អេដវីន ថារឿងអតីតកាល ២ ជាវិបត្តិជីវិតដ៏ជូរចត់បំផុត

ប្រិយមិត្ត​ប្រហែល​នៅ​ចាំ​បាន​ថា កាលពី​ពាក់​កណ្ដាល​ឆ្នាំ ២០២១ តារា​សម្ដែង លោក យិត មាសឧស្សាហ៍ ហៅ អេដវីន ត្រូវ​បញ្ជូន​ទៅ​កាន់​ពន្ធនាគារ​ព្រៃស បន្ទាប់​ពី​អតីត​គូស្នេហ៍ គឺ​អ្នកនាង សុទ្ធ បញ្ចកា ប្ដឹងពាក់ព័ន្ធ​ករណី​អំពើ​ហិង្សា យ៉ាង​ព្រៃផ្សៃ​បង្ក​ឲ្យ​មាន​របួស​ស្នាម។ ប្រមាណ ៣ ខែ​ក្រោយ​មក​តារា​សម្ដែង​រូប​នេះ ត្រូវ​បាន​ដោះលែង​ឲ្យ​មាន​សេរីភាព​នៅ​ក្រៅ​ឃុំ​វិញ។ ភ្លាម​ៗ​បន្ទាប់​ចេញ​ពី​ពន្ធនាគារ លោក​បាន​ទៅ​បួស​នៅ​ក្នុង​វត្ត​មួយ​កន្លែង ដើម្បី​ឧទ្ទិស​កុសល​ផលបុណ្យ​ជូន​ដល់​អ្នក​ម្ដាយ​ជាទី​ស្រលាញ់​របស់​លោក ដែល​បាន​បាត់បង់​ដោយសារ​ជំងឺ​មហារីក​ដំណាក់កាល​ចុង​ក្រោយ នៅ​ប៉ុន្មាន​សប្ដាហ៍​ក្រោយ​ពី​លោក​ត្រូវ​ជាប់ឃុំ ដែល​នេះ​រឿង​ដ៏​ជូរចត់ និង​ស្រណោះស្រណោក​បំផុត​សម្រាប់​ជីវិត​លោក។

ជា​ការ​ពិត​ណាស់ វិបត្តិ​ជីវិត​ដ៏​ធំ​នេះ​បាន​ប៉ះ​ទង្គិច​ផ្លូវចិត្ត​លោក​យ៉ាង​ធ្ងន់ធ្ងរ ប៉ុន្តែ​ពេលនេះ​លោក​ហាក់​ធូរស្បើយ​បន្តិច​ហើយ និង​បាន​កំពុង​សាង​រឿងរ៉ាវ​ជីវិត​ឱ្យ​ស្រស់​បំព្រង​ឡើង​វិញ​បន្ទាប់​ពី​ឆ្លង​កាត់​រឿងរ៉ាវ​ដ៏​ជូរចត់​នោះ​ហើយ ដោយ​បច្ចុប្បន្ន​លោក​បាន​ត្រឡប់​មក​ហាត់ប្រាណ ពង្រឹង​សុខភាព​រាងកាយ និង​ផ្លូវចិត្ត ហើយ​ថ្មី​ៗ​នេះ​លោក​ធ្វើ​ឱ្យ​មហាជន​ភ្ញាក់ផ្អើល​មិន​តិច​នោះ​ទេ ដោយ​លោក​បាន​បង្ហាញ​វត្តមាន​ក្នុង​កម្មវិធី​សិល្បៈ​ជា​លើក​ដំបូង​បង្អស់ បន្ទាប់ពី​ឆ្លងកាត់​វិបត្តិ​ជីវិត​ដ៏​ជូរចត់​នោះ​ហើយ។

តារា​សម្ដែង និង​អតីត​តារា​ម៉ូដែល អេដវីន បាន​បង្ហាញ​ខ្លួន​យ៉ាង​ស្រស់សង្ហា​ក្នុង​កម្មវិធី​សម្ភោធ​សាកល្បង CIM កាលពី​ចុង​សប្ដាហ៍ និង​បាន​ប្រាប់​ឱ្យ AMS ដឹង​ថា លោក​មាន​អារម្មណ៍​ភ័យ​អរ​ៗ ពេល​បាន​ចូលរួម​កម្មវិធី​សិល្បៈ​វិញ ក្រោយ​បាត់​មុខ​ពី​ការងារ​សិល្បៈ​ទាំងស្រុង​រយៈពេល​ជិត ១ ឆ្នាំ។ អារម្មណ៍​ភ័យ​អរ​ៗ​នោះ គឺ​ដោយសារ​លោក​ខកខាន​ដើរ​លើ​ឆាក និង​កម្រាល​ព្រំក្រហម​យូរ​ហើយ ពិសេស​បាន​ជួប​បងប្អូន​មិត្ត​សិល្បករ​ចាស់​ថ្មី ហើយ​កាន់តែ​សប្បាយ​ចិត្ត​ព្រោះ​នៅតែ​មាន​អ្នក​ស្រលាញ់​ចូលចិត្ត អ្នក​គាំទ្រ និង​ពាក្យ​បន្លឺ​ឡើង​ថា «មក​វិញ​ហើយ​បង ខ្ញុំ​នឹក​បង​ឯង​ណាស់! កាលណា​បង​ចូល​ថត ចូល​សម្ដែង​វិញ»។

