៤៦ឈុតច្នៃពីប្លាស្ទិក ក្នុងព្រឹត្តិការណ៍​បង្ហាញម៉ូដដ៏ធំប្រចាំឆ្នាំ«យាត្រា​០២»ធ្វើឱ្យអ្នកទស្សនាស្រឡាំងកាំង

ក្រុម «ឡាឈូក» ឬ «La CHHOUK Recycled and Creative Fashion» កាលពីចុងសប្តាហ៍ បានរៀបចំព្រឹត្តិការណ៍បង្ហាញម៉ូដសម្លៀកបំពាក់កែច្នៃដ៏ធំបំផុតប្រចាំឆ្នាំ «យាត្រា​០២» នៅបរិវេណ Factory Phnom Penh ក្រោយខកខានការរៀបចំអស់ប្រមាណជិត១ឆ្នាំ ដោយសារការរាតត្បាតជំងឺកូវីដ១៩នៅកម្ពុជា។

«យាត្រា០២»គឺជាកម្មវិធីបង្ហាញម៉ូដសម្លៀកបំពាក់កែច្នៃដ៏ធំនិងដំបូងគេបំផុតនៅកម្ពុជារបស់ក្រុមឡាឈូក (Lachhouk Recycled and Creative Fashion) ក្នុងគោលបំណង​បង្ហាញ ក៏ដូចជា​លើកទឹកចិត្ត​ដល់​មហាជន ឱ្យយល់ដឹង​ពី​ផលវិបាក​សំរាម​ប្លា​ស្ទិ​ក​មកលើ​បរិស្ថាន ព្រមទាំង​ការកាត់បន្ថយ និង​ការប្រើប្រាស់​ឡើងវិញ​តាមរយៈ​កម្មវិធី​បង្ហាញ​ម៉ូដ​នេះ​។​

ព្រឹត្តិការណ៍បង្ហាញម៉ូដដ៏ធំមួយនេះ បាននាំ​យកនូវឈុត​បង្ហាញ​សម្លៀកបំពាក់​កែច្នៃថ្មីមិនធ្លាប់​មានពីមុនមកចំនួន ៤៦ឈុត បែកចែកជា៤ក្រុម មកដើរ​បង្ហាញជូន​សាធារណជនបានទស្សនា។

ក្រុមសម្លៀកបំពាក់ទីមួយមានឈ្មោះថា “បំពង់”ជាក្រុម​សម្លៀកបំពាក់​ដែលរចនាឡើង​តាមលំនាំ “អាវបំពង់”និង រចនាបទផ្សេង​ទៀតរបស់ខ្មែរ​នាសម័យ​លង្វែកដែល​មានដូច​ជា​រចនាបទ “ពុម្ពក្រឡា”ជាដើម។

ក្រុមសម្លៀកបំពាក់ទីពីរមានឈ្មោះថា “ឌី សៀក”ជាក្រុម​ឈុតមួយ​ដែលរចនាឡើង​ដោយផ្អែកលើ concept ត្លុក សៀក និន្នាការម៉ូតបរទេស Memphis style និង​ការប្រើប្រាស់ពណ៌បែបឆើតឆាយដូចជា ក្រហម និង លឿង និងការបង្ហាញពីភាពកំប្លុកកំប្លែង ត្លុក​ និងការតែងខ្លួនបែបបំផ្លើស។

ក្រុមសម្លៀកបំពាក់ទីបីមានឈ្មោះថា “ជំនឿ និងការសម្លាប់”។ ក្រុមសម្លៀកបំពាក់នេះ ត្រូវបានរចនាឡើងជាពិសេសដោយឆ្លុះបញ្ចាំងពីផ្នត់គំនិតរបស់ខ្មែរទាក់ទងនឹងការសម្លាប់ដែលមាននៅក្នុងរឿងតំណាលផ្សេងៗគ្នាដែលមានជាយូរលង់ណាស់មកហើយ តាមរយៈការប្រើប្រាស់ពណ៌ និងទម្រង់ខុសប្រក្រតី។

ក្រុមសម្លៀកបំពាក់ចុងក្រោយត្រូវបានរចនាឡើងដោយយកលំនាំតាមសិល្បៈបារាំងឈ្មោះ “Burlesque”ហើយគោលបំណងសម្លៀកបំពាក់នេះចង់បង្ហាញពីភាពស៊ីវីល័យ ឡូយឆាយ ជាពិសេសសេរីភាពនៃការស្លៀកពាក់ក្នុងជីវភាពរស់នៅប្រចាំថ្ងៃ។ 

