២យ៉ាង ធ្វើឱ្យកំពូលតារាសម្តែងជើងចាស់ អម្ពរ ទេវី ពុះជ្រៀកពេលវេលាហោះមកខ្មែរថតរឿង «អប្សរា​មហាអង្គរ»​

មហាជនកាន់តែជំនឿចិត្តថា ខ្សែ​ភាពយន្ត​ភាគ​ខ្នាត​ធំ​រឿង «​អប្សរា​មហាអង្គរ»​ ដែល​ផលិត​ដោយ​ផលិតកម្ម​ ហង្សមាស​ ក្រោមការដឹកនាំរបស់លោក ហ្វៃ សំអាង អ្នកដឹកនាំរឿងជើងចាស់ពោរពេញដោយបទពិសោធន៍ នឹងកាន់តែល្អមើល ហើយជក់ចិត្តដិតអារម្មណ៍ បន្ទាប់ពីបានឃើញតួអង្គសម្តែងក្នុងរឿងនេះ ដែលលោកបើកបង្ហាញម្តងម្នាក់ៗ។

តួយ៉ាង ប៉ុន្មានថ្ងៃមុននេះ អ្នកដឹកនាំរឿងជើងចាស់នេះ បានបើកបង្ហាញសមាសភាពបវរកញ្ញា ៥រូបដែលត្រូវសម្តែងក្នុងរឿងខ្នាតធំនេះ ដោយអ្នកទាំង៥ មិនត្រឹមតែមានរូបសម្រស់ស្រស់សោភា និងមានសមត្ថភាពទេពកោល្យការសម្តែងប៉ុណ្ណោះ ថែមទាំងមានបទពិសោធន៍ការសម្តែងរៀងៗខ្លួនថែមទៀតផង រហូតអ្នកគាំទ្រពោលថាចង់មើលរឿងនេះឆាប់ៗ។

តាមការសន្យាជាមួយអ្នកគាំទ្រ ថ្ងៃនេះ លោក ហ្វៃ សំអាង បានបើកបង្ហាញតួអង្គសំខាន់ៗ៣នាក់ទៀតដែលនឹងរួមសម្តែងក្នុងរឿងនេះ រួមមាន តារាសម្តែងសាច់សខ្ចី លី ម៉ារីណា តារាភាពយន្តចាស់វស្សា លោក ទេព រិនដារ៉ូ និងតារាសម្តែងស្រីដ៏ល្បីអំឡុងទសវត្សឆ្នាំ ៨០ និង៩០ អ្នកស្រី អម្ពរ ទេវី។

ដោយក្នុងនោះ តារាសម្តែងឆ្នើម អម្ពរ ទេវី និងដៃគូចាស់លោក ទេព រិន្ទដារ៉ូ នឹងត្រូវសម្តែងប៉ះគ្នាម្តងទៀត ដោយ​អមមកជាមួយឈុតឆាកស្នេហា​ ផ្អែមល្ហែម​ ល្វីង​ជូរចត់​ និយាយ​រួម​ទៅ​គឺ​មាន​គ្រប់​រសជាតិ​ដើម្បី​ផ្តាំចាស់​នៅលើ​មាគ៌ាសិល្ប:ភាពយន្តនេះ។ យោងតាមការប្រកាសរបស់ លោក ហ្វៃ សំអាង អ្នកស្រី អម្ពរ ទេវី​ ត្រូវសម្តែងជា​តួអង្គ​ ព្រះនាម​ អ្នក​អង្គ​ម្ចាស់ស្ត្រី​ កាមល​ ជារាជ​នាដកាអប្សរា​ ជា​រាជគ្រូបង្ហាត់បង្ហា​ញព្រះ​កេរមរតក​ដ៏​មហា​អស្ចារ្យ​របស់​ជាតិ​ខ្មែរ​។ ចំណែក លោក ទេព​ រិនដារ៉ូ​ ជា​តួអង្គបណ្ឌិតអក្សរសាស្ត្រ​ ឈ្មោះ​ ខីណាព្រាហ្ម​ណ៍​។ 

