្ជាប់ជាមួយរូបថតជាច្រើនសន្លឹក គឹម លីហ្សា រៀបរាប់ថា៖ «ថោកទាបម្លេះផ្លូវភ្លឺចាញ់គេមែន បានមករកផ្លូវងងឹតមនុស្សខ្លះហេតុអីក៏សាហាវទៅចឹង ហេតុតែចង់បំផ្លាញគេ ប្រេីមនុស្សអោយយករបស់​អាប​ ធ្មប់​ មកបំផ្លាញ់គេ​ ប្រយត័្ន​ វិនាស​ ខ្លួនឯង»។

តាមរយៈការរៀបរាប់របស់តារាស្រី គឹម លីហ្សា គេអាចសន្និដ្ឋានបានថា ការដែល គឹម លីហ្សា ត្រូវគេធ្វើរឿងផ្លូវងងឹតដាក់ដូចនេះ ទំនងពាក់ព័ន្ធនឹងរឿងមុខជំនួញ ឬអាចជាការផ្ចាញ់ផ្ចាលរឿងមុខជំនួញផងក៏មិនដឹង ព្រោះបច្ចុប្បន្ន គឹម លីហ្សា មានជំនួញច្រើនក្នុងដៃ ដូចជាហាងម្ជូរ និងហាងគុយទាវ ជាច្រើនសាខា ថែមទាំងមានក្រុមហ៊ុនជារបស់ខ្លួនឯងថែមទៀតផង។ ម៉្យាង ការងារសិល្បៈរបស់នាងក៏មមាញឹកខ្លាំងគួរសម ដោយនេះនៅតែលេចមុខតាមកម្មវិធីសិល្បៈជាច្រើន បើទោះបីជំនួញនាងកំពុងជោគជ័យយ៉ាងណាក្តី។

បន្ទាប់ពី គឹម លីហ្សា ទម្លាយឱ្យឃើញរូបភាព និងសកម្មភាពនេះហើយ មានមហាជន អ្នកប្រើប្រាស់បណ្តាញសង្គមជាច្រើន នាំគ្នាចូលទៅ Comment ការយល់ឃើញផ្សេងៗគ្នាជាច្រើន តែគេពុំទាន់ឃើញមានការឆ្លើយតបណាមួយពីភាគីអ្នកនាង គឹម លីហ្សា នៅឡើយទេ ជុំវិញរឿងនេះ។

គួររំលឹកថា គឹម លីហ្សា បានបាត់មុខពីសិល្បៈកម្ពុជាអស់រយៈពេលជាច្រើនឆ្នាំ បន្ទាប់មកទើបលេចមុខជាថ្មីម្ដងទៀត ព្រមជាមួយដំណឹងរឿងបែកបាក់គ្រួសារ។ ការត្រលប់វិញរបស់តារាស្រីរូបនេះ មិនមែនក្នុងរូបភាពជាសិល្បការិនីដូចមុននោះទេ ពោលគឺនាងមកក្នុងទម្រង់ជាអ្នកជំនួញ ដែលមានប្រវត្តិជាអ្នកសិល្បៈ ថែមទាំងបានប្រើប្រាស់កេរ្តិ៍ឈ្មោះសិល្បៈនាង មកជួយរុញច្រានជំនួញផ្ទាល់ខ្លួនរបស់នាងវិញថែមទៀតផង ដែលនេះ អាចជាហេតុធ្វើឱ្យជំនួញរបស់នាងមានសន្ទុះខ្លាំងក្លាគួរឱ្យកត់សម្គាល់ ត្រឹមរយៈដ៏ខ្លីតែប៉ុណ្ណោះ។

កន្លងមក តារាសម្ដែង គឹម លីហ្សា រមែងត្រូវមហាជនកោតសរសើរទៅទេពកោសល្យដ៏ប៉ិនប្រសប់ ក្នុងការសម្ដែង ក៏ដូចជាសមត្ថភាពផ្នែកសិល្បៈផ្សេងទៀតរបស់នាងផងដែរ ហើយបើនិយាយពីសម្រស់វិញ អ្នកម៉ាក់កូនពីររូបនេះ ក៏តែងទទួលបាននូវពាក្យលើកសរសើរលើសម្រស់ស្រស់ស្អាត ច្រមុះស្រួច ចង្កាស្អាតស័ក្ដិសមនឹងទម្រង់មុខ។ ទោះមានការពោលសរសើរច្រើនពីមហាជនក៏ពិតមែន តែថ្មីៗនេះ គឹម លីហ្សា បានធ្វើឱ្យមហាជនភ្ញាក់ផ្អើល ដោយនាងបានទៅវះកាត់កែកុនច្រមុះ និង ចង្កាបន្ថែមទៀត ដើម្បីបន្ថែមភាពស្រស់ស្អាត និងភាពជឿជាក់របស់នាង ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​