ជឿថាជាព្រះអង្គម្ចាស់ឌូបៃពិត នារីម្នាក់ចាញ់ល្បិចលង់ស្នេហ៍ ខូចទាំងចិត្ត អស់ទាំងលុយ

Maria បានជឿជាក់ថា នាងកំពុងមានទំនាក់ទំនងស្នេហាជាមួយព្រះអង្គម្ចាស់មួយអង្គមកពីទីក្រុងឌូបៃ ដោយមានការទាក់ទងគ្នាតាមរយៈវីដេអូខល (Video Call) ជាអ្នកផ្ដល់ទំនុកចិត្ត។ យ៉ាងណាមិញ Maria មិនបានដឹងទេថា គូស្នេហ៍ដែលនាងកំពុងនិយាយជាមួយ គឺជា AI Deepfake ដែលជាបច្ចេកវិទ្យាបន្លំទម្រង់មុខ នាំឱ្យនាងក្លាយជាជនរងគ្រោះម្នាក់ទៀតក្នុងល្បិចឆបោកស្នេហាតាមអនឡាញ ឬ Romance Scam។

នៅថ្ងៃទី៣ ខែកក្កដា កន្លងទៅ សារព័ត៌មាន AFP បានចុះផ្សាយថា Maria បានជួបជាមួយជនបោកប្រាស់ដែលបន្លំខ្លួនជាព្រះអង្គម្ចាស់ Hamdan bin Mohammed ឬមាននាមប៉ាកកាថា Fazza នៅលើគេហទំព័រស្វែងរកគូស្រករ មុនពេលការសន្ទនានោះបានផ្លាស់ប្តូរទៅកាន់កម្មវិធីផ្ញើសារ ដែលជាទីកន្លែងក្រុមឆបោកប្រើល្បិចលួងលោមស្នេហាចំពោះជនរងគ្រោះ។

ស្ត្រីជាពលការិនីមេផ្ទះជនជាតិហ្វីលីពីនរូបនេះ បានប្រាប់ទីភ្នាក់ងារសារព័ត៌មាន AFP ដោយស្នើសុំមិនបញ្ចេញឈ្មោះពិត និងអាយុរបស់នាងថា៖ “គាត់បានផ្ញើសារមកខ្ញុំជាបន្តបន្ទាប់ សូម្បីតែពេលខ្ញុំកំពុងគេងក៏ដោយ។ វាមានអារម្មណ៍ដូចជាមានមន្តស្នេហ៍អ្វីម្យ៉ាងដែលតភ្ជាប់ចិត្តរបស់យើងទាំង ២នាក់”។

នៅក្នុងវីដេអូថតទុកមួយនៃការខលតាម WhatsApp ជនបោកប្រាស់បានបង្ហាញខ្លួនដោយមានរូបរាងដូចព្រះអង្គម្ចាស់ពិតៗ ខណៈការនិយាយ និងចលនារបស់បបូរមាត់គឺត្រូវគ្នាទាំងស្រុង ប៉ុន្តែវាមិនមែនជាសំឡេងពិតរបស់ព្រះអង្គម្ចាស់នោះទេ។ ក្នុងវីដេអូនោះ ជនបោកប្រាស់បានប្រាប់ Maria ថា៖ “សួស្តីអូនសម្លាញ់។ ខ្ញុំពិតជាកោតសរសើរចំពោះក្តីស្រឡាញ់ និងការគាំទ្ររបស់អ្នកណាស់”។

Maria ដែលជឿស៊ប់ រហូតបាក់ចិត្តស្រឡាញ់ខ្លាំង មិនបានដាក់ការសង្ស័យថានេះជាការបោកប្រាស់ឡើយ រហូតដល់នាងត្រូវបាត់បង់ប្រាក់ដែលខ្លួនបានសន្សំអស់ពេលមួយឆ្នាំពេញ។