អេដវីន ឱ្យ​ដឹង​ថា មាន​ផលិតកម្ម​ក្នុង​ស្រុក​ជាច្រើន​បាន​ទាក់ទង​លោក​ដើម្បី​ថត​ភាពយន្ត​ថ្មី​ៗ​ដែរ ប៉ុន្តែ​ដោយសារ​លោក​នៅ​ជាប់​ធុរៈ​ផ្ទាល់​ខ្លួន​មិន​ទាន់​អាច​ទទួល​ថត​បាន ទើប​នៅ​មិនទាន់​ទទួល​ថត​រឿង​ណា​មួយ តែ​ប្រហែល​ពាក់​កណ្ដាល​ឆ្នាំ ២០២២ នេះ លោក​នឹង​ចាប់ផ្ដើម​ទទួល​ថត​ភាពយន្ត​តាម​ការ​សុំ​ពី​ផលិតករ។

ត្រឡប់​មក​វិញ​លើក​នេះ តួឯក​ប្រុស​រឿង «រសជាតិ​អ្នកមាន» ក៏​នឹង​មាន​អ្វី​ថ្មី​ប្លែក​ត្រៀម​សម្រាប់​ពញ្ញាក់​អារម្មណ៍​អ្នក​គាំទ្រ​លោក​ផង​ដែរ គឺ​លោក​ត្រៀម​ធ្វើជា​បុរស​ឯក​តំណាង​ឱ្យ​កម្ពុជា ចូលរួម​កម្មវិធី​ដ៏​ធំ​មួយ​នា​ពេល​ខាងមុខនេះ តែ​កម្មវិធី​ជាក់ច្បាស់​លោក​សុំ​មិន​ទាន់​បញ្ជាក់​នៅ​ឡើយ ដោយ​ត្រូវ​រង់ចាំ​មើល​ស្ថានភាព​ជាក់ស្ដែង​នៃ​ជំងឺ​កូវីដ។

ទន្ទឹម​នឹង​ការ​ឱ្យ​ដឹង​ពី​គម្រោង​ការងារ​ថ្មី​ៗ អេដវីដ ឆ្លៀត​ក្នុង​ឱកាស​នេះ ក៏​បាន​ប្រាប់​ឱ្យ​ដឹង​ពី​ស្ថានភាព​ផ្លូវ​ចិត្ត​នា​ពេល​បច្ចុប្បន្ន​ផង​ដែរ និង​បាន​សន្យា​យ៉ាង​មុតមាំ​ថា​ការ​ដែល​លោក​ព្យាយាម​មក​ដល់​សព្វ​ថ្ងៃ​នេះ គឺ​លោក​នឹង​យក​ខ្លួនឯង​ពីមុន​មក​វិញ​ឱ្យ​ខាន​តែ​បាន ហើយ​នឹង​ធ្វើ​ឱ្យ​ខ្លាំង​ជាង​លោក​ពី​មុន​ទៀត។

តារា សម្តែង និង ពិធីករ រូប​នោះ​បាន​និយាយ​ថា៖ «ខ្ញុំ​ទទួល​ស្គាល់​ខ្លួនឯង​ថា រឹងមាំ រឹងមាំ​ជាង​ខ្ញុំ​កាលពី​មុន​ទៀត ខ្ញុំ​អរគុណ​រឿងរ៉ាវ​ទាំងអស់​ដែល​ខ្ញុំ​បាន​​ជួប អរគុណ​រាល់​ឧបសគ្គ​ដែល​ខ្ញុំ​បាន​ដោះស្រាយ​វា​កន្លង​មក ធ្វើ​ឱ្យ​ខ្ញុំ​មាន​ថ្ងៃនេះ ធ្វើ​ឱ្យ​ខ្ញុំ​ក្លាយ​ជា​មនុស្ស​ថ្មី។ ខ្ញុំ​ព្យាយាម​គ្រប់យ៉ាង​មក​ដល់​ថ្ងៃ​នេះ គឺ​ខ្ញុំ​នឹង​យក​ខ្លួនឯង​កាល​ពី​មុន​ត្រឡប់​មក​វិញ ហើយ​ឱ្យ​ខ្លាំង​ជាង អេដវីន ពី​មុន​ទៀត ចឹង​ហើយ ចុង​ក្រោយ​ខ្ញុំ​សូម​អរគុណ​មែនទែន​ដល់​ពុក​ម៉ែ​បងប្អូន​ក៏​ដូច​ជា​បណ្ដា​មិត្ត​យុវវ័យ ពិសេស​បងប្អូន​ដែល​តែងតែ​ស្រលាញ់​គាំទ្រ​រូប​ខ្ញុំ​បាទ ទោះបី​ខ្ញុំ​ធ្លាក់​ដល់​ក្នុង​កាលៈទេសៈ​ណា​ក៏​ដោយ ធ្លាក់​ដល់​ចំណុច​បែប​ណា​ក៏​ដោយ ក៏​គាត់​នៅ​តែ chat នៅតែ comment “បង be strong” “បង ចាប់ផ្ដើម​សារ​ឡើង​វិញ” “ខ្ញុំ​នៅតែ​រង់ចាំ​បង” “កាល​បង​ចូល​សិល្បៈ​វិញ” “ខ្ញុំ​ចាំ​មើល​រឿង​បង​សម្ដែង​វិញ” ខ្ញុំ​ពិត​ជា​អរគុណ​មែនទែន ខ្ញុំ​សន្យា​ថា អេដវីន នឹង​ត្រឡប់​មក​វិញ គឺ អេដវីន ល្អ ស្អាត ហើយ​នឹង​នាំ​អ្វី​ប្លែក​ៗ​មក​បម្រើ​ជូន​ទស្សនិកជន»៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​