សំឡេងទះដៃរបស់អ្នកចូលរួម បានបន្លឺ​ឡើងជាបន្តបន្ទាប់​ធ្វើឱ្យព្រឹត្តិការណ៍បង្ហាញ​ម៉ូដសម្លៀកបំពាក់កែច្នៃដ៏ធំបំផុតប្រចាំឆ្នាំ «យាត្រា​០២» កាន់តែមានភាពអស្ចារ្យ ជា​ពិសេស​ឈុតសម្លៀកបំពាក់ច្នៃពីកាកសំណល់គ្រឿងប្លាស្ទិកទាំង៤៦ឈុតនោះតែម្តង។ ម្នាក់ៗបានពោលសរសើរគំនិតកម្មវិធី«យាត្រា​០២» មិនដាច់ពី​មាត់ថាពិត​ជាប្លែកមិនធ្លាប់មានពីមុនមក ដោយពីមួយវគ្គទៅ១វគ្គ ឡាឈូក បានបញ្ចូល​គំនិតច្នៃ​ប្រឌិតថ្មីប្លែក និងខុសៗជាច្រើនទម្រង់។

គួរ​រំឭក​ផងដែរ​ថា ក្រុម «ឡាឈូក» ត្រូវបាន​បង្កើតឡើង​ដោយ​ក្រុមនិស្សិត នៃ​សាកលវិទ្យាល័យ​​ភូមិន្ទ​វិចិត្រសិល្បៈ ក្នុង​បំណង​ថែរក្សា និង​ការស្ដារ​បរិស្ថាន​ឡើងវិញ​,គាំទ្រ​ការប្រើប្រាស់​ឡើងវិញ និង​និរន្ត​ភាព​, គាំទ្រ​សហគមន៍​អ្នក​ស្រលាញ់​ភេទ​ដូចគ្នា​, ផ្សព្វផ្សាយ​ពី​ឧស្សាហកម្ម​សម្លៀកបំពាក់ និង​ផ្សព្វផ្សាយ​សិល្បៈ​កម្ពុជា​។ 

ក្រុម​នេះ ធ្លាប់​បានរៀបចំ​កម្មវិធី​បង្ហាញ​ម៉ូដ​យាត្រា​នេះ ម្តង​រួចមកហើយក្នុង​ឆ្នាំ​២០១៩ ដោយ​កាលណោះ​មាន​អ្នកចូលរួម​ប្រមាណ​៤០០​នាក់​។

ដោយឡែក ថវិកាទទួលបានពីការលក់សំបុត្រឆ្នាំនេះ ក្រុម «ឡាឈូក» នឹង​បែងចែកយក​ទៅឧបត្ថម្ភការ​ជីកអណ្ដូង​ទឹកដើម្បីជួយ​ដល់ប្រជាជនដែលជួប​ប្រទះការខ្វះខាតទឹកប្រើប្រាស់នៅក្នុងខេត្តភូមិពូត្រុំ សង្កាត់រមនា ក្រុងសែនមនោរម្យ ខេត្តមណ្ឌលគិរី។ 

តាមការ​ឱ្យដឹងពីលោក អ៊ិត សុវណ្ណារាជ ស្ថាបនិកក្រុម «ឡាឈូក» ព្រឹត្តិការណ៍​បង្ហាញម៉ូដសម្លៀកបំពាក់កែច្នៃដ៏ធំបំផុតប្រចាំឆ្នាំនេះ នឹងវិល​ត្រឡប់មកវិញ​ម្តងទៀតនៅឆ្នាំក្រោយ ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។

ពីកិច្ចប្រជុំហ្វ្រង់កូហ្វូនីដល់ទឹកដីអង្គរ៖ ដំណើរទស្សនកិច្ចរបស់ប្រធានាធិបតីបារាំង Macron ផ្សារភ្ជាប់វប្បធម៌ និងទេសចរណ៍កម្ពុជា

ក្នុងកំលុងពេលកិច្ចប្រជុំកំពូលហ្វ្រង់កូហ្វូនីលើកទី២០ ដែលកម្ពុជាធ្វើជាម្ចាស់ផ្ទះកាលពីថ្ងៃទី១៤ ដល់ទី១៦ ខែវិច្ឆិកា ឆ្នាំ២០២៦ វត្តមានរបស់ឯកឧត្តម Emmanuel Macron

មកទស្សនកិច្ចកម្ពុជា ២ យប់ ៣ ថ្ងៃ ភរិយាប្រធានាធិបតីបារាំង លោកស្រី ប្រ៊ីហ្ស៊ីត ម៉ាក្រុង បានទៅ​ទីកន្លែងសំខាន់ៗទាំងនេះ

នៅ​ក្នុង​ដំណើរ​ទស្សនកិច្ច​ផ្លូវរដ្ឋ ឬ​ដំណើរ​ទស្សនកិច្ច​ផ្លូវការ​នៅ​ក្រៅ​ប្រទេស​ម្ដង​ៗ ភរិយា​ថ្នាក់ដឹកនាំ​ដើរ​តួនាទី​យ៉ាង​សំខាន់​ក្នុង​ផ្នែក «ការទូតទន់ភ្លន់» (So

មក​ស្គាល់ «បិតា​ស្ថាបនិក» ឆ្នើម​ទាំង ៤ នៃ​អង្គការ​អន្តរជាតិហ្វ្រង់កូហ្វូនី

កូន​ខ្មែរ​ត្រូវ​ចាំ! ព្រះករុណាព្រះបាទសម្តេចព្រះ នរោត្តម សីហនុ ព្រះមហាវីរក្សត្រ ព្រះវររាជបិតា ឯករាជ្យ បូរណភាពទឹកដី និងឯកភាពជាតិខ្មែរ «ព្រះបរមរតនកោដ្ឋ» គឺជា​ឥស្សរ

កំពូលតារាហូលីវូដ Angelina Jolie មកដល់ខ្មែរ មិនរំលង​​ផ្សារ​ទួលទំពូង ព្រោះសម្បូរវត្ថុ​អនុស្សាវរីយ៍​

កាលពី​ថ្មីៗ​នេះ​កំពូល​តារា​ហូលីវូដ Angelina Jolie បាន​បង្ហាញ​វត្តមាន​លើ​ទឹកដី​កម្ពុជា​ដែល ជា​ផ្ទះ​របស់​អ្នកនាង។ ក្រៅ​ពី​បាន​ទៅ​ទស្សនា​ពិព័រណ៍​អចិន្ត្រៃយ៍​របស់​

សិល្បករខ្មែរ ទទួលបានកិត្តិយស ថតរូបជាអនុស្សាវរីយ៍ជាមួយ ប្រធានាធិបតីបារាំង និងស្រ្តីទី១

កាល​ពី​រាត្រី​ថ្ងៃ ១៥ ខែ​វិច្ឆិកា ឆ្នាំ ២០២៦ សិល្បករ​ខ្មែរ​ទាំង​សម័យ និង​បុរាណ​ច្រើន​រូប​បាន​សម្ដែង​ជូន​ឱកាស​ប្រធានាធិបតី​បារាំង លោក Emmanuel Macron និង​លោក​ស្រ

ប្រជាជនកម្ពុជារួមស្មារតីខ្មែរតែ១ ស្វាគមន៍ពិភពលោកមកកាន់ទឹកដីអច្ឆរិយៈនៃព្រះរាជាណាចក្រកម្ពុជា ក្នុងកិច្ចប្រជុំកំពូលហ្វ្រង់កូហ្វូនីលើកទី២០

ប្រជាជនកម្ពុជាកំពុងស្វាគមន៍យ៉ាងកក់ក្តៅ និងប្រកបដោយមោទនភាព ចំពោះការអញ្ជើញមកដល់របស់ប្រតិភូជាន់ខ្ពស់ ថ្នាក់ដឹកនាំ និងភ្ញៀវអន្តរជាតិទាំងអស់ មកចូល

ព្រឹត្តិការណ៍កីឡាជាតិ ឆ្នាំ២០២៦ បិទបញ្ចប់ដោយជោគជ័យយ៉ាងត្រចះត្រចង់ ក្រោមការឧបត្ថម្ភផ្តាច់មុខ និងការគាំទ្រយ៉ាងសកម្មពីក្រុមហ៊ុន វឌ្ឍនៈ ដើម្បីបន្តលើកស្ទួយវិស័យកីឡាកម្ពុជា

ព្រឹត្តិការណ៍កីឡាជាតិ លើកទី៥ និងកីឡាជាតិជនពិការ លើកទី៣ ឆ្នាំ២០២៦ ដែលជាមហាព្រឹត្តិការណ៍កីឡាថ្នាក់ជាតិដ៏សំខាន់បំផុតប្រចាំឆ្នាំ បានបិទបញ្ចប់ជាស្ថាពរប្រកប

កម្ពុជា​ដាក់បង្ហាញសិល្បៈ​បុរាណ​ខ្មែរ​ក្នុង​ព្រឹត្តិការណ៍​អន្តរជាតិ «ហ្វ្រង់កូហ្វូនី»

ព្រឹត្តិការណ៍ «ភូមិហ្វ្រង់កូហ្វូនី ឆ្នាំ២០២៦» បើក​ជា​ផ្លូវ​ការ​នា​វេលា​ព្រឹក​ថ្ងៃ​ទី ១៣ ខែវិច្ឆិកា ឆ្នាំ២០២៦ ក្រោម​អធិបតីភាព​ដ៏​ខ្ពង់ខ្ពស់​នៃ​សម្ដេចមហាបវរធិបតី

សារព័ត៌មាន The Star បានចុះផ្សាយពី ជូរី ល្អហួស និងរបាំបុរាណខ្មែរ ដែលនាងយកទៅបង្ហាញក្នុងកម្មវិធីប្រកួតសម្រស់ នៅហ្សាកាតា

ម្មវិធីការ​ប្រកួត Miss Teen Icon International ២០២៦ ដែល​ឥណ្ឌូណេស៊ីធ្វើ​ជា​ម្ចាស់​ផ្ទះ ហើយ​ក៏​មាន​ការ​ចូលរួមពី ជូរីល្អហួស Miss Teen Icon Cambodia 2026 ទទួល​បាន​



Leave a Reply

Your email address will not be published.Required fields are marked *