ជនបោកប្រាស់បានល្បួងឱ្យនាងបង់ប្រាក់ចំនួន ១០០ ០០០ ប៉េសូ ឬប្រមាណ ១ ៦២៥ ដុល្លារអាមេរិក ដោយអះអាងថាជាថ្លៃ “សំបុត្រអាពាហ៍ពិពាហ៍” និង “Royal Membership Card” ដែលជាកាតផ្ដល់សិទ្ធិរស់នៅដោយស្របច្បាប់ក្នុងទីក្រុងឌូបៃ ដោយជនបោកប្រាស់បានបញ្ជាក់ថា កាតនេះនឹងជួយឱ្យនាងទទួលបានការងារធ្វើ។

Maria បានចាប់ផ្ដើមសង្ស័យ នៅពេលដែលជនខិលខូចបានស្នើសុំជួបនាងនៅសណ្ឋាគារមួយ ហើយទាមទារប្រាក់ចំនួន ៦០ ០០០ ប៉េសូ ប្រមាណ ៩៧៤ ដុល្លារអាមេរិក បន្ថែមទៀតសម្រាប់ការកក់បន្ទប់។ នៅពេលដែលនាងបានពិនិត្យមើលគណនីហ្វេសប៊ុក (Facebook) របស់ជនបោកប្រាស់ដែលបច្ចុប្បន្នបានលុបចោលទៅហើយ នាងបានកត់សម្គាល់ឃើញថា គណនីនោះមានមូលដ្ឋាននៅក្នុងប្រទេសនីហ្សេរីយ៉ា។

ជនរងគ្រោះរូបនេះបានសម្រេចចិត្តកាត់ផ្តាច់ទំនាក់ទំនងទាំងស្រុង ដោយបានផ្ញើសារចុងក្រោយមួយទៅកាន់ជនបោកប្រាស់ថា៖ “ទៅចុះនរកទៅ អាជនបោកប្រាស់”។

ព្រះអង្គម្ចាស់ឌូបៃក្លែងក្លាយ

ការបោកប្រាស់នេះ គឺជាផ្នែកមួយនៃប្រព័ន្ធអេកូឡូស៊ីដ៏ធំ ដែលគេស្គាល់ថាជា ល្បិចបោកប្រាស់ “Fake Dubai Prince” ដែលមានគោលដៅបោកប្រាស់ទាំងទៅលើមនោសញ្ចេតនា និងទ្រព្យសម្បត្តិ។

ប្រភពដដែលបានរកឃើញក្រុមនៅលើហ្វេសប៊ុកជាច្រើនដែលបន្លំខ្លួនជាព្រះអង្គម្ចាស់រូបនេះ ដែលក្រុមខ្លះមានអ្នកតាមដានរាប់ពាន់នាក់។ នៅទីនោះ ជនបោកប្រាស់បានអញ្ជើញសមាជិកក្រុមឱ្យចូលរួមការជជែកកម្សាន្តតាម WhatsApp ឬ Telegram ជាមួយព្រះអង្គម្ចាស់។

រូបភាពដែលបានបង្ហោះនីមួយៗសុទ្ធសឹងតែជារូបភាពកាត់តដែលមានសភាពដូចពិតៗ។ ខណៈមានអ្នកប្រើប្រាស់មួយចំនួនបានព្រមានពីការបោកប្រាស់នេះនៅក្នុង Comment ទៅហើយក្ដី ក៏ប៉ុន្តែមនុស្សជាច្រើនទៀត បែរជាផ្ញើ Emoji រូបបេះដូង និងរូបថើបទៅកាន់ព្រះអង្គម្ចាស់ក្លែងក្លាយនេះទៅវិញ។

