ប៉ុន្មានឃ្លា ពី ហេង ប៊ុនលាភ និយាយចំៗមានន័យណាស់ ចំពោះការសម្ដែងរបស់តារាក្មេងៗជំនាន់ក្រោយ

តារាសម្ដែង និងជាតារាចម្រៀង លោក ហេង ប៊ុនលាភ បានងាកត្រឡប់ចូលវិស័យសិល្បៈវិញ កាលពីអំឡុងខែមេសា ឆ្នាំ២០២២នេះ ដោយបានចេញចម្រៀងចូលឆ្នាំ ជាចម្រៀងទោលជាច្រើនបទក្នុងផលិតកម្ម Davitra។ 

គេសង្គេតឃើញថា ទោះបីឃ្លាតឆ្ងាយពីសិល្បៈអស់រយៈពេលយូរបន្តិចមែន តែតារាចម្រៀងរូបនេះ នៅតែរក្សាបានរូបរាងសង្ហា មិនចាញ់តារាស្រករក្រោយប៉ុន្មានឡើយ រីឯទឹកដមសំនៀងវិញ ក៏នៅតែពីរោះមិនខុសជំនាន់លោកកំពុងល្បីល្បាញនោះឡើយ។

ប្រាប់ឱ្យអ្នកសារព័ត៌មានសិល្បៈដឹង តាំងពីបង្ហាញមុខវិញ លោកមានគេទាក់ទងការងារសិល្បៈច្រើនគួរសម ក្នុងនោះ មានទាំងការអញ្ញើញឱ្យច្រៀងតាមកម្មវិធី Concert ជាដើម តែដោយសារជាប់ការងារផ្ទាល់ខ្លួនច្រើន និងការងាររាជការផងនោះ ទើបមិនអាចទទួលការងារសិល្បៈឱ្យពេញដៃដូចមុន។ ចំណែក ភាពយន្តវិញ ក៏ទទួលបានខ្លះដែរ តែមិនច្រើនខ្លាំងពេកនោះទេ ព្រោះលោកខ្លួនឯងមិនមានពេលវេលាគ្រប់គ្រាន់សម្រាប់ផលិតករ។ 

លើកឡើងពីច្រៀងសម្តែង គេនៅចាំថា លោក ហេង ប៊ុនលាភ ជាតារាចម្រៀង និងជាតារាសម្តែងដ៏មានទេពកោសល្យម្នាក់ និងជាសិល្បករពោរពេញដោយបទពិសោធន៍។ តាមការឱ្យដឹង លោកបន្សល់ស្នាដៃភាពយន្តប្រមាណជាង៨០រឿង និងចម្រៀងជិត៨០បទ។ 

ការវិលត្រឡប់វិញរបស់អតីតតារាចម្រៀង​​ផលិតកម្ម SSB រូបនេះ គឺស្របពេលវិស័យសិល្បៈកំពុងរីកចម្រើន និងមានសិល្បករស្រករក្រោយរីកដុះដាលដូចផ្សិត ទាំងផ្នែកចម្រៀង និងសម្តែង។ ដូច្នេះ ក្នុងនាមលោកជាសិល្បករជើងចាស់ម្នាក់មានបទពិសោធន៍លើផ្នែកទាំងពីរនេះ លោកបានបង្ហាញការយល់ឃើញថា សិល្បករ-សិល្បការនីខ្មែរជំនាន់នេះមានភាពស្រស់ស្អាត ទាក់ទាញ ប៉ុន្តែចំពោះការសម្តែងវិញ គឺនៅមិនទាន់ល្អឥតខ្ចោះ និងពេញលេញនោះទេ។ ការលើកឡើងបែបនេះ មិនមែនបានន័យថា ការសម្តែងលោកពេញលេញ និងល្អឥតខ្ចោះ១០០%ទេ ព្រោះកាលជំនាន់លោកចូលសម្តែងក៏លោកមិនបានចូលហាត់រៀននៅសាលាអ្វីដែរ គឺលោកសម្តែងតាមតែការណែនាំរបស់ផលិតករប៉ុណ្ណោះ។

យ៉ាងណាមិញ តាមរយៈបទពិសោធន៍ច្រើនឆ្នាំរបស់លោកក្នុងវិស័យភាពយន្ត ដើម្បីឱ្យការសម្តែងល្អចេញមកទាក់ចិត្តអ្នកទស្សនា សំខាន់តារាសម្តែងគឺដឹងខ្លួនឯងហើយថាតួនីមួយៗយើងលេងមិនត្រូវការប្រឹងទេ ហើយត្រូវយល់ពីសាច់រឿង ព្រោះពេលយើងយល់ពីសាច់រឿង ហើយតារាសម្តែងទាំងអស់លេងទៅស៊ីសង្វាក់គ្នាគឺមើលទៅអត់មានអ្នកប្រឹងទេ ប៉ុន្តែការសម្តែងរាល់ថ្ងៃនេះការសម្តែងមើលទៅនៅមានការប្រឹង ខ្លះដោយសារប៉ារ៉ូល ខ្លះទៀតក៏ពេលវេលា ទើបទៅជាបែបនេះ។

គួររំឭកថា អតីត​ប្រុសស្អាត​ចំណាត់​ថ្នាក់​លេខ​២ កាលពី​ឆ្នាំ​២០០១ ធ្លាប់ល្បីល្បាញខ្លាំងកាលពីដើមឆ្នាំ២០០០ តែលោកបានសម្រេចបញ្ចប់ភាពនៅលីវជាមួយ​កូនស្រី​​​ថៅកែ​ឡូនេសាទ​ម្នាក់​ នៅ​ខេត្ត​ពោធិ៍សាត់ កាលពី​អំឡុង​ឆ្នាំ​២០០៧ ក្រោយពីនោះ ​លោក​ក៏​បាន​ផ្អាក​ការងារ​សិល្បៈ ចាប់​យក​ជំនួញជំនួសវិញធ្វើឱ្យបាត់មុខពីសិល្បៈជាច្រើនឆ្នាំ ទើបពេលនេះដែលត្រឡប់មកច្រៀងសម្តែងកំដរអារម្មណ៍ប្រិយមិត្តទស្សនិកជនវិញ។ ចំណងអាពាហ៍ពិពាហ៍ជាង១០ឆ្នាំរបស់លោកបន្សល់បានកូនប្រុសស្រីចំនួន៣នាក់។ ជាញឹកញាប់លោកតែងហោះចេញទៅលេងសហរដ្ឋអាមេរិក ព្រោះលោកមានបងប្អូននៅទីនោះច្រើន ប៉ុន្តែគ្មានបំណងទៅរស់នៅទីនោះឡើយ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​