បវរកញ្ញាមានឈាមជ័រជាកូនខ្មែរកាត់អង់គ្លេស រ៉ូសស្យែល ហ្សូលីយ៉ា ធ្វើបានយ៉ាងល្អក្នុងចំណោមបេក្ខភាពជាង១០០ប្រទេសក្នុងការប្រកួត Miss World 2025 នៅប្រទេសឥណ្ឌាជាមួយឈុតតំណាងជាតិដែលច្នៃឡើងយ៉ាងប្រណិត។

នៅក្នុងពិធីបើកការប្រកួតជាផ្លូវការនៃកម្មវិធី Miss World 2025 កាលពីរាត្រីថ្ងៃទី១០ ខែ ឧសភា ឆ្នាំ ២០២៥ ថ្មីៗនេះ បវរកញ្ញា១រូបរបស់កម្ពុជា រ៉ូសស្យែល ហ្សូលីយ៉ា បានបង្ហាញភាពលេខធ្លោនៃការដើរជាមួយឈុតតំណាងជាតិដ៏ស្រស់ស្អាតដែលច្នៃឡើងដោយភ្ជាប់ជាមួយផ្ការំដួលដែលមានឈ្មោះថា «អប្សររំដួលក្រុងកម្ពុជា»។
ការដើរបង្ហាញឈុតតំណាងជាតិដ៏ស្រស់ស្អាតមួយនេះ រ៉ូសស្យែល ហ្សូលីយ៉ា ធ្វើបានយ៉ាងល្អគួបផ្សំជាមួយភាពទាក់ទាញនៃឈុតខាងលើទៀតផងនោះបានធ្វើបវរកញ្ញាវ័យ ១៨ ឆ្នាំរូបនេះកាន់តែស្រស់ស្អាត និងលេចធ្លោក្នុងចំណោមបេក្ខភាពប្រកួតជាង១០០ប្រទេសនារាត្រីនោះ។







តាមរយៈការដើរបង្ហាញនូវឈុតតំណាងជាតិដ៏ស្រស់ស្អាតមួយនេះ Miss World Cambodia រ៉ូសស្យែល ហ្សូលីយ៉ា ទទួលបានការកោតសរសើរយ៉ាងក្រាស់ក្រែលពីសំណាក់អ្នកគាំទ្រក្នុងស្រុកក្នុងនោះដែរហ្វេនៗក៏បានជូនពរបវរកញ្ញាវ័យ១៨ឆ្នាំរូបនេះឱ្យទទួលជយលាភីក្លាយជាម្ចាស់មកុដ Miss World 2025។ គួរឱ្យដឹងដែរថា បវរកញ្ញាកូនកាត់ខ្មែរ-អង់គ្លេស រូបនេះនឹងបន្តនៅប្រទេសឥណ្ឌារហូតដល់ថ្ងៃទី៣១ឧសភា២០២៥ ដើម្បីបន្តចូលរួមសកម្មភាពប្រកួតក្នុងកម្មវិធី Miss World 2025៕
រូបភាព៖Julia Russell – រ៉ូសស្យែល ហ្សូលីយ៉ា























Account
Security
Favourite Content