បទចម្រៀង «សម័យមីនី» របស់តារាចម្រៀងជើងចាស់លោក ជា សាវឿន និងរាជិនីសំឡេងមាស រស់ សេរីសុទ្ធា ត្រូវបានយកមកកែច្នៃជាចម្រៀងបែបហ៊ីបហបជាមួយរសជាតិបែបសម័យថ្មី ដោយតារាកំពូលតារារ៉េប វណ្ណដា។


កាលពីយប់មិញ វណ្ណដា បានទម្លាក់ចម្រៀងថ្មីមួយបទក្រោមចំណងជើងថា «អាមុំបងអើយ» ដែលជាសូរសៀងសំនៀងដើមរបស់តារាចម្រៀងជើងចាស់ ជា សាវឿន និងរាជិនីសំឡេងមាស រស់ សេរីសុទ្ធា។ បទថ្មីរបស់តារាវ័យ ២៧ ឆ្នាំ រូបនេះហាក់ទទួលបានគាំទ្រខ្លាំង ក៏ព្រោះសាច់ទាំងមូលនៃបទចម្រៀងបានយកតាមលំនាំនៃបទចាស់មកកែច្នៃសាច់ភ្លេងជាបទបែបហ៊ីបហប និងបញ្ចូលការរ៉េបបន្ថែមដែលធ្វើឱ្យបទ «អាមុំបងអើយ» កាន់តែមានឱជារស និងទាក់ទាញក្នុងស្រទាប់យុវវ័យសម័យថ្មី។ នៅក្នុងបទចម្រៀងបែប Hip-Hop លាយបញ្ចូល សម័យនេះដែរ ត្រូវបានហ្វេនៗពោលសរសើរ និងស្រលាញ់ពេញចិត្តចំពោះបទនេះខ្លាំងៗ ខណៈកំពូលតារារ៉េបរូបនេះ ត្រូវបានសម្ដែងជា ពូដា លក់សាច់កាប់ ដែលធ្លាក់ក្នុងអន្លង់ស្នេហ៍របស់ អាមុំ (សម្ដែងដោយ សុគា គីមលាង ហៅ Kon Ant) ។
«អាមុំបងអើយ» ទើបទម្លាក់បានជាង ១០ ម៉ោងប៉ុណ្ណោះគិតត្រឹមម៉ោង១១៖៣០ ព្រឹកថ្ងៃ ១៣ ខែវិច្ឆិកា ឆ្នាំ ២០២៤ តែបានហក់មកកាន់លេខ ២ ជាបទមានការពេញនិយមខ្លាំងនៅលើ YouTube ហើយបទចម្រៀង ម៉ាន់ វណ្ណដា មួយទៀត «NOBODY BUT US» នៅលំដាប់ទី៦ On Trending for music។




បទ «អាមុំបងអើយ» ត្រូវបានផលិតករ រិទ្ធី លំអងពេជ្រ (aka YoKi) ឱ្យដឹងបន្ថែមថា ជាចម្រៀងបែប Hip-Hop រំលេចរូបភាពបែបកំប្លែងៗ ដែលអាចឱ្យអ្នកទស្សនាត្រឡប់ទៅកាលអំឡុងឆ្នាំ ២០០០៕
ទស្សនា «អាមុំបងអើយ» By Vann Da























Account
Security
Favourite Content