លេចធ្លាយរូបភាពរបស់ព្រះនាង នរោត្តម ជេនណា ថតតខ្សែភាពយន្តភាគចិនបុរាណ នៅប្រទេសចិនកាលពីពេលថ្មីៗ។នេះជាការ debut ជាតារាសម្ដែងនៅក្រៅប្រទេសរបស់សែរាជវង្សខ្មែរអង្គនេះ ហើយចិនក៏ជាប្រទេសដែលទ្រង់មានអ្នកគាំទ្រស្រាប់ ព្រមទាំងមានការងារជាហូរហែនៅទីនោះ។

រូបភាពព្រះនាង ជេនណា ព្រះជន្ម ១៣ ព្រះវស្សា បានលេចឡើងកាលពីយប់ថ្ងៃ ៥ ខែកុម្ភៈ ឆ្នាំ ២០២៦ ដែលទ្រង់កំពុងគ្រងឈុតបុរាណចិន។ សម្រាប់រឿងដែលព្រះនាងខ្មែរអង្គនេះកំពុងសម្ដែងគឺស្ថិតនៅក្រុមហ៊ុន Iqiyi មានចំណងជើងថា “Shadows of Desire” ដែលមានតួឯកប្រុស Zhou Ke Yu និងតួឯកស្រី Zhao Qing។
សម្រាប់តួអង្គព្រះនាង ជេនណា មិនទាន់ត្រូវបានទម្លាយថាដើរជាអង្គបែបណាឡើយ។ គួរបញ្ជាក់កាលពីពេលចុងឆ្នាំ ២០២៥ កន្លងទៅ ក៏ធ្លាប់ឮលេចពាក្យចចាមអារ៉ាមថា ទ្រង់ នរោត្តម ជេនណា អាចកំពុងថតរឿងណាមួយក្នុងប្រទេសចិន ដោយគ្រានោះព្រះនាងក៏ឧស្សាហ៍ចេញទៅប្រទេសចិនជាញឹកញាប់ផងដែរ។








សូមរលឹកផងដែរថា កាលពី ២-៣ ឆ្នាំមុន ព្រះនាង ជេនណា ត្រូវបានសារព័ត៌មានចុះផ្សាយអាចនឹងចូលប្រឡូកក្នុងវិស័យ K-pop ផងដែរ។ រឿង “Shadows of Desire” គឺជារឿងបែបប្រវត្តិសាស្ត្រ និងមនោសញ្ចេតនា ដែលចាប់ផ្ដើមថតតាំងពីថ្ងៃ ៣១ ខែតុលា ឆ្នាំ ២០២៥ និងបញ្ចប់ការថតនៅដើមខែកុម្ភៈ ឆ្នាំ ២០២៦ នេះ។
សម្រាប់រឿង “Shadows of Desire” ទើបនឹងបញ្ចប់ការថតថ្មីៗនេះ ដោយគេរំពឹងថានឹងចាក់បញ្ចាំងក្នុងឆ្នាំនេះ ហើយអ្នកគាំទ្រព្រះនាង និងតារាប្រុស Zhou Ke Yu និងតារាស្រី Zhao Qing នៅខ្មែរ កំពុងអន្ទះសាចង់ទស្សនារឿងស្នាដៃព្រះនាង ព្រមទាំងតារាប្រុសស្រីទាំងអស់យ៉ាងអន្ទះអន្ទែង៕
រូបភាព៖ jannanorodom17























Account
Security
Favourite Content