ដា ដាវ៖ រឿង «ភ្នាក់ងារ CICADA» មិនមែនគ្រាន់ជារឿងស្នេហា កំប្លុកកំប្លែង តែជារឿងឆ្លុះបញ្ចាំងពីតថភាពពិតក្នុងសង្គមដែលអ្នកមើលមិនគួររំលង

ស្របពេលរឿង «ភ្នាក់ងារ​ស៊ីកាដា» ដែលជា​រឿង​កំប្លែងបែបយុវវ័យ និយាយ​ពី​ក្រុមហ៊ុន Marketing Agency មួយ​ដែល​មាន​បុគ្គលិក ៥ នាក់ និង​ថៅកែ​វ័យ​ក្មេង​ម្នាក់​ដែល​មាន​អត្តចរិត​ផ្សេង​ៗ បានកំពុងត្រៀមចាក់បញ្ចាំងលើ​ទំព័រ​ហ្វេសប៊ុក​ផ្លូវការ AMS Infotainment និង Website AMS Infotainment នៅពេលឆាប់ៗខាងមុខ ស្រីស្អាត ដា ដាវ ដែលកំពុងល្បីល្បាញលើប្រព័ន្ធអ៊ីនធឺណិត ដូចជា បណ្តាញសង្គមហ្វេសប៊ុក និងអ៊ីនស្ត្រាក្រាម ដោយកញ្ញាក៏មានវត្តមានសម្តែងក្នុងរឿងនេះផងដែរ ដោយនាងត្រូវដើរតួសម្តែងជា បុគ្គលិកស្រីម្នាក់មានឈ្មោះថា កញ្ញា ប៊ុន កែវវាចា។

ក្នុងរឿង «ភ្នាក់ងារ CICADA» កញ្ញា ប៊ុន កែវវាចា សម្តែងដោយស្រីស្អាត ដា ដាវ គឺជាបុគ្គលិកផ្នែកទំនាក់ទំនងអតិថិជន និងជាស្រីស្អាតប្រចាំក្រុមហ៊ុន។ វាចា ធំឡើងក្នុងរង្វង់គ្រួសារដែលមានរឿងរ៉ាវច្រើន ប៉ុន្តែនាងមិនបានទោរទន់តាមអ្វីដែលក្រុមគ្រួសារនាងធ្វើនោះទេ ផ្ទុយទៅវិញនាងជាមនុស្សស្រីដែលឯករាជ្យ ម្ចាស់ការ អាចគ្រប់គ្រងខ្សែជីវិតខ្លួនឯងបាន ដោយមិនត្រូវការរស់រំពឹងបុគ្គលណាមួយឡើយ ពិសេសគឺមនុស្សប្រុសតែម្តង។

ផ្តល់កិច្ចសម្ភាសន៍ផ្តាច់មុខជាមួយអ្នកសារពត៌មានសិល្បៈ AMS កាលពីពេលថ្មីៗ ស្រីស្រស់រាងតូច្រឡើង ដា ដាវ បានប្រាប់ឱ្យដឹងថា នេះជាលើកទី១សម្រាប់កញ្ញាដែលសម្តែងប៉ះតួអង្គចរិតដូចចរិតពិតរបស់នាងស្ទើរ ១០០%បែបនេះ ខណៈរឿងកន្លងទៅដែលនាងធ្លាប់សម្តែងភាគច្រើន នាងតែងត្រូវជ្រើសជាតួអង្គស្លូតសុភាពរាបសា តែរឿងនេះពិតជាប្លែកដោយនាងអាចបញ្ចេញចរិតពិតខ្លួនឯងស្ទើរតែ ១០០% ក្នុងការសម្តែង។ 

ដា ដាវ បន្តថា នាងពិតជាពេញចិត្តខ្លាំងចំពោះអត្តចរិតតួអង្គ កញ្ញា ប៊ុន កែវវាចា ក្នុងរឿង «ភ្នាក់ងារ​ស៊ីកាដា»ព្រោះនាងបានតាំងខ្លួនជាមនុស្សស្រីឯករាជ្យ មិនចំណុះក្រោមការបង្គាប់បញ្ជានរណាម្នាក់ឡើយ ទាំងរឿងគ្រួសារ និងការងារ មិនតែប៉ុណ្ណោះ តួអង្គនេះគឺជាស្រីស្អាតក្នុងក្រុមហ៊ុន ដូច្នេះនាងតែងតែតែងខ្លួនស្រស់ស្អាតរៀងរាល់ថ្ងៃដូចអ្វីដែលកញ្ញាធ្វើក្នុងសកម្មភាពរបស់នៅប្រចាំថ្ងៃ។ ចំណុចពិសេសមួយដែល ដា ដាវ ចាំមិនភ្លេចពីការសម្តែងតួអង្គ កញ្ញា ប៊ុន កែវវាចា គឺត្រង់ឈុតឆាកពេលបើកក្បាលដែល វាចា បានពោលឡើងថា «នាងរស់ដោយមិនចាំបាច់ពឹងប្រុសណាមកចិញ្ចឹម» ដែលឃ្លាប្រយោគនេះ គឺដូចនិងនិយមន័យរបស់កញ្ញាក្នុងជីវិតពិតតែម្តង។

