Ariana Grande ពន្លះសេតវិមានធ្ងន់ៗ ក្រោយយកចម្រៀងនាងដាក់ក្នុងវីដេអូវាយខ្នោះជនអន្តោប្រវេសន៍

តារាចម្រៀងប៉ុបអាមេរិក Ariana Grande បានស្នើឱ្យសេតវិមានកុំប្រើប្រាស់តន្ត្រីរបស់នាង បន្ទាប់ពីស្ថាប័ននេះបានយកបទចម្រៀងរបស់នាងទៅប្រើក្នុងវីដេអូលើបណ្ដាញសង្គម ដើម្បីផ្សព្វផ្សាយអំពីគោលនយោបាយអន្តោប្រវេសន៍។

វីដេអូខ្លីលើ TikTok ដែលបានបង្ហោះកាលពីថ្ងៃច័ន្ទ បានបង្ហាញរូបភាពភ្នាក់ងារព្រំដែនកំពុងដាក់ខ្នោះលើមនុស្សជាច្រើន ដោយប្រើបទចម្រៀង “Bye” ដែលជាបទល្បីប្រចាំឆ្នាំ ២០២៤ របស់ Grande ជាភ្លេងអម។ វីដេអូនោះមានចំណងជើងថា៖ “Bye-bye… ប្រធានាធិបតី Trump បានផ្ដល់នូវព្រំដែនដែលមានសុវត្ថិភាពបំផុតនៅក្នុងប្រវត្តិសាស្ត្រ”។

ក្រោយមក Grande ក៏បានចូលទៅបញ្ចេញមតិ (Comment) លើការបង្ហោះនោះថា៖ “សូមមេត្តាកុំប្រើប្រាស់តន្ត្រីរបស់ខ្ញុំ ពាក់ព័ន្ធនឹងរឿងសមគំនិតដ៏សាហាវយង់ឃ្នង អមនុស្សធម៌ និងគួរឱ្យខ្ពើមរអើមទាំងនេះអី”។

អ្នកនាំពាក្យសេតវិមាន លោកស្រី Abigail Jackson បានប្រាប់ប្រព័ន្ធផ្សព្វផ្សាយអាមេរិកថា៖ “អ្វីដែលសាហាវយង់ឃ្នង អមនុស្សធម៌ និងគួរឱ្យខ្ពើមរអើមពិតប្រាកដនោះ គឺជនបរទេសខុសច្បាប់ដែលជាឧក្រិដ្ឋជន ដែលបានធ្វើឱ្យរបួស និងសម្លាប់ពលរដ្ឋអាមេរិកដ៏ស្លូតត្រង់”។

វីដេអូរបស់សេតវិមាននេះ បានលេចឡើងបន្ទាប់ពីលោក Donald Trump បានចុះហត្ថលេខាលើសេចក្តីព្រាងច្បាប់អនុម័តកញ្ចប់ថវិកាជាង ៧០ ប៊ីលានដុល្លារសម្រាប់ភ្នាក់ងារអន្តោប្រវេសន៍ ក្នុងរយៈពេល ២ ឆ្នាំកន្លះដែលនៅសេសសល់នៃអាណត្តិប្រធានាធិបតីរបស់លោក។

ក្នុងវីដេអូនោះ បង្ហាញពីមន្ត្រីកំពុងដាក់ខ្នោះដៃលើមនុស្សជាច្រើន មុនបញ្ជូនពួកគេឡើងឡាន រួចនាំទៅកាន់មជ្ឈមណ្ឌលឃុំឃាំង។

បន្ទាប់ពី Grande បានឆ្លើយតបទៅនឹងការបង្ហោះនោះ វីដេអូក៏ត្រូវបានបិទសំឡេង ហើយមតិរបស់នាងក៏ត្រូវបានលុបចោល។ អ្នកប្រើប្រាស់ជាច្រើនបានបញ្ចេញមតិបន្តបន្ទាប់ ដោយកត់សម្គាល់ថា មតិរបស់ Grande បានបាត់ ហើយសំឡេងវីដេអូក៏ត្រូវបានបិទ។

គួរបញ្ជាក់ថា តារាសម្ដែងក្នុងរឿង “Wicked” រូបនេះ បានក្លាយជាសិល្បករម្នាក់ទៀតក្នុងចំណោមបញ្ជីសិល្បករជាច្រើនដែលបានទាមទារកុំឱ្យក្រុមការងាររបស់លោក Trump ប្រើប្រាស់តន្ត្រីរបស់ពួកគេ ដើម្បីផ្សព្វផ្សាយរបៀបវារៈគោលនយោបាយរបស់ប្រធានាធិបតីឡើយ។

កាលពីឆ្នាំមុន Sabrina Carpenter ក៏បានសរសេរថា៖ “កុំយកខ្ញុំ ឬតន្ត្រីរបស់ខ្ញុំទៅពាក់ព័ន្ធដើម្បីបម្រើរបៀបវារៈអមនុស្សធម៌របស់អ្នកឱ្យសោះ” បន្ទាប់ពីឃ្លីបវីដេអូរបស់សេតវិមានបានប្រើប្រាស់ផ្នែកខ្លះនៃបទចម្រៀង “Juno” ឆ្នាំ ២០២៤ របស់នាង ក្នុងវីដេអូបង្ហាញពីប្រតិបត្តិការរបស់ទីភ្នាក់ងារ ICE។

ក្រុម ABBA, Céline Dion និង Beyoncé ក៏ស្ថិតក្នុងចំណោមអ្នកដែលបានទទូចហាមមិនឱ្យយុទ្ធនាការរបស់លោក Trump ប្រើប្រាស់តន្ត្រីរបស់ពួកគេដែរ ក្នុងអំឡុងពេលនៃការប្រកួតប្រជែងបោះឆ្នោតឡើងវិញក្នុងឆ្នាំ ២០២៤ រួមទាំងនៅក្នុងការជួបជុំឃោសនានានាផងដែរ ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​



Leave a Reply

Your email address will not be published.Required fields are marked *