សម្ដែងជាតួធ្វើបាបគេ ឥឡូវតួស្រីក្នុងរឿង Glory ត្រូវគេចោទជាមនុស្សអាក្រក់ក្នុងជីវិតពិតកាលនៅរៀន

បន្ទាប់ពីសម្ដែងក្នុងរឿងភាគល្បី “The Glory” តារាសម្ដែងស្រី Kim Hieora ទទួលបានការចាប់អារម្មណ៍យ៉ាងខ្លាំង ជាពិសេសត្រូវបានមហាជនសរសើរពីថ្វីដៃសម្ដែងប៉ិនប្រសប់របស់នាង។ ក្នុងរឿងនេះ នាងសម្ដែងជាតួអង្គ Lee Sara និងជាតួម្នាក់ bully តួឯកស្រីកាលពីនៅវ័យក្មេងផងដែរ។ បន្ទាប់មក រូបនាងមានឱកាសសម្ដែងក្នុងរឿងភាគល្បីរបស់ Netflix “The Uncanny Counter 2”។

អ្វីដែលធ្វើឱ្យមហាជនហួសចិត្ត និងសឹងមិនជឿគឺ ខណៈតារាស្រី Kim Hieora សម្ដែងជាតួអង្គ bully អ្នកដទៃ រូបនាងក៏ត្រូវគេចោទប្រកាន់ថាជាបុគ្គលម្នាក់ដែល bully អ្នកដទៃក្នុងជីវិតពិតដែរសោះ។ ថ្មីៗ នេះ ខាង Dispatch បានទម្លាយពីរឿងមួយចំនួនដែលចោទប្រកាន់ដល់តារាស្រី Kim Hieora ពីរឿង bully អ្នកដទៃពេលនាងនៅរៀនថ្នាក់វិទ្យាល័យ។ Dispatch បានទទួលព័ត៌មានទាំងនេះពីមិត្ដភ័ក្ដិរបស់នាងតាំងពីខែ ឧសភា ឆ្នាំ ២០២៣ មកម្ល៉េះ ប៉ុន្ដែដោយសារមិនចង់ឱ្យប៉ះពាល់ដល់តារាសម្ដែងផ្សេងទៀតក្នុងរឿង “The Uncanny Counter 2” ទើប Dispatch សម្រេចមិនទាន់ទម្លាយព័ត៌មាន និងរង់ចាំរហូតដល់រឿងនេះចាក់ផ្សាយចប់សិន។

យោងតាមសម្ដីរបស់សិស្សដែលបានរៀនសាលាជាមួយតារាស្រី Kim Hieora បានទម្លាយប្រាប់ឱ្យដឹងថា៖ តារាស្រី Kim Hieora ស្ថិតនៅក្នុងក្រុម Big SangJi មានន័យថា បងស្រីធំ។ ក្រុមនេះតែងតែជំរិតទារប្រាក់អ្នកដទៃក្នុងសាលា ប្រសិនបើមិនព្រមឱ្យប្រាក់ទេពួកគេនឹងវាយជនរងគ្រោះទាំងនោះ។ ហើយពួកគេយកប្រាក់ទាំងអស់ដែលទារបានទៅដើរលេងសប្បាយជុំគ្នា។

ក្នុងឆ្នាំ ២០០៤ ឳពុករបស់តារាស្រី Kim Hieora បានក្ស័យធនដែលធ្វើឱ្យនាងខ្វះប្រាក់ និងត្រូវធ្វើការក្រៅម៉ោង។ ស្របពេលដែលនាងប្រាប់រឿងទាំងអស់នេះទៅមិត្ដភក្ដិរបស់នាងពីរនាក់ផ្សេងទៀត ជាលទ្ធផលពួកគេក៏ជួយនាងលួចប្រាក់អ្នកដទៃ តែចុងក្រោយពួកគេត្រូវគ្រូក្នុងសាលាចាប់បាន និងត្រូវគេដាក់ពិន័យ។

មិត្ដរួមថ្នាក់របស់តារាស្រី Kim Hieora បានទម្លាយថា នាងធ្លាប់ប្រើឱ្យទៅទិញបារីសម្រាប់ជក់។ នាងត្រូវបានមិត្ដភក្ដិផ្សេងទៀតចោទប្រកាន់ធ្លាប់លួចប្រាក់កំឡុងពេលទៅច្រៀងខារាអូខេជាមួយគ្នា។

បន្ទាប់ពីត្រូវបានគេចោទប្រកាន់ និងត្រូវមហាជនរិះគន់ដូចព្យុះ Kim Hieora ក៏បានចេញមុខបដិសេធថា៖ នាងមិនដែលជក់បារីនោះទេ ដោយសារសុខភាពរបស់នាងខ្សោយ។ ថ្វីបើនៅវ័យក្មេងនាងចូលចិត្តទៅច្រៀងជុំគ្នាជាមួយមិត្ដភក្ដិ ប៉ុន្ដែនាងមិនធ្លាប់បានលួចប្រាក់របស់អ្នកដទៃឡើយ។ នាងបន្ដថា៖ វាជាការពិត  Big SangJi ជាឈ្មោះក្រុម ប៉ុន្ដែវាមិនមែនជាក្រុមជើងកាងជំរិតយកប្រាក់ឡើយ។ ពួកយើងមានគ្នាច្រើនតែពួកយើងមិនដែលធ្វើបាបនរណាឡើយ។

នាងបានបន្ថែមថា៖ ដោយសារតែនាងកើតមកមានស្បែកសខ្លាំងពេក មានកែវភ្នែកពណ៌ត្នោត និងឈ្មោះចម្លែកខុសពីប្រជាជនកូរ៉េទូទៅ ដូច្នេះនាងជាទីចាប់អារម្មណ៍ខ្លាំងនៅក្នុងសាលាប្រសិនបើនាងមិនព្យាយាមការពារខ្លួនឯងទេ នាងអាចក្លាយជាជនរងគ្រោះត្រូវគេធ្វើបាបព្រោះតែងមានសិស្សដូចគ្នានិយាយមិនល្អ និងរករឿងនាង។ ជាចុងក្រោយ រូបនាងក៏បានសុំទោសចំពោះរឿងដែលបានកើតឡើងទាំងឡាយ តែនាងមិនបានធ្វើបាបនរណាម្នាក់ឡើយកាលពីនៅរៀនវិទ្យាល័យ។ បើទោះជាតារាស្រី Kim Hieora ចេញមុខបកស្រាយទៅហើយក្ដីប៉ុន្ដែមហាជនជាច្រើននៅតែមិនជឿរូបនាងឡើយ និងគិតថាវាគ្រាន់តែជាលេសដោះសារយកខ្លួនប៉ុណ្ណោះ ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​