ឆាយ បូរ៉ា និងចាងហ្វាង Wonder Film សម្រេចចិត្ត បញ្ឆេះម៉ាស៊ីនសមាគមភាពយន្តកម្ពុជាឡើងវិញ

ក្រោយមើលឃើញថា កៅអីប្រធានសមាគមភាពយន្តកម្ពុជា ហាក់នៅទំនេរគ្មានអ្នកចូលមកដឹកនាំអស់រយៈពេលប្រមាណជាង ៣ ឆ្នាំ អតីតប្រធានសមាគមភាពយន្តកម្ពុជា និងជាម្ចាស់ផលិតកម្ម ដើមត្នោត (PALM FILM) លោក ឆាយ បូរ៉ា បានចេញមកបង្ហោះសារត្អូញត្អែរអំពីឧស្សាហកម្មភាពយន្តខ្មែរ ខណៈផលិតកម្មចាស់ៗបាត់មុខបណ្តើរៗព្រោះការខាតបង់ ផលិតកម្មថ្មីកកើតច្រើនក្នុងទស្សនៈថា ភាពយន្តជាមុខរបរងាយៗ រកលុយស្រួល ស្របពេលលំហូរភាពយន្តបរទេសដូចទឹកបាក់ទំនប់ចូលមកក្នុងទីផ្សារកម្ពុជា។

ទន្ទឹមនឹងការរៀបរាប់រឿងរ៉ាវដែលបាននឹងកំពុងកើតឡើងក្នុងវិស័យភាពយន្តកម្ពុជា ​អ្នកនិពន្ធ​ ​និង​ជា​អ្នក​ដឹកនាំ​រឿង «ឃ្លាត​ទៅ​សែន​ឆ្ងាយ»​ ក៏បានទម្លាយដំណឹងរីករាយមួយ នោះគឺលោក និងចាងហ្វាងផលិតកម្ម Wonder Film លោក សែម វិសាល បានសម្រេចចិត្តរួចហើយថា នឹងត្រូវធ្វើឱ្យសមាគមភាពយន្តដំណើរការឡើងវិញ ហើយប្តេជ្ញា ធ្វើឱ្យបានល្អសម្រាប់លើកស្ទួយវិស័យនេះមិនឱ្យដួលរលំ។

លោក ឆាយ បូរ៉ា អតីតប្រធានសមាគមភាពយន្តកម្ពុជា បានបង្ហោះលើគណនីផ្លូវការលោកថា «ក្រោយការចាកចេញពីប្រធានសមាគមភាពយន្ត អស់រយៈកាល ជាង៣ឆ្នាំ សមាគមភាពយន្ត ហាក់នៅទំនេរ គ្មានអ្នកចូលមកដឹកនាំបន្ត។ សមាគម ស្ថិតកនៅក្នុងសភាពទំនេរ មិនមានសកម្មភាព រីឯងវិស័យភាពយន្ត រសាត់អណ្តែត គ្មានកោះត្រើយ ម្តងក៏ថ្កុំថ្កើង ម្តងក៏ដុនដាប។ ផលិតកម្ម ចាស់ក៏បាត់មុខបន្តើរៗ ព្រោះការខាត់បង់។ ផលិតកម្មថ្មីក៏កើតមានច្រើន ហើយគិតថា ភាពយន្តជាមុខរបរងាយៗ រកលុយស្រួល ឆ្នៃថ្ម ថាជាពេជ្រ ឃើញ ពេជ្រ ថា ជាដុំថ្ម រកទិសតំបន់មិនឃើញ។ភាពយន្តបរទេស ហូរ ចូល ដូចសាច់ជ្រូក ក្លាសេ នាំចូល រកតែចន្លោះដាក់រឿង ខ្មែរ សឹងមិនបាន។

អ្នកមានសិទ្ឋិអំណាច ក៏មិនហ៊ាន ហាមាត់ថា ឬ ថាដែរ បានត្រឹមពាក្យថា÷ គេធ្វើអីក៏ ធ្វើទៅ ព្រោះជាទីផ្សារសេរីsic។ គេជាក្រុមហ៊ុនឯកជន ទុកអោយគេដោះស្រាយគ្នាគេទៅ sic។ ក្រសួងដែលជាអនាព្យាបាល វិស័យភាពយន្ត ខុសពីក្រសួងដ៏ទៃ ព្រោះទុកអោយ ផលិតកម្មភាពយន្ត ហែលឆ្លង មហាសមុទ្រដោយខ្លួនឯង។ និយាយប៉ុណ្ណេះសិនចុះ តែខ្ញុំ និងប្អូន វិសាល បានសម្រេចចិត្តរួចហើយ យើងនឹង ត្រូវធ្វើអោយសមាគមភាពយន្ត តំណើរការឡើងវិញ ហើយ យើងប្តេជ្ញា និងធ្វើអោយបានល្អ សម្រាប់លើកស្ទួយវិស័យនេះ មិនអោយដួលរលំ ហើយ រាល់គំនិតអវិជ្ជមានទាំងឡាយណា ចំពោះ តំណើរទៅមុខនេះ សូមដេកសម្រាកសិនចុះ ឈប់មករំខាន និងបង្កជាឧបស័គ្គ។ អរគុណ»។

