តារារ៉េបជប៉ុន Awich ដៃគូក្នុងបទចម្រៀង «6 YEAR IN THE GAME» បាននាំយកប៉ុស្តិ៍ទូរទស្សន៍លេខ១ របស់ជប៉ុនមកថតដោយផ្ទាល់ក្នុងខនសឺតត្រីវិស័យសុវណ្ណភូមិ វណ្ណដា កាលពីចុងសប្ដាប៍មុនកន្លងទៅ ថែមទាំងពោលសរសើរប្រជាជនខ្មែរពេញៗមាត់។

កាលពីថ្ងៃសៅរ៍កន្លងទៅ ការប្រគំតន្ត្រីដ៏ធំសម្បើមរបស់កំពូលតារាចម្រៀងរ៉េប វណ្ណដា និងបណ្ដាសិល្បករមកពីផលិតកម្មបារមីព្រមទាំងតារាចម្រៀងក្រៅស្រុកជាច្រើនរូប បានទាក់ទាញមនុស្សរាប់ម៉ឺននាក់ឱ្យទិញសំបុត្រចូលទស្សនាយ៉ាងច្រើនកុះករ។
ពិតណាស់ សំឡេងហ៊ោកញ្ជ្រៀវបានកើតឡើងចាប់តាំងពីវិនាទីដំបូងនៃការចាប់ផ្ដើមនូវការប្រគំតន្ត្រីដ៏អស្ចារ្យមួយនេះជាមួយការសម្ដែងជាបន្តបន្ទាប់របស់បណ្ដាសិល្បករវ័យក្មេង និងល្បីៗទាំងក្នុងនិងក្រៅស្រុក។ បន្ទាប់មកគឺសំឡេងហ៊ោព្រោះរំភើបចិត្តក្រោយតារារ៉េបល្បីឈ្មោះជនជាតិជប៉ុន Awich ប្រាប់ថាអ្នកនាងមកច្រៀងលើកនេះគឺបាននាំយក JAPANESE TV SHOW ដែលមានឈ្មោះថា JOURNEY CRAZY ដែលជាទូរទស្សន៍លំដាប់លេខ១នៅជប៉ុនមកថតដោយផ្ទាល់ដោយបានផ្ដិតយកទាំងរូបភាព សំឡេង វីដេអូដើម្បីចែកចាយនៅឆាណែលមួយនេះក្នុងប្រទេសជប៉ុន។
ជាមួយគ្នានេះដែរ Awich បាននិយាយថា អ្នកនាងបានសិក្សាស្រាវជ្រាវច្រើនពីកម្ពុជា អ្នកនាងគោរពប្រជាជនកម្ពុជាខ្លាំងណាស់។ តារារ៉េបជប៉ុនរូបនេះបានកោតសរសើរពីភាពខ្លាំងរបស់ប្រជាជនកម្ពុជាដែលបានហែលឆ្លងអតីតកាលខ្មៅងងឹត និងអាចទទួលបានភាពរីកចម្រើនដូចពេលបច្ចុប្បន្ន។ Awich ក៏បានប្រកាសក្ដែងៗនៅក្នុងខនស៊ឺតដែលមានមនុស្សចូលរួមជាច្រើនម៉ឺននាក់ថាអ្នកនាងនិង វណ្ណដា គឺប្រៀបបីដូចជាបងប្អូនយ៉ាងអ៊ីចឹង។
ពាក្យសម្ដីទាំងនេះបានធ្វើឱ្យបណ្ដាអ្នកគាំទ្រ និងអ្នកចូលរួមទស្សនាជាច្រើនម៉ឺននាក់ស្រែកហ៊ោកញ្ជ្រៀវឡើងទាំងក្ដីរំភើបព្រោះមិននឹកស្មានថាតារារ៉េបល្បីឈ្មោះជប៉ុនរូបនេះឱ្យតម្លៃនិងស្រលាញ់ប្រជាជនកម្ពុជាយ៉ាងនេះ៕





ចុចទីនេះដើម្បីទស្សនា វីដេអូ៖ https://www.facebook.com/mrraromafanjapen/videos/1367598324497034/?rdid=XIsIQoy3PDotsNF9
រូបភាព៖វីដេអូ Fan Japan

























Account
Security
Favourite Content