ដា ដាវ៖ «ចំណុចល្អរបស់តួអង្គកញ្ញា ប៊ុន កែវវាចា ដែលមនុស្សស្រីគ្រប់រូបគួរយកជាគំរូនោះគឺ មានភាពជាម្ចាស់ការលើខ្លួនឯង មានភាពឯករាជ្យលើខ្លួនឯង។ ឃ្លាដំបូងដែលនាងពោលពេលចេញបើកក្បាលឆាក គឺ «នាងរស់ដោយមិនចាំបាច់ពឹងប្រុសណាមកចិញ្ចឹម» ខ្ញុំស្រលាញ់មួយម៉ាត់នេះមែនទែន! និយមន័យនេះហើយ គឺនិយមន័យរបស់ខ្លួនតែម្តង តាំងពីដើមមកខ្ញុំប្រាប់ខ្លួនឯងថា ជីវិតខ្ញុំ ខ្ញុំមិនត្រូវពឹងពាក់នរណាគេទេ ខ្ញុំចាយលុយខ្លួនឯងខ្ញុំសប្បាយចិត្តជាងចាយលុយអ្នកដទៃ ចឹងហើយ! ខ្ញុំស្រលាញ់គាត់ចំនុចមួយនេះ។» យ៉ាងណាមិញ តួអង្គ វាចា ក៏មានចំណុចមិនល្អដូចគ្នាដែរ ដូច្នេះចំណុចណាល្អអ្នកមើលអាចយកជាគំរូ តែចំណុចណាមិនល្អក៏ពុំគួរយកនិងធ្វើត្រាប់តាមនោះឡើយ។

បន្ទាប់ពីបានសម្តែងរឿងនេះ ដា ដាវ ថា នាងរៀនសូត្របានមេរៀនជាច្រើនពីសាច់រឿងនេះ តួយ៉ាងគឺចំណុចរឹងរូស មិនសូវស្តាប់គំនិតយោបល់អ្នកដទៃ ឬស្តាប់ដែរតែមិនដែលបានយកមកអនុវត្តតាម។ យ៉ាងណា ក្រោយសម្តែងរឿងនេះធ្វើឱ្យ ដា ដាវ ងាកមកគិតឡើងវិញថា ពេលខ្លះការស្តាប់យោបល់មនុស្សជុំវិញខ្លួន និងក្រុមគ្រួសារក៏ជារឿងល្អ ស្តាប់ហើយត្រង់ណាល្អក៏ធ្វើ ត្រង់ណាមិនល្អក៏ពុំចាំបាច់ធ្វើនោះទេ។

ដា ដាវ តារាស្រីកំពុងស្រូបទាញបានប្រជាប្រិយភាពយ៉ាងខ្លាំងក្លាពីមហាជន ពិសេសយុវវ័យតាមរយៈស្ទីល ការរៀបចំតុបតែងខ្លួនយ៉ាងស៊ីវិស័យនេះ ផ្តាំឱ្យហ្វេនៗទស្សនារឿងនេះកុំបីខាន ព្រោះរឿង «ភ្នាក់ងារ CICADA»មិនមែនគ្រាន់ជារឿងស្នេហា កំប្លុកកំប្លែង តែជារឿងឆ្លុះបញ្ចាំងពីតថភាពពិតក្នុងសង្គមដែលអ្នកមើលមិនគួររំលង។

ដា ដាវ៖ «មូលហេតុដែលអ្នកទាំងអស់គ្នាគួរមើលរឿង រឿង «ភ្នាក់ងារ CICADA» នេះ ដោយសាររឿងនេះមិនមែនគ្រាន់ជារឿងស្នេហា ឬរឿងកំប្លុកកំប្លែង ឱ្យអ្នកមើលកម្សាន្តអារម្មណ៍សប្បាយមួយពេល អត់មានអត្ថន័យនោះទេ No! គឺរឿងនេះមានផ្តល់ឱ្យទាំងការកម្សាន្ត មនោសញ្ចេតនាដែលឆ្លុះបញ្ចាំងទៅនឹងសង្គមរបស់យើងពិតៗតែម្តង។ ខ្ញុំសរសើរដល់អ្នកសរសេរសាច់រឿង ដែលយកជីវិតពិតគាត់មកសរសេរតែម្តង ដែលប៉ារ៉ូលរឿងដែលខ្ញុំអានហើយ គឺចាក់ចិត្តខ្ញុំសាហាវខ្លាំងមែនទែនម៉ង»។

កុំភ្លេចរង់ចាំតាមដានទស្សនារឿង «ភ្នាក់ងារ CICADA» ​លើទំព័រ​ហ្វេសប៊ុក​ផ្លូវការ AMS Infotainment និង Website AMS Infotainment រៀងរាល់​ថ្ងៃ​អាទិត្យ វេលា​ម៉ោង ០៨ និង ៣០ នាទី៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​