រាជនាដកាអប្សរា​ លង់ព្រះហឫទ័យស្នេហ៍​ស្និទ្ធ​បណ្ឌិត​អក្សរ​សាស្ត្រ​ នៅ​រៀងរាល់​យប់​ថ្ងៃ​១៥កើត​ខែ​ពេញ​បូរណ៍មី​ អ្នក​អង្គ​ម្ចាស់ស្ត្រី​ កាមល​តែងតែ​យាងមក​ទ្រង់​ព្រះ​សណ្តាប់​រឿងនិទានបេះដូងរបស់​បណ្ឌិត​ ខីណាព្រាហ្ម​ណ៍​ ធ្វើ​ឲ្យ​នាង​ បារមី​ ដែល​ជា​នាដកាប្សរា​ដែល​ មាន​ចិត្ត​ច្រណែន​ និន្ទា​ឈ្នានីស​ព្រោះ​តែ​បេះដូង​របស់​នាង​បាន​ធ្លាក់​ចូល​ទៅ​ក្នុង​ជ្រោះ​ស្នេហ៍​របស់​បណ្ឌិត​អក្សរ​សាស្ត្រ​នោះដោយដកមិនរួច។ សង្គ្រាម​បេះដូង​ក៏​បាន​ផ្ទុះ​ឡើងពេញផ្ទៃរឿង​ ទាំង​មូល​។ តួ​អង្គ ​នាងបារមី ត្រូវបានធ្លាក់ទៅលើតារាសម្តែង​ លី​ ម៉ារីណា​ជា​អ្នក​គ្រង​ តែមកលើកនេះត្រូវ​អ្នក​ដឹក​នាំ​សម្ដែង​ផ្លាស់ប្ដូរ​រសជាតិ​​សម្តែង​របស់​គាត់​ដែល​​បងប្អូន​មិនធ្លាប់​បាន​ឃើញ​គាត់​សម្ដែង​បែបនេះពី​មុន​មក​ទេ​។ រង់ចាំ​តាមដាន​តារា​ទាំង​បី​ដួងនៅលើថ្នាល​ស្នេហា​ត្រីកោណ​ លោក​អ្នក​នឹង​មាន​អារម្មណ៍​ ស្រលាញ់​ ស្អប់​ ក្នាញ់​ ខឹង​ លន្លង់លន្លោច​ទៅ​តាម​ផ្ទៃ​រឿង​។

បន្ទាប់ឃើញការប្រកាសនេះ តារាសម្តែងស្រីដ៏ល្បីអំឡុងទសវត្សឆ្នាំ ៨០ និង៩០ ក៏បានបង្ហាញអារម្មណ៍រំភើបចិត្តនៅពេលដែលឃើញបង​ប្អូន​នៅតែ​ស្រឡាញ់​គាំទ្រ​ការ​សម្ដែង​របស់​ខ្លួន​​ និងដៃគូលោក ទេព​ រិនដារ៉ូ​។ 

ថ្វី​ត្បិត​តែជាប់រវល់ការងារផ្ទាល់ខ្លួន​ រវល់ជាមួយក្រុមគ្រួសារនៅសហរដ្ឋអាមេរិកយ៉ាងណាក៏ដោយ​ ក៏អ្នក​នាងត្រូវ​ពុះជ្រៀកពេលវេលាហោះមកថតរឿងនេះនៅស្រុកខ្មែរ​ បន្ទាប់​ពី​លោក ហ្វៃ​ សំអាង​ ទូរសព្ទ័​រៀប​រាប់​ពី​សាច់​រឿង​ និង​តួអង្គ​ដែល​នាង​ខ្ញុំ​ត្រូវ​សម្ដែង។ ក្នុងនោះមាន ២ចំណុចធំៗ ធ្វើឱ្យអ្នកស្រីសុខចិត្តពុះជ្រែកពេលវេលាហោះមកខ្មែរ ដើម្បីថតរឿងនេះ៖ ទី១ ​គឺ​ស្រឡាញ់​សាច់​រឿង​ល្អ​ប្លែក​ មាន​ទាំង​អត្ថន័យ​ អត្ថរស​ បង្កប់រសជាតិនិយម​ , ទី២ ជាសម័យ​កាលបុរាណ​ ដែល​មិនធ្លាប់មានផលិតករណាផលិតឡើយ​។

នេះសរបញ្ជាក់ឱ្យឃើញថា មិនយូរទៀតនោះទេទស្សនិកជន នឹងបានទស្សនាស្នាដៃភាពយន្តថ្មីរបស់ កំពូលតារាសម្តែងជើងចាស់ អម្ពរ ទេវី បន្ទាប់ពីអ្នកស្រីដកខ្លួនពីវិស័យភាពយន្តខ្មែរ ហើយទៅរស់នៅជុំគ្រួសារនៅសហរដ្ឋអាមេរិក។

គួររំលឹកថា នៅចុងទសវត្សរ៍ឆ្នាំ៨០ និងក្នុងទសវត្សរ៍ឆ្នាំ៩០ ស្នាដៃសម្តែងខ្សែភាពយន្តរបស់ អ្នកស្រី អម្ពរ ទេវី បានសម្ដែងមិនតិចជាង១០០រឿងនោះទេ ដោយរឿងល្បីៗរួមមាន រឿង «សម្ដីចុងក្រោយ» រឿង «ឆ្អឹងអណ្ដែត» រឿង «ចុងស្រល់» និងរឿង «ជើងមេឃដាច់ស្រយាល»ជាដើម។ កាលពីប៉ុន្មានឆ្នាំមុន អ្នកស្រីក៏បានហោះមកស្រុកខ្មែរ ដើម្បីថតរឿង «ទឹកចិត្តម្តាយសម័យថ្មី» ជាស្នាដៃតែងនិពន្ធ និងដឹកនាំរឿងរបស់ អ្នកស្រី​ ពាន់ ភួងបុប្ផា ដែលរឿងនោះក៏ផ្ទុះការគាំទ្រយ៉ាងខ្លាំងក្លាពីទស្សនិកជន៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​