បន្ទាប់ពីបានឃើញការរៀបរាប់យ៉ាងដូច្នេះរបស់អតីតប្រធានសមាគមភាពយន្តកម្ពុជា ឆាយ បូរ៉ា បុគ្គលពាក់ព័ន្ធវិស័យភាពយន្តនៅកម្ពុជា រួមទាំងសិល្បករ-សិល្បការិនី បានសម្តែងការត្រេកអរ និងបានបញ្ចេញមតិគាំទ្រលើការសម្រេចចិត្តនេះផងដែរ។

គួររម្លឹកផងដែរថា លោក​ ​ឆាយ បូរ៉ា​ ​ត្រូវ​បាន​បោះឆ្នោត​ឲ្យ​ធ្វើ​ជា​ប្រធាន​ដឹកនាំ​សមាគម​ភាពយន្ត​​តាំង​ពី​ឆ្នាំ​ ២០១៥​។ បន្ទាប់​ពី​ដឹកនាំ​សមាគម​ភាពយន្ត​កម្ពុជា​អស់​រយៈពេល​ជាង ​៣​ ឆ្នាំ​ ​​ប្រធាន​សមាគម​ដែល​បាន​ផលិត​ខ្សែ​ភាពយន្ត​រហូត​មាន​ភាព​ល្បីល្បាញ​ ​និង​បាន​ចូល​រួម​ប្រកួត​ប្រជែង​រង្វាន់​អូស្ការរូបនេះ បាន​សម្រេចចិត្ត​លាលែង​ចេញពី​តំណែង​​ទាំង​ពាក់​កណ្តាល​អាណត្តិ​ ​ដោយ​មូលហេតុ​ថា​ វិស័យ​ភាពយន្ត​ខ្វះ​ការ​គាំទ្រ។

តាមដែលគេចាំបាន អំឡុងពេល លោក ឆាយ បូរ៉ា កាន់តំណែងជាប្រធានសមាគមភាពយន្ត លោកតែងតែលើកឡើង​ពី​បញ្ហា​ពាក់ព័ន្ធ​​ស្ថានភាព​វិស័យ​ភាពយន្ត​នៅ​កម្ពុជា​ ​ពិសេសការ​តស៊ូ​មតិ​របស់​លោក​ជាមួយ​ស្ថាប័ន​ពាក់ព័ន្ធ​ដើម្បី​ពង្រឹង​គុណភាព​ ​ឆ្ពោះទៅការពង្រីក​ទីផ្សារ​ភាពយន្ត​នៅ​កម្ពុជា​ និង​ការ​ស្នើ​ឲ្យ​ពន្យារ​ពេល​ការ​ប្រមូល​ពន្ធ​លើ​ការ​ផលិត​ខ្សែ​ភាពយន្ត​ជាដើម​ ​ក្នុងន័យ​ការ​ជំរុញ​ឲ្យ​វិស័យ​ភាពយន្ត​នៅ​កម្ពុជា​មាន​ភាព​ប្រសើរ​ឡើង​។

ក្រោយចុះចេញពីតំណែងនេះ លោក ឆាយ បូរ៉ា មិនបានចាកឆ្ងាយទៅណាទេ លោកនៅតែក្រាញ់ននាលក្នុងវិស័យភាពយន្ត ប៉ុន្តែក្នុងនាមជាផលិតករ និងជាចាងហ្វាងផលិតកម្មវិញម្តង។ ជាញឹកញាប់លោកតែងផ្តល់កិច្ចសម្ភាសន៍ និងចែករំលែកបទពិសោធន៍ក្នុងការផលិតភាព ថែមទាំងចូលរួមវែកញែកអំពីគ្រប់បញ្ហាក្នុងវិស័យភាពយន្តខ្មែរយើងទៀតផង ទើបតែពេលនេះដែលលោកចេញមកប្រកាសដំណឹងល្អ ដែលលោក និងចាងហ្វាងផលិតកម្ម Wonder Film សម្រេចចិត្តបញ្ឆេះម៉ាស៊ីនសមាគមភាពយន្តឡើងវិញ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។