បញ្ហាខាងលើ បាននាំឱ្យមានញត្តិមួយនៅលើគេហទំព័រ change.org ដែលមានឈ្មោះថា “Stop Fazza Scam”។ ញាត្តិនេះបានអំពាវនាវដល់ក្រុមការងាររបស់ព្រះអង្គម្ចាស់ Sheikh Hamdan ឱ្យជួយលើកកម្ពស់ការយល់ដឹង និងប្រកាសប្រឆាំងនឹងជនបោកប្រាស់ដែលបន្លំខ្លួនជាព្រះអង្គម្ចាស់។

បច្ចេកវិទ្យាកាន់តែដើរទៅមុខ ការក្លែងបន្លំកាន់តែដូចការពិត

ព្រះអង្គម្ចាស់ Hamdan bin Mohammed មិនមែនជាបុគ្គលសាធារណៈតែមួយរូបនោះទេ ដែលជនខិលខូចបានលួចយកអត្តសញ្ញាណទៅប្រើប្រាស់ដើម្បីបោកបញ្ឆោទអ្នកដទៃ។ កាលពីឆ្នាំមុន អាជ្ញាធរបារាំងបានបើកការស៊ើបអង្កេតមួយ ដើម្បីស្វែងរកអត្តសញ្ញាណជនបោកប្រាស់ដែលបន្លំខ្លួនជាតារាសម្តែង Brad Pitt ដែលបានបោកប្រាស់ស្ត្រីម្នាក់អស់ប្រាក់ចំនួន ៨៣០ ០០០អឺរ៉ូ ឬប្រមាណ ៩៤៥ ០០០ ដុល្លារអាមេរិក។

ស្ថាប័ន The Global Anti-Scam Alliance បានប៉ាន់ប្រមាណថា កាលពីឆ្នាំកន្លងទៅ មនុស្សទូទាំងពិភពលោកបានបាត់បង់ប្រាក់សរុបប្រមាណ ៤៤២ ប៊ីលានដុល្លារអាមេរិក ដោយសារការចាញ់បោកគេ រួមទាំងការបោកប្រាស់ផ្នែកមនោសញ្ចេតនា ហៅថា Romance fraud នេះផងដែរ។

ស្របពេលដែលបច្ចេកវិទ្យាធ្វើឱ្យការក្លែងបន្លំមុខកាន់តែដូចការពិត បើទោះបីជាការវីដេអូខលក៏មានភាពស្ដែងៗ និងពិបាកញែកជាងមុន លោក David Rand មកពីសាកលវិទ្យាល័យ Cornell University បានលើកឡើងថា៖ “បច្ចេកវិទ្យានេះកំពុងតែរីកចម្រើនយ៉ាងឆាប់រហ័ស ហើយនៅពេលដ៏ខ្លីខាងមុខ វីដេអូក្លែងបន្លំទម្រង់មុខបែប Real-time video deepfakes នឹងកាន់តែមានភាពល្អប្រសើរឡើងៗ”។

លោកបានឱ្យដឹងបន្ថែមទៀតថា៖ “នៅពេលដែលរឿងនេះកើតឡើង វានឹងក្លាយជារឿងដែលមិនអាចទៅរួច ក្នុងការបែងចែកថា តើការសន្ទនាដែលមិនបានជួបមុខគ្នាដោយផ្ទាល់ណាមួយ ជាការពិត ឬជាការក្លែងបន្លំ”៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី

លោកយាយវ័យ ៨៤ ឆ្នាំ សម្រេចក្តីស្រមៃរៀនចប់ថ្នាក់បណ្ឌិត ក្រោយតស៊ូនឹងជំងឺមហារីក

ក្នុងវ័យ ៨៤ ឆ្នាំ លោកស្រីបណ្ឌិត Prasanna Mukundan បានសម្រេចក្តីសុបិន ដោយទទួលបានសញ្ញាបត្របណ្ឌិត ទាំងដែលលោកស្រីធ្លាប់គិតថា វាជាក្តីស្រមៃមួយដែលមិនអាចឈោងដល់។



Leave a Reply

Your email address will not be published.Required fields are marked *