គ្រឿង​អលង្ការ​​បុរាណ​ខ្មែរ​ធ្វើ​ពី​ថ្ម និង​សំរឹទ្ធ​ ​រក្សា​ទុក​នៅ​​អង់គ្លេស​រាប់​ឆ្នាំ ពេល​នេះ​​ត្រលប់​មក​ដល់​ទឹកដីកំណើតវិញហើយ!

គ្រឿង​អលង្ការ​បុរាណ​ខ្មែរ​​ធ្វើ​អំពី​ថ្ម និង​សំរឹទ្ធ​ទាំង​ ៧៧ គ្រឿង​ ដែល​រក្សា​ទុក​ដោយ​ក្រុម​គ្រួសារ​របស់​លោក ឡាតហ្វត នឹង​ត្រលប់​មក​កាន់​ទឹក​ដី​កម្ពុជា​វិញ កាលពី​ថ្ងៃ​ទី ១៧ ខែ​កុម្ភៈ​ ឆ្នាំ២០២៣ ក្រោម​ការ​ដឹកនាំ​របស់ ឯក​ឧត្តម ហ៊ុន ម៉ានី និង​មន្ត្រី​ជំនាញ​កម្ពុជា។

យោង​តាម​សេចក្ដី​ប្រកាស​របស់​ក្រសួង​វប្បធម៌​ និង​វិចិត្រ​សិល្បៈ​បាន​ឲ្យ​ដឹង​ថា «បន្ទាប់​ពី​វត្ថុបុរាណ​ខ្មែរ​ធ្វើ​ពី​ថ្ម និង​សំរឹទ្ធ​មួយ​ចំនួន​ដែល​បាន​ទទួល​ពី​ប្រទេស​អង់គ្លេស​នៅ​ខែ​កញ្ញា ឆ្នាំ ២០២១ កន្លង​មក​ នា​ថ្ងៃ​ទី​១២ ខែ​កុម្ភៈ ឆ្នាំ ២០២៣ ក្រុម​ការងារ​កម្ពុជា​ដែល​ដឹកនាំ​ដោយ ឯក​ឧត្តម ហ៊ុន ម៉ានី ប្រធាន​គណៈកម្មការ​ទី ៧ នៃ​រដ្ឋសភា ទទួល​បន្ទុក​វិស័យ​អប់រំ យុវជន និង​កីឡា ធម្មការ កិច្ចការ​សាសនា​ វប្បធម៌ និង​ទេសចរណ៍ ព្រម​ទាំង​មន្ត្រី​ជំនាញ​កម្ពុជា​បាន​ទៅ​កាន់​ប្រទេស​អង់គ្លេស​ ដើម្បី​នាំយក​គ្រឿង​អលង្ការ​បុរាណ​ខ្មែរ សរុប​ចំនួន ៧៧ គ្រឿង​បន្ថែម​ពី​ក្រុម​គ្រួសារ​លោក ឡាត​ហ្វត»។

រូបថត៖ ប្រភពក្រសួងវប្បធម៌ និងវិចិត្រសិល្បៈ

គួរ​បញ្ជាក់​ថា ​គ្រឿង​អលង្ការ​បុរាណ​ខ្មែរ ដែល​បាន​បញ្ជូន​មក​ដល់​កម្ពុជា នា​ថ្ងៃ​ទី​១៧ ខែ​កុម្ភៈ ឆ្នាំ ២០២៣ មាន​ដូច​ជា ក្បាំង​មកុដ ខ្សែក ខ្សែដៃ ខ្សែ​ក្រវ៉ាត់ ក្រវិល បន្តោង ស្ថិត​ក្នុង​សម័យ​មុន​អង្គរ​ និង​សម័យ​អង្គរ ជា​គ្រឿង​អលង្ការ​មាស និង​លោហៈ​មាន​តម្លៃ​មួយ​ចំនួន​ធ្លាប់​បាន​ផ្សព្វផ្សាយ​ក្នុង​សៀវភៅ​ Khmer Gold: Gifts of the god និពន្ធ​រួម​ដោយ​លោក​ស្រី Emma C. Bunker និង​លោក Douglas A.J. Lactford នា​ឆ្នាំ ២០០៨ ដែល​វត្ថុ​ភាគ​ច្រើន សាធារណជន​ពុំ​ធ្លាប់​បាន​ឃើញ​ពី​មុន​មក។

រូបថត៖ ប្រភព Hun Many

ដោយ​ឡែក​នៅ​ថ្ងៃ​ទី ២០ ខែ​កុម្ភៈ ឆ្នាំ២០២៣ ​​ថ្មី​ៗ​នេះ ឯក​ឧត្តម ហ៊ុន ម៉ានី ប្រធាន​គណៈកម្មការ​ទី ៧ នៃ​រដ្ឋសភា ទទួល​បន្ទុក​វិស័យ​អប់រំ យុវជន និង​កីឡា ធម្មការ កិច្ចការ​សាសនា​ វប្បធម៌ និង​ទេសចរណ៍ បាន​ផុស​ចែក​រំលែក​ដំណឹង​នៅ​លើ​គេហទំព័រ​ហ្វេស​ប៊ុក​របស់​ខ្លួន ​ដោយ​មាន​ខ្លឹមសារ​ដូច​តទៅ៖

«ទូល​ព្រះបង្គំ ខ្ញុំ​ព្រះករុណា ខ្ញុំ និង​គណៈប្រតិភូ មាន​មោទកភាព និង​មាន​កិត្តិយស​ជា​ទី​បំផុត​ ដែល​ទទួល​បាន​សេចក្ដី​ទុកចិត្ត និង​អនុញ្ញាត ចូលរួម​ក្នុង​បេសកកម្ម​ជា​ប្រវត្តិ​សាស្ត្រ​ ក្នុង​ការ​ដង្ហែរ​មក​វិញ​នូវ គ្រឿង​អលង្ការ​បុរាណ​ខ្មែរ ដែល​ជា​រតនវត្ថុ​ដ៏​មាន​តម្លៃ​វិសេសវិសាល និង​ជាផ្នែក​មួយ​ការ​យាង​ត្រឡប់​មក​វិញ​នៃ​ដួង​ព្រលឹង​បុព្វបុរស​ខ្មែរ។

ការ​វិល​ត្រឡប់​មក​វិញ នៃ​គ្រឿង​អលង្ការ​បុរាណ​ខ្មែរ ដែល​ជា​រតនវត្ថុ​ដ៏​មាន​តម្លៃ​វិសេស​វិសាល​ ប្រកប​ដោយ​ភាព​ជោគជ័យ​នេះ បាន​ឆ្លុះ​បញ្ចាំង​ពី​កត្តា​សុខ​សន្តិភាព​ ដែល​កម្ពុជា​សម្រេច​បាន​មក​ដល់​ពេល​នេះ ដែល​យើង​អាច​មាន​ឱកាស​ជា​បន្តបន្ទាប់​ក្នុង​ការ​សិក្សា​ស្រាវជ្រាវ​ស្វែង​រក​កេតនភណ្ឌ​ជាតិ​ត្រឡប់​មក​វិញ។

ខ្ញុំ និង​សហការី សូម​ឆ្លៀត​យក​ឱកាស​នេះ​ថ្លែង​អំណរ​គុណ​ដល់​រាជរដ្ឋាភិបាល​ ជាពិសេស​ក្រសួង​វប្បធម៌ និង​វិចិត្រ​សិល្បៈ និង​កោត​សរសើរ​ដល់​អគ្គរាជទូត​កម្ពុជា​ប្រចាំ​ចក្រភព​អង់គ្លេស​ និង​ភាគី​ពាក់ព័ន្ធ​ទាំងអស់ ជា​ពិសេស​ដល់​ក្រុម​គ្រួសារ​លោក ឌូគ្លាស ឡាតហ្វដ ដែល​បាន​ខ្នះខ្នែង​រៀប​ចំ​សម្រប​សម្រួល​ដំណើរ​ការ​ក្នុង​ការ​នាំ​យក​មក​វិញ​នូវ​គ្រឿង​អលង្ការ​ទាំង​៧៧​គ្រឿង។​ នេះ​ជា​កាយ​វិការ​មួយ​ដែល​គួរ​ឲ្យ​កោត​សរសើរ ដែល​ជា​គំរូ​មួយ ដែល​យើង​សង្ឃឹម​ថា​នឹង​មាន​ការ​ចូលរួម​ពី​អ្នក​ដទៃ​ផ្សេង​ទៀត​»៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។