ហេតុអ្វី ហ្វាំងឡង់ក្លាយ​ជាប្រទេស​មាន​សុភមង្គល​បំផុត​ក្នុង​ពិភពលោក និងមានគុណភាពជីវិតកម្រិតខ្ពស់បែបនេះ?

ជារៀងរាល់ឆ្នាំ អង្គការសហប្រជាជាតិ តែងចេញផ្សាយនូវរបាយការណ៍ស្តីពីសុភមង្គលពិភពលោក ដែលកំណត់ចំណាត់ថ្នាក់ប្រទេសដែលមានសុភមង្គលបំផុតក្នុងពិភពលោក និងប្រទេសដែលសោកសៅបំផុត។ របាយ​ការណ៍នេះវាយតម្លៃផ្អែកទៅលើ​កត្តា​មួយ​ចំនួន​ដូច​ជា គុណភាព​ជីវិត ការ​គាំទ្រ​សង្គម និង​សេរីភាព​ផ្ទាល់​ខ្លួន។ ប៉ុន្មានឆ្នាំចុងក្រោយ រួមទាំងឆ្នាំ២០២៣នេះ ហ្វាំងឡង់បានឈ្នះម្តងហើយម្តងទៀត ៥ឆ្នាំជាប់ៗគ្នា ផ្តួលប្រទេសដូចជាដាណឺម៉ាក ស្វីស និងអ៊ីស្លង់ ជាដើម។

តើវាអាចទៅរួចទេ? តើអ្នកជឿទេ ប្រសិនបើមានគេប្រាប់អ្នកថា ប្រទេសមួយនៅភាគខាងជើងដែលឆ្ងាយពីពិភពលោក ឬប្រទេសដទៃ រួមទាំងមានអាកាសធាតុអាក្រក់បំផុតមួយ គឺជាប្រទេសដែលមានសុភមង្គលបំផុតក្នុងពិភពលោក?

មែនទែនទៅ ប្រជាជនហ្វាំងឡង់យល់ពីរបៀបក្នុងការចំណាយពេលវេលារបស់ពួកគេបានល្អបំផុត។ នៅពេលដែលអាកាសធាតុក្តៅ ឬក្នុងរដូវក្តៅ ពលរដ្ឋហ្វាំងឡង់ចូលចិត្តចំណាយពេលទំនេររបស់ពួកគេនៅខាងក្រៅជាជាងនៅខាងក្នុងផ្ទះ នៅលើសាឡុង មើលទូរទស្សន៍។

យ៉ាងណាក៏ដោយ ប្រជាជន​នៅ​ក្នុង​ប្រទេស​ផ្សេង​ទៀតក៏យល់ថាពួកគេ​មាន​អារម្មណ៍​ដូច​គ្នា​អ៊ីចឹងដែរ និងថែមទាំងមាន​អាកាសធាតុ​ល្អ​ជាងហ្វាំងឡង់ទៀតផង។ ដូច្នេះ តើអ្វីជាលក្ខណៈពិសេសរបស់ហ្វាំងឡង់?ហេតុអ្វីបានជាជនជាតិហ្វាំងឡង់មាន​សុភមង្គល​ម្ល៉េះ? តើហ្វាំងឡង់ជាកន្លែងល្អសម្រាប់រស់នៅទេ?

សេដ្ឋកិច្ចរឹងមាំ និងប្រព័ន្ធអប់រំដ៏ប្រសើរ

ពេលនិយាយដល់សុភមង្គល គេមិនអាចរំលងក្រពះ និងខួរក្បាលបាននោះទេ។ សេដ្ឋកិច្ចរបស់ប្រទេសរឹងមាំ ប្រជាជនសម្បូរសប្បាយ គ្មានភាពខ្សត់អត់ឃ្លាន បូករួមជាមួយប្រព័ន្ធអប់រំដ៏ល្អ គុណភាពជីវិតនឹងមានកម្រិតខ្ពស់ ហើយបញ្ហាក្នុងសង្គមក៏ពុំសូវមានដូចគ្នា។

ប្រជាជនហ្វាំងឡង់ម្នាក់ជាមធ្យមមានចំណូលជាង ៥មុឺនដុល្លារក្នុងមួយឆ្នាំ ចំណែកអត្រានៃភាពក្រីក្រគឺស្ទើរតែគ្មាន។ ជាមួយគ្នានេះ ប្រជាជនដែលក្រីក្របំផុតក្នុងសង្គមហ្វាំងឡង់តែងទទួលបានសេវាថែទាំសុខភាព និងសេវាសាធារណៈស្មើរមុខស្មើរមាត់ដូចប្រជាជនដទៃ។ លើសពីនេះអត្រានៃប្រជាជន គ្មានផ្ទះសម្បែងគឺគ្មានសោះឡើយ។

ចំណែកប្រព័ន្ធ​អប់រំវិញ ហ្វាំងឡង់ត្រូវបានគេចាត់ថ្នាក់ជាប្រទេសដែលមានប្រព័ន្ធអប់រំដែលមានសមធម៌​បំផុត​មួយ​នៅ​អឺរ៉ុប ​បង្កើតបានលទ្ធផលខ្ពស់ ឬធនធានមនុស្ស​គួរ​ឱ្យ​កត់​សម្គាល់​មួយ​ចំនួន​ និងយុវជនរបស់គេមានឱកាសច្រើនលើសលុប។

មាគ៌ានៃសេរីភាព

ប្រទេសហ្វាំងឡង់គឺជាទី កន្លែងដ៏ស្រស់ស្អាតសម្រាប់រស់នៅ និងស្ងប់ស្ងាត់បំផុត។ ផ្ទុយពីប្រទេសមួយចំនួន ប្រទេសហ្វាំងឡង់មានភាពងាយស្រួល និងបើកចំហជាង។ ប្រជាជនហ្វាំងឡង់មានវប្បធម៌ទទួលស្វាគមន៍គ្នា ពិសេសផ្នត់គំនិតសហការ ធ្វើការជាក្រុម ជាជាងការប្រកួតប្រជែង។ មួយវិញទៀត ប្រជាជន​ហ្វាំងឡង់​ហាក់​មាន​សុវត្ថិភាព និង​មិនសូវ​ខ្វល់ខ្វាយ​ពីការប្រកួតប្រជែងជាមួយ​ពិភព​ខាងក្រៅប៉ុន្មានឡើយ។

អត្រាឧក្រិដ្ឋកម្មទាបបំផុត

នៅក្នុងរបាយការណ៍សុភមង្គលពិភពលោកឆ្នាំ ២០១៦ បានបកស្រាយថា សូចនាករដ៏សំខាន់បំផុតមួយនៃសុភមង្គលគឺអារម្មណ៍សុវត្ថិភាពរបស់មនុស្ស។ ប្រទេសហ្វាំងឡង់ទទួលបានលទ្ធផលល្អជាពិសេសនៅក្នុងសូចនាករប្រភេទនេះ ដោយសារអត្រាឧក្រិដ្ឋកម្មនៃប្រទេសនេះទាប។ អត្រាឧក្រិដ្ឋកម្មទាបនេះបានជំរុញឱ្យប្រជាជនហ្វាំងឡង់មានវប្បធម៌បើកចំហចំពោះគ្នា មានអារម្មណ៍ស្ងប់សុខ សុវត្ថិភាព និងសុមភមង្គល។

ទេសភាព និងសម្បត្តិធម្មជាតិដ៏អស្ចារ្យ

ហ្វាំងឡង់គឺជាប្រទេសមួយកន្លែងមួយដែលមានដែនដីដ៏គួរឱ្យភ្ញាក់ផ្អើលបំផុត។ ហ្វាំងឡង់​មាន​ភាព​ស្រស់​ស្អាត​តាមរយៈទំហំ​ព្រៃឈើ​ដ៏​ធំល្វឹងល្វើយ​មិនដែល​ខូច​ខាត មានទេសភាពស្រស់ស្អាតខ្លាំងទាំងរដូវត្រជាក់ និងក្តៅ ព្រមទាំងសម្បូរ​បឹងធម្មជាតិផងដែរ។ មនុស្ស​ជា​ច្រើន​និយាយ​ថា​ហ្វាំងឡង់ជា​កន្លែង​ដ៏​ល្អ​សម្រាប់​ទៅ​ទស្សនា​ដោយ​សារ​តែ​សម្រស់​ធម្មជាតិ​របស់​វា​។

សម្បត្តិធម្មជាតិជាកត្តារួមផ្សំដ៏សំខាន់មួយដែលជួយបង្កើនគុណភាពជីវិតនៃប្រជាជនហ្វាំងឡង់។ ម្យ៉ាងដោយសារប្រជាជនមួយនេះនិយមចំណាយពេលវេលានៅខាងក្រោក្នុងធម្មជាតិផងនោះ ទើបធ្វើឱ្យភាពតានតឹងនៃប្រជាជនម្នាក់ៗមានកម្រិតទាប។

ទាំងនេះគឺជាចំណុចចម្បងមួយចំនួនតូចប៉ុណ្ណោះ អំពីសុភមង្គលនៃប្រទេសហ្វាំងឡង់។ យ៉ាងណាយើងក្រឡេកមកមើលតារាងចំណាត់ថ្នាក់ប្រទេសដែលមានសុភមង្គលបំផុតក្នុងពិភពលោកទាំង ១០ ម្តង៖ 

  1. ហ្វាំងឡង់ (ពិន្ទុ 7.804)
  2. ដាណឺម៉ាក (ពិន្ទុ 7.586)
  3. អ៊ីស្លង់ (ពិន្ទុ 7.530)
  4. អ៊ីស្រាអែល (ពិន្ទុ 7.473)
  5. ហូឡង់ (ពិន្ទុ 7.403)
  6. ស៊ុយអែត (ពិន្ទុ 7.395)
  7. ន័រវែស (ពិន្ទុ 7.315)
  8. ស្វីស (ពិន្ទុ 7.240)
  9. លុចសំបួ (ពិន្ទុ 7.228)
  10.  នូវែលសេឡង់ (ពិន្ទុ 7.123)

ដោយឡែកសម្រាប់ចំណាត់ថ្នាក់ប្រទេសដែលសោកសៅបំផុតវិញគឺប្រទេស អាហ្វហ្គានីស្ថាន (ពិន្ទុ 1.859) និងលីបង់ (ពិន្ទុ 2.392) ។ នេះបើយោងទៅតាមរបាយការណ៍សុភមង្គលពិភពលោកឆ្នាំ ២០